نكت 2010

[ورود الشتاء]

نكت جزائرية

واحد يسكن في القرية دا الباك وباه يروح للجامعة خاف يضحكو عليه قالتلو أمو روح برك النهار اللول يضحكو عليك والنهار الثاني يضحكو عليك والنهار الثالث توالف وتروحلك العقدة قالها : مالا حتى النهار الثالث





01- قالك مرة واحد ديما تسقسيه صاحبتو: واش تغديت? يقولها: لوبيا .ديما هكا واحد النهار قالوا صاحبوا: اكذب شوي قولها تغديت شواء . كليت كفتة . تغديت بيتزا .....
ايا هذاك خدمتلوا قال و الله عندو الحق . الغدوى هذيك سقساتوا صاحبتوا: واش تغديت ? قالها :بــيــتــزا قاللتلوا :واش مليحة (بنينة)? قالها : و الله كليت 2 مغارف شبعت



02-قالكم مرة كاين واحد الشايب مريض قريب يموت وهو على الفراش عيط لاولادو باه ينصحهم وقالهم كل واحد يجيب معاه عصا صغيرة

ايا دارو عليه ولادوا وجابوا معاهم العصي عطا الشايب لواحد من ولادو 2 عصيات وقالوا كسرهم ايا ولدوا حكم كسرهم زاد عطالو 3 زاد كسرهم وبقى يزيدلوا حتى
وصل ل 9 عصيات قالوا هاك كسرهم قالك حكمهم الطفل هذاك زاد كسرهم !!!شاف فيهم باباهم وقالهم: روحوا يا ولادي مدام معاكم الجحش هذا ما نخافش عليكم
******************

-03-قالك مرة وحد الراجل متزوج زوج نسا وحدة من ولاية ......ووحدة من ولاية...... وهوما ماشيين طريق طاحتلو السيارة اونبان. نزلت الاولى وقالتلو شوف بالاك لابوجي بالاك
الموتور بلاك...بالاك..بالاك...قالت الثانية كيفاه هذي تفهم خيرمني زعما تفهم في كلش راحت للراجل وقالتو ..يا راجل شوف شوف بالاك نسيت البرمي علابيها
طاحة اومبان.

-04-قالكم كاين واحد عندو الغنم بزاف بزاف بصح ما يصليش واحد المره جاه الامام
تاع المنطقة نتاعو وقالوا انت لوكان تزيد تصلي الغنم نتاعك يوليو الضعف
مالا هذاك السيد داه الطمع و عاد يصلي باه يزيد العدد نتاع الغنم وكل مرة يصلي يموتلوا
4ولا5والسيد صابر يقول ضرك يزيدو ضرك يزيدو حتى بقى ليه كبش واحد
فات عليه والكبش يقول بع بع بع بع بع بع بع ما حبش يسكت
دار عندو السيد وقالوا :بلع علي فمك تزيد تهدر نصلي عليك 2 ركعات نجيبك ميت

05-قالك مرة سائق الحافلة دار اغنية التيتانيك

[shadow30]

مشكوووووووووووووووووووووووووووووووووووووووورة

[محمد عادل]

مشكوووووووووووووووووووووووووووووووووووووووورة
جزاك الله كل الخير


استغفر الله الذي لا اله الا هو الحي القيوم واتوب اله

استغفر الله العظيم من الرياء والمجاهره بالذنب وعقوق الوالدين وقطع الرحم

[toufik__dz]

thankxxxxxxxxxxxxxxxxxxxxxxxxx

[عماري عبد الحق]

شكراااااااااااااااااااااااااا على الموضوع

[sofiane8]

شكرا لك....عندي ياسر ما ضحكتش.....بوركت

[zahrahadil]

[IMG]https://**********/Qauvu.gif[/IMG]

[مولة 2010]

كثرة الضحك تميت القلوب ، لكن روحوا القلوب ساعة من الملل دون اقتراف الذنوب