اقتباس:
المشاركة الأصلية كتبت بواسطة طموحة13
سلام إكرام.. من فضلك اريد مراجع اللغات الأجنبية و الأدب العربي و الفلسفة . و طريقة مراجعتهم.... مشكورة ��
|
و عليكم السلام
مؤخرا رجعوا هذو اللغات كيما العربية أغلب الأسئلة على النص تسما لازم تكوني فاهمة النص علامن يهدر عامة و كل فقرة واش فيها باش تقدري تجاوبي صحيح ، الكلمات تقريبا يتعاودوا في كل نص خاصة التاريخية هذوك ، ديما الثورة و الشخصيات و كذا منا توالفيهم و مام الانجلش عندهم كامل نفس الفكرة ، حلي برك لي باك اللي فاتو 20 موضوع انجلش و 20 موضوع فرانش و إفهمي النصوص هذوك مليح و الفقرات كيفاش تكتبيهم + القواعد عندك الأساس هو الازمنة خاصة في الانجلش و passive voice و لا direct speach ، كي تتمكني من الازمنة و كيفاش و وين تتستعمليهم خلاص يسهال كلش و هذاك الجدول تاع دير الصفة و الاسم من الفعل و لا sylab ممبعد كي تحلي بزاف خلاص تولي تشوفي برك فيها تعرفي وين تحطيها ..
تقدري تقولي المرجع الأساسية فيهم كراسك تاع القسم + لي باك اللي فاتو
في اليوتيوب كاين الاستاذ ناصري في الانجلش و الاستاذ منير شبوة ف الفرانش
الأدب العربي لازم تكوني على دراية بالكاتب او الشاعر + شخصيتو + نوع النصوص او الشعر اللي يكتبوا + مدرسته الأدبية و خصائصها ، تدي الافكار من البكالوريات السابقة حليهم كامل دون استثناء يعني تاع الشعبة تاعك و رح تكتشفي بلي الاسئلة تتكرر ماعليك غير تشفاي على الإجابة كيفاش تكون مثلا تعريف الالتزام و خصائص الرابطة القلمية و غيرها ، الاعراب و الصور البيانية و غيرها من أسئِلة البناء اللغوي لازم تكوني متمكنة منها لأنو بيها تضمني العلامات ، يمكنك الاستعانة بملخص الاستاذ حيقون اسامة للشعب العلمية او كتابة ملخص شخصي شامل يعاونك في المراجعة النهائية
اما الفلسفة دربي نفسك على المنهجية خاصة في مقالة الجدل و تعرفي كيفاش تدخلي في كل عنصر من عناصرها و اعني الجملة التي تقال في بداية كل عنصر مثلا في النقد تقولي " صحيح ما جاء به انصار هذا الموقف لكنهم بالغوا في تمجيد رأيهم لأن .... " ، احفظي أسماء الفلاسفة و بعض اقوالهم و ثلاث حجج لكل موقف على الأقل ، و ممبعد توسعي فيهم بطريقتك المهم المنهجية و عمري الورقة عن طريق إستعمال اسلوبك الشخصي في الكتابة ، تقدري تراجعي من كتاب هبة جبابرية تدي منو الافكار + فيديوهات الاستاذ خليل سعيداني و اسكندر لطفي غربي يساعدوك على الفهم ..
ربي يوفقك اختي
( تقرير عن مشاركة سيئة )، و الموجودة أسفل كل مشاركة .
2020-12-12, 01:00
العرض المتطور
