وعدني ..........

[bintou]

خواني اخواتي هذا المنتدى احس انه الشخص المقابل لي الذي يعطيني افكار مغايرة لافكاري و اتناقش معه و بارك الله فيكم جميعا
اليك حالي
خطبني شاب يعمل في مدينة بعيدة عن مدينتي
و عند النظرة الشرعية قلت له انني لا اريد ان اعيش انا في مدينة و هو في مدينة
قال لي ان ليس لديه سكن خاص به في المدينة التي يعمل فيها الا انه عليه ان اعطيه الوقت باش يوفر السكن
و قال لي ممكن شهر ممكن 6 اشهر (اي انه ابقى في بيت والديه حتى يوجد السكن ) بصح ما توليش تزني على راسي كل مرة
اريد ان اعرف هل يبقى على كلامه و هل يراعي انه و عدني و عليه ان يوفي ام انه كلام خاطب فقط

[حمزة ملياني 121]

والله الامر راجع لييك والى اهلك وخاصة ابوك فهو يعلم امور الشباب

[استاذة التاريخ]

الاستخارة هي افضل حل يا اختي ماتتسرعيش في اتخاذ القرار سواء بالايجاب او السلب استخيري ربك اولا
لعله زوج صالح وتضيعينه من يديك

[biomano]

هدي بطريقة اقناعه و رجولته مادام هو مازال خاطب اصبري واستنى لربما توجدلو الدار وادا ماكانش وانتي تبغيه اصبري عليه واسكني مع اهله وفي الزواج راكي تكون شاطرة في طريقة انو حابة تسكني معاه وانك ماتقدريش تبعدي عليه وهكا هكا يعود يحوس على دار وحدو. وربي يجيب الخير

[الامير-الحزين]

اذا كان صادق و راجل راح يوفي بوعدو و اذا كان ما هوش قادر ننصحك تتقبلي الامر فلا تجبريه على ما طاقة له به اما اذا كان قادرا و لم يفي بوعده فهذا الامر متروك لكي لتفكري فيه و انشاء الله تتحل هذه المشكلة على خير

[لؤلؤة الفردوس]

نعطيك نصيحة و ديريها علي ما تندميش قولي لماليك خاصة ابوك هما أصحاب الحل و المعرفة ولا خوك الكبير اذا وجد

[rida elbaladi]

لقيت راجل و تزيدي تحوسي روح يا بنتي ....ما كانش واحد يعيش مع اهلوا حياتو كاملة غدوة تديري دارك وتروحي منين يروح.....اتكلي على ربي ....و حتى و يلا ما وفاش بكلاموا واش فيها تقعدي مع اهلوا....ما انت اصلا قاعدة مع اهلك.....

[حمزه أبو مريم]

سلام وبعد : إذا رضيتم دينه و خلقه بعد استخارة الله تزوجيه وأنت الشاطرة في كسب وده ، الأمر الذي يجعله يوفر سكنا أو ينتقل للعمل بأقرب مكان ممكن ، فخير نسائكم الودود الولود .... كما قال النبي عليه السلام . وكوني مطيعة إذا أمر سارة إذا إليك نظر وحافظة لنفسك وماله إذا غاب عنك وتأخر. و المسلمون عند شروطهم ، هذا والله أعلم والله الموفق لما يحبه ويرضاه. أخوكم