..................................السلام عليكم............................................. ..........
................................................. من جديد اهلا وسهلا............................................. ..................
اولا شري الزنجلان من نوع جيد كيكون نقي وما فيهش التنقية بزاف.
خويه فبانيو واسع وصبي عليه الماء .
حركيه بيديك مزيان وتسناي شوية غادي يطلع الزنجلان الخاوي والخايب لفوق . والحجر والتراب غيترسبو فالقاع.
خوي الماء غير بشوية باش ينزل معاه كل الشوائب.
عاودي العملية مرة تانية وتالتة حتى تتاكدي ان الزنجلان ولى نضيف.خوي منو الماء وبداي تهزي غير من الفوق باش ما تهزيش معاه التراب والحجر.
حطيه فشبيكة عيونها صغار باش يتسقطر.
داك الزنجلان لي كيبقى فقاع البانيو مخلط معاه التراب والحجر صبي عليه شوية دالماء وبداي تدوري البانيو بشوية باش يتعزل الزنجلان ويبقى غير الحجر.
خلي الزنجلان يتسقطر مدة ساعة .
سرحيه فطاوة كبيرة وغطيه بزيف من النيلون متلا فولار قديم وحطيه فالشمس ومرة مرة حركيه باش ييبس مزيان.كيولي نقي وساهل عليك باش تنقيه.
ومنين تبغي تكليه من الاحسن استعملي كاسرولة كبيرة وجنابها عاليين باش ما يطير ما يتشتت.
وتكون نار مهيلة باش يتكلى فخاطرو وما يتحرقش.
وما تكليه وطحنيه حتى تكوني موجدة كلشي باش يبقى محافظ على مداقو ونكهتو.
( تقرير عن مشاركة سيئة )، و الموجودة أسفل كل مشاركة .
2010-10-08, 22:36
كيفاش توجدي الزنجلان باسهل طريقة
العرض العادي
