بداية المراجعة للباكلوريا ( يرجى العطاء قبل الاخذ )

[°واحد من الناس °]

المشاركة الأصلية كتبت بواسطة keri92

السلام عليكم ........جمعة مباركة ..........
فكرة جيدة ........اود المشاركة هل من استفسار .....او اسئلة

ان كان لديك تمكن من مادة فاعرضيها للمساعدة فيها

[keri92]

انا ضعيفة في العلوم .........لكن هل لديكم اسئلة في اي مادة كانت و ساحاول الاجابة اخي الكريم ......ا

[°واحد من الناس °]

اختي فكرة الموضوع ليست اسئلة واجوبة وانما تماشي مع البرنامج خطوة بخطوة والمراجعة

وان كنتي ضعيفة في العلوم فمن خلال هذا الموضوع ان شاء الله ومن خلال الطلبة هنا سيمكنك
الرفع من مستواك

والموضوع شامل كامل لجميع المواد
فمثلا يمكنك المساعدة في المواد الادبية
اللغات مثلا

او اي مادة اخرى

[keri92]

حسنا فهمت الفكرة ..........

[sousoud'aflou]

السلام عليكم
والله فكرة مليحة 100 بال 100 واحنا ما نبخلوا حتى واحد ان شاء الله واذا كنا نعرفوا حاجة كون هاني باللي نقولوها وان شاء الله يجعلها في ميزان حسناتك هذه الالتفاتة والفكرة الناجحة ان شاء الله

وعجبني شرحكما في الفيزياء والعلوم وانا كنت من الممكن نساعد في العلوم بصح ما عنديش الوقت نحط موضوع كل يوم ونشوف الاستفسارات اسمحولي بصح اكيد كي نكون هنا صدقوني ما نبخلكمش

وان شاء الله تكون فاهم مليح الوحدة الاولى في الكيمياء خاصة تاع الوسيط وتركيزه ...الخ والناقلية والمعايرة حابة نفهمهم مليح مليح
شكراااااااا وربي يحفضكم وينجحكم كاملييييييييييين (وانا نعاكم) ....يااااااااااارب

[°واحد من الناس °]

يعني نحن لي فارغين شغل أختي
ومراناش نقرااو
هكا منقدرش وحدي
الا اذا رايت نشاط وتكاثف من الاعضاء

والا سانسحب بهدوء من الموضوع

[✗ ┋ وَړْﮃَةُ آلـﭴَزآئـړْ ┋ ✗]

السلام عليكم ورحمة الله تعالى وبركاته
موضوع رائع جدا أخي كاين بزاف اللي يقولو خلاص خلصت الامتحانات لازم نرتاح في الأيام اللي بقاو ومبعد كي يلحق الثلاثي الثاني نعاود نقرا هذا خطأ طبعا
مليح نستغلو هذين الأسبوعين قبل العطلة في مراجعة دروس الثلاثي الأول واستدراك الأخطاء ونحطو برنامج في العطلة نقراو أنا من جهتي درت برنامجي في العطلة اللي راح نقرا بيه

ولدي تعقيب بسيط ممكن تحطو الدروس بالتدرج يعني عجبتني طريقة الأخ واحد من الناس في وضع الدروس فهي بسيطة وسهلة ومتدرجة

لكن في العلوم الدروس كثيرة جدا وبعضها معقد تحتاج إلى التدرج يعني يوميا نحطو درس واحد ونتناقشو فيه لأنو في العلوم ليس كافيا أن تعرف المعلومات لأنه ممكن أن تعرف المعلومات ولا تعرف كيف تربطها ببعضها في التحليل والتفسير

في العلوم أهم شيء بعد الفهم هو تعلم منهجية الإجابة لأنو قادر تقرا وثيقة وتفهمها وتكتب بزاف في التحليل والتفسير ومبعد تلقى 0
يعني في العلوم يجب التدرب على منهجية الإجابة

أما الفيزياء والرياضيات فطبعا بعد الفهم الجيد للدروس يجب حل أكبر عدد من التمارين التي فيها أفكار جديدة

أنا حاضرة للمساعدة في أي مادة قدر استطاعتي سأحاول إعطاءكم أي معلومة أعرفها متى توفر لدي الوقت

[Nour el houda93]

السلام عليكم ورحمة الله وبركاته::::
أولا اشكركم على هذه المبادرة وساحاول المساعدة قدر الامكان باذن الله
لاكني اواجه مشكل في الانجليزية.....لذااتمنى المساعدة منكم
وليكن في العلم ان ما ساطلبه دائما سيكون في الباكالوريا
وقد طرحته في هذا الموضوع لاكني لم اتلقى اجابة..
https://www.djelfa.info/vb/showthread.php?t=425322
اذا اعطي لنا جدول Nouns /verb/ adjectif/adverb غالبا ما اجد مشكلة في اتمامه
اذااتمنى مساعدتكم لتجميع اكبر قدر من الكلمات على الاقل كل عضو يساهم ب10 كلمات وسنضمن4نقاط في الباكالوريا يا اخوان

