سؤال للرجال

[مشكلتي]

السلام عليكم
أوجه سؤالي هذا للرجال، وارجو منكم الجواب بصراحة، يعني ما تجاوبونيش على اساس واش لازم ندير، وإنما إذا حقا كنت في هذا الموقف كيفاش تتصرف
إذا كاين وحدة بنت فاميلية ومحترمة جارتكم وانت ناويها للحلال، ولكن راك تأجل موضوع التقدم لها حتى توجد نفسك، وما كان بيناتكم اي علاقة، يعني هي اصلا ما تعرفش اسمك
وفي يوم جا عندك شخص يسقسيك عليها وعلى أخلاقها لأنو نواي يتقدم ويخطبها
كيفاش راح تجاوبه
كيما قلتلكم، حط نفسك في هاذ الموقف وجاوبني
وشكرا

[kazilo]

اخي كون قلتيلو انت من الاول انو اخلاقها جيدة وانك انت شخصيا كنت حاط عليها عينك وكون جيتي واجد كنت تخطبها وقلو اذا تقدمت لها انت قبلي فمبارك عليك واذا متقدمتش انت ونوجد روحي انا سوف اتقدم

[حميداني عبدالرزاق]

سلام
الواجب ما دام ناوي الحلال يتقدم على الاقل يخطب او يمد الكلمة لانو هاك راه والو بالنسبة ل جارتو و ممكن تروح من يدو (و اكيد كل شيء مكتوب)
و لكن وقتنا هذا لي تشوفها متخلقة و عاجباتك اضرب الحديد و هو سخون بالنسبة ل سؤالك
انا كون يجيني نقولو راني ناويها للحلال و راني حاط عيني عليها و بعدها طول نروح ل اهل الطفلة و نحكي لي عندي اذا قبلو اللهم بارك ما قبلوش اللهم بارك و نشوف مكتوبي في جهة اخرى
ربي يرزقنا الزوجات الصالحات و يزقكم الازواج الصالحين
صح فطوركم