موضوع مميز تعلم لغة دارت Dart

UltrasDzCoder · 2020-09-01, 15:06

السلام عليكم ورحمة الله تعالى وبركاته اما بعد :

اليوم خاوتي طور بزاف مجال تطوير التطبيقات واصبح الجميع يملك فرصة باش يدخل هذا المجال شوية متطلبات كيما البيسي و الانترنت والارادة بالتاكيد ، و اليوم حبيت نتحدث على لغة جديدة داروها شركة جووجل في 2007 و تلقتها في 2017 ايلا ما رانيش غالطا و اسمها هو dart لي كان الهدف من هذي اللغة هو اشعال ثورة في تقنيات المنصات المتعددة (كروس بلاتفورم) اي بلغة وحدة تقدر تصنع موقع ويب - و برنامج مكتبي - و الاهم من هدوما لي هي تطبيقات الهواتف الذكية ( الاندرويد والايوس ) ، ومنها تختصر الوقت والجهد (يعني باش تخدم سيت مع ابليكاسيون و لوجيسيال راح تكلف اشهر + اختلاف لغات البرمجة والتقنيات ...الخ) ، وباش تقدر تخدم هدوك الثلاثة لازم تتعرف على التقنية المستقبلية لي راح تطغى في الاسواق الدولية والعالمية وراح ترومبلاسي بزاف امور ما لم تخرج لغة او تقنية تنحيها من العرش وهي تقنية فلاتر flutter (اربو عليها طلة ف الويكي بيديا ولا سقسو عمو جووجل) ، وفلتتر تتمتع بدكومنتيشن عملاق ومازال يكبر ويكبر بصح للاسف الكثير ما قدروش يتقنوها خطاش دخلو ديراكت ليها بلا ما تعلمو دارت ولا على الاقل ليكيداوها وهذي حاجة معقولة خطاش الصح في الاسسس .

ودوكا اقتنعت باش تتعلم لغة دارت ولا كلامي مثل السراب يحسبه الضمأن ماء ، وايلا حبيت تتعلم لغة تع دارت لازم عليك اولا تتعلم الاسس تع البرمجة كلها من ن=متغيرات و توابث و شرووط و تكرارات و و و و ...الخ وباش نسهل عليك ما عليك غير تستثمر ساعة وزيادة باش تاخد على الاقل لمحة في حالة ما هذي اول مرة تدخل البرمجة

ماعليك غير هذا الفديو (بالدارجة الجزائرية )

الدليل الشامل للبرمجة
https://bit.ly/3gOffYr

والان بعدما راك تعرفت على البرمجة واساسياتها راح نقولك بلي راك موجد باش تبدا رحلة الالف ميل ، وباش تبدى في الدارت راح نقترح عليك تتوفر على شوية مور كيما محرر الاكواد لي من الافضل يكون vs code او android studio
ولازم تسطب بيئة التعامل مع دارت لي لازم تحمل دارت من هنا https://dart.dev/tools/sdk/archive

والان راح نحطلكوم دورة مصغرة من 10 فيديوات برك باش تبدى في تعلم dart

دورة دارت بالدارجة الجزائرية
https://bit.ly/2QGq1oZ

وبيان سور ما راحش تكفي هذيك الدورة باش تبدى لازم تاني غير تكملها تسوطى للمحتويات الاجنبية
ومنها ننصحبهذا الفيديو
https://www.youtube.com/watch?v=Ej_Pcr4uC2Q

وهذا واش راني حاب نقول لازم تتعلم حاجة تنفعك و دخلك شوية مصيريقفة ولا تفتح عليك الرزق ان شاء الله

UltrasDzCoder · 2020-09-01, 15:24

خوتنا باب المناقشة مفتوح للجميع و الله غير نسحقو جسرة مفيدة كيما هذي ف نؤرجو منكم المشاركة بالتي هي احسن

مُحمد رازي · 2020-09-01, 16:51

و عليكم السلام و رحمة الله
موضوع قيّم أخي و دورة كاملة غير لي ما بغاش يتعلم منها
و قد عرّفتنا على لغة برمجة جديدة و مهمّة و حمّستنا لتعلمّها
بارك الله فيك و جوزيت خيرا

UltrasDzCoder · 2020-09-01, 17:57

اقتباس:

المشاركة الأصلية كتبت بواسطة مُحمد رازي

و عليكم السلام و رحمة الله
موضوع قيّم أخي و دورة كاملة غير لي ما بغاش يتعلم منها
و قد عرّفتنا على لغة برمجة جديدة و مهمّة و حمّستنا لتعلمّها
بارك الله فيك و جوزيت خيرا

تحياتي اليك اخي المبارك وهذا من فضل الله علينا ، طلب العلم حاجة مليحة بزاف ومافيهاش عمر محدد و متطلبات كبيرة سوى الحماس والارادة ان شاء الله نكونو فدناكم بهكذا مواضيع ، ونتمى تنتشر روح التعلم في مجتمعنا خاصة المجتمع الجزائري لي مازال يعاني من الجهل والفقر المعرفي