[sousoud'aflou]

المشاركة الأصلية كتبت بواسطة °واحد من الناس °

يعني نحن لي فارغين شغل أختي
ومراناش نقرااو
هكا منقدرش وحدي
الا اذا رايت نشاط وتكاثف من الاعضاء

والا سانسحب بهدوء من الموضوع

هههههههههههههه
والله ماهذا هو قصديييييي اسمحولي بصح عندي ظروف اخرى ما تساعدنيش بصح ماعليش انا جاهزة في اي وقت انتوما فصلولي وانا نلبس انا حاظرة لاي استفسار في اي مادة ماعدا الوحدة الولى من الكيكيمياء (المعايرة... الناقلية... الوسيط)

[°واحد من الناس °]

معليش شوفيلك مادة ادبية
ساهلة

او اللغات اذا عندك فيهم

[sousoud'aflou]

صاحة معليش نظن الفرنسية ساهلة هاد العام ماتحتاجش دروس وشرح .

انجليزية انا حاظرة لاي شئ واي سؤال .

المواد الادبية مانحبهاش الله غالب ما عندي ماندير...

بصح ما فهمتش نستنى هوما يسالوني ولا ندير دروس من عندي...

كنت حابة علوم ولا رياضيات ولكن الله غالب والله ظروفي اقوى مني... اسفة مجددااااا

[algeria for ever]

فكرة هايلة اخوتي
راني واجدة باه نعاونكم في الفرونسي خاطرش هاذيك هي المادة اللي نعرفها وشوية مات

[Nour el houda93]

واش واقيلا ما شفتوش الرد نتاعي؟؟؟؟؟؟؟

[°واحد من الناس °]

المشاركة الأصلية كتبت بواسطة ouarda1992

السلام عليكم ورحمة الله تعالى وبركاته
موضوع رائع جدا أخي كاين بزاف اللي يقولو خلاص خلصت الامتحانات لازم نرتاح في الأيام اللي بقاو ومبعد كي يلحق الثلاثي الثاني نعاود نقرا هذا خطأ طبعا
مليح نستغلو هذين الأسبوعين قبل العطلة في مراجعة دروس الثلاثي الأول واستدراك الأخطاء ونحطو برنامج في العطلة نقراو أنا من جهتي درت برنامجي في العطلة اللي راح نقرا بيه

ولدي تعقيب بسيط ممكن تحطو الدروس بالتدرج يعني عجبتني طريقة الأخ واحد من الناس في وضع الدروس فهي بسيطة وسهلة ومتدرجة

لكن في العلوم الدروس كثيرة جدا وبعضها معقد تحتاج إلى التدرج يعني يوميا نحطو درس واحد ونتناقشو فيه لأنو في العلوم ليس كافيا أن تعرف المعلومات لأنه ممكن أن تعرف المعلومات ولا تعرف كيف تربطها ببعضها في التحليل والتفسير

في العلوم أهم شيء بعد الفهم هو تعلم منهجية الإجابة لأنو قادر تقرا وثيقة وتفهمها وتكتب بزاف في التحليل والتفسير ومبعد تلقى 0
يعني في العلوم يجب التدرب على منهجية الإجابة

أما الفيزياء والرياضيات فطبعا بعد الفهم الجيد للدروس يجب حل أكبر عدد من التمارين التي فيها أفكار جديدة

أنا حاضرة للمساعدة في أي مادة قدر استطاعتي سأحاول إعطاءكم أي معلومة أعرفها متى توفر لدي الوقت

اختي الكريمة هي ليس لوقت معين بل هي بداية لنهاية السنة


وان كنت تظنين انه بامكانك المساهمة في مادة ما والبدء والتدرج في دروسها ن البداية فيرجى ان تتطوعي



وشكرا لك

فانا لا يمكنني التفرغ هنا لجميع المواد

[°واحد من الناس °]

المشاركة الأصلية كتبت بواسطة algeria for ever

فكرة هايلة اخوتي
راني واجدة باه نعاونكم في الفرونسي خاطرش هاذيك هي المادة اللي نعرفها وشوية مات

اوكي ان كنتي قادرة على ذلك

فيمكن ان تبدئي في طرح دروس وتمارين مشروحة ومفهومة للطلبة

وذلك بدءا من اول درس