نهاية مأساة ..................

[اميرة الامواج]

المشاركة الأصلية كتبت بواسطة زهرة ملوح

خوك عمره اثنين وربعين سنة وجبتوله مولات ثمنطاش سنة ووليد خالك جبتوله مولات ستة عشر سنة ....
هذي لعمرها ستة عشر سنة راهي قاصر تحت السن القانوني وزواج القاصرات بهذا الزمن لا يصلح ،هذا بكري وقتها كانه الكل يتزوجه صغار وقتها هكذا مشات اما ضركا لالا ضركا البنات يقراو ويخدمه ويكونه مستقبلهم فاكيد راح يجي وقت وتندم هذه الطفلة كي تشوف لقدها كامل راهم يقروا غير هي كي تشوف لقدها يعيشه مراحلهم العمرية عادي كي تشوف لقدها تحمل كرتابها وتروح تقرا واش راح يكون احساسها كي تكون هي لاهية بولادها وتحملت المسؤلية؟ بينما قريناتها يخيروا واش يقراو في الجامعة واش من تخصص مافكرتيش باحساسها بهذي اللحظة؟
نقولك واحد المرة قعدنا في الطاقة بيانسور كانت فومي ونخزروا وراء الزجاج انا وجداتي نخزروا في ليمروا فمر واحد طفل نعرفوه كي شافته جداتي سقساتني علي اخته الكبيرة واش تدير قلتلها قاعدة فدار فقالتلي ما تخدمش؟ قلتلها لالا ماتخدمش ومن بكري فدار ومراهيش قارية قالتلي حتي لمش قاريين راهم يخدمه ضرك قلتلها هي موالفة بدار عادي علاه انتيا بكري قالتلي زمانا ماشي كيما زمانكم زمانا كامل كنا في الدار واحدة فينا مقرات واحدة فينا ماخدمت وواحدة ماكانت احسن من الاخري اما زمانكم هذا الكل راهي تكافح علي مستقبلها قراو ويخدمه قالتلي علاه هي برك لتقعد الاخيرة بين البنات؟ وبينما البنات الاخرين كلهم يتقدمه بحياتهم هذا هو كلامها كلام امرأة مسنة
ولا خوك لداها مولات ثمنطاش وكبير عليها باربعة وعشرين سنة راه قد باباها لوكان تزوج في ثلاثة وعشرين سنة يولدها اكيد راح يجي نهار وتندم وهكذا راهي تبدا الخيانات الزوجية بلاك يجي نهار و يعبجها لقدها ولا وقتها تخرجوها هي لظالمة؟
انتي شفتي لمصلحة خوك ومصلحة اقربائك بصح مصلحة بنات هذوا لالا اخر همك ومايهمكش اذا مصلحتك تضر الاخرين ...وعلاه مانصحتيهمش مساكن صغار ما يعرفووش مايعرفوش واش الخير ليهم ولا الشر ليهم لوكان جات اختك لقدهم كنتي تنصحيها وتقوليلها كيفاش تتزوجي واحد قد باباك روحي تقراي علي روحك كنتي انتي راح تقوليلها هكذا كنتم كلكم هنا راح تقوله هكذا بصح علي الناس الاخرين لالا؟
علاه ما تنصحيش الناس ؟ نورمالمه كي تشوفي شخض مايعرفش صلاحه تنصحيه لوجه الله ما شي تروحي تنزيدي تغطي عليه وتفهميه انه علي حق سمحيلي بصح مراكيش تنصحي الناس
نورمالمه تنصحي هذوا البنات تقوليلهم روحه تقراو يجي نهار وتندمه روحه تقراو وديو ليناسبكم في العمر والعقلية واحد مقال يتآخروا بزواجهم يتزوجه كي يخلصه قراية حتي وقتها تكون صغيرة نورمالمه تنصحيهم وتقولي هذي الهدرة حتي لخوك ولقريبك ماشي تفضلي مصلحتهم علي مصلحة الآخرين ولوكان بيه ضرار

بارك الله فيك

نصحتها قالتلي غرتي مني و تحوسيني نقعد بايرة كيما انتي...
هههههه

شفتي وين وصلت ...بقيت مغاير...هههه

شوفي احنا عندنا عادات وتقاليد عيانة والمشكل اننا نجيبوا غير
في بعضنا البعض حتى حدثت طفرة وراثية ...
بكري كنا عايشين كامل مع بعض ...
المهم احنا عاداتنا منخرجوش من السلالة ...نحافظوا على نعاونها..
وهذا سبب عنوستي ...هههه

وانا كي قريت وراني نخدم وشريت سيارة و.....و....

واش من فايدة جبتها ....

لوكان تزوجت مولات 18 ماشي خير ...هههه

احنا تفوت 20 ما كاش اللي يديها....

خيري يا تقراي وتبوري.ياتتزوجي ....

ليس كل الولاية هكذا وإنما بعض المناطق ...

المهم سررت بمعرفتك أيتها الزهرة البيضاء ....

سلام من قلب يحب السلام