جار سوء

[مشكلتي]

اريد ان اسئلكم عن طريقة للتعامل مع جار سوء يقوم باستفزازنا بكل الوسائل لكي نترك له المنزل و نغادر .
مشكلتنا معه من اكثر من عشر سنوات جارنا لايترك اي وسيلة لازعاجنا شتم و شجارات و تحريض رمي السحر و الاوساخ في بابنا ليلا و نهارا وصل به الامر لدفع مبالغ مالية للاخرين لكي يقومو بازعاجنا ايضا .
قضيتنا معه وصلت لاروقة العدالة عدة مرات لكن مجبنا حتى حق لغياب الادلة و الشهود طبعا لااحد يجرأ ان يشهد ضده ، البلدية مادارولنا حتى حل .
و هدفه من كل هذا ان نرحل من البيت لانه يريد شراءه و توسعة منزله رغم انه غني و عندو املاك اخرى لكن صدقوني والله يخرج يوميا و يقابل دارنا بالساعات و هو يشوف معاها .
و حنا الله غالب