هل الدولة مسؤولة عن توظيف اصحاب الشهادات الجامعية ؟؟

[ع.عيسى]

المشاركة الأصلية كتبت بواسطة وسيمツ

أعتقد اننا يجب ان نعود للحظات الاخيرة قبل الكارثة. القصة تبدأ من هناك.
سظحيا، أهم شيئ في الدولة هو اقتصادها. و الدنيا كامل مبنية على الصوارد.
خلق او عدم خلق مناصب شغل يكون عبر مخطط. حبيت مثلا نركز على الفلاحة في الأفق تاع البلاد. نحل كذا منصب في تخصص كذا.
الدولة عليها وضع الحدود وِفق البنية التحتية تاعها اللي المفروض أعدتها .
و بعد ذلك كل واحد متخرج يعوم بحرو لان الدولة اعدت حساباتها و مساحة شغلك في مكان ما فقط. كيما امتحان paces لاختصاص الطب في فرنسا. يهزو 10 % الاولين و الباقي شوف بلاصة في قطاع آخر.
لانو البنية التحتية تاع فرنسا -و اللي تتوسع او تبقى كيما راهي على حساب الحاجة- تكفي لتأطير و تكوين ذلك العدد فقط و ذلك ما يحتاج.

حنا الخالوطة و الداب راكب مولاه و بعد كي تترطق نحوسو على السيلان و الشومبريار.

المشكلة لي رانا فيها هي نتيجة للخالوطة باه ماندخلش في التفاصيل لي الجميع يعرفها و الناس تتجنب الخوض فيها بسبب أبراج المراقبة المنصوبة في كل زاوية.
هاته الابراج لي تم التخطيط لها لكن ما سوى ذلك من القطاعات لا.

الحل الذي سنجده للمشكلة هو جرعة مورفين فقط لشخص يحتضر.
و ليست حلا نهائيا للمشكلة.

مشكور اخ وسيم على مرورك الطيب
بالعفل هي خالوطة وهادي الخالوطة جعلت من الشعب شعب تواكل وليس توكل ....لا اعمل حتى تجد لي الدولة عمل ....لا ادرس حتى توفر لي الدولة كل الظروف ....لا انظف الشارع لانه من واجب الدولة ....مريح في القهوة لان الدولة اجبرتني على ذلك ...المخدرات والموبقات لان الدولة هي السبب ....انا لازم الدولة تلقالي حل ...هذا هو الشعب باختصار