متى اموت وارتاح مني.......بقلم عبادي الزهراني

[آناءالليل]

.........................

[ابو عامر77]

أنا جرحي راه في الكبدة مرشوم *** واتمكن منها وخلالي مارة

لا طبيب بحكمتو ضاهـر معـلوم *** ولا طالب فهيم عنده اشارة

ولاعاشق كي حالتي في البحر يعوم *** ولافنان يقول قول الشعارة

قلبي صدى صار لونه مثل احموم *** وش من طب يفيدني ياهل تارة

............................................
أحليلي لاكان عقلي ذرك أتسل *** وحليلي لاكان مانيشي غايــــــــــا

واحليلي لاكان ذالهم يذبل *** وحليلي لاكان تبعت اهوايــــــــــا

مشوق والشوق ذا راه يهبل *** ويخلي مولاه للناس اشفايـــــــا

شاهي خطرة شوركم جوي يتحل *** إذى كتبها العالي مولايا

وبإذن الله الصاعبة عنا تسهل *** ويقبلها ربي نحقق مونايــــــا


شكرا على هذه الخاطرة الرائعة التي امتعتينا بها
بارك الله فيك

[فريدرامي]

شكرا لك...............

[آناءالليل]

شكرا للمرور

[ابو عامر77]

خانوني ليام عكست يا عجابا ** ونتــاجــي متـهنيـا وانــا زعفــا ن

ما نرقــدش الليل عيني لوابا ** عني طاح الهم وجهي راه اشيان

كم من محنة في طريقي غلاًبا ** غفلت في وجهي الطاقة والبيبان

راني صرت وحيد ما عندي صحبا ** وللي كان حبيب عاد من العديان

اللي كلمني قــاع نعطيلو سبًا ** قــلبي من غيضو ومن همو مليان

يا قلبي بــركـاك يلزمك تــوبا ** واستغفر مولاك والعن الشيطان

محناتك جميع راهــا محسوبا ** مكتوبه ومقدره من شاو زمان

ما تقدرش اترد اللي مــكتوبا ** ما يتصرف عبد في ملك السلطان

فرح او قرح مع ايامك مصحوبا ** ساعة في راحة او ساعة في لغبان

ايام الله بيــن خلقوا منصوبا ** يوم الزهو مقابلوا يوم لاحزان


"""""""""" تمنياتي لك الربح والسعادة""""""""""""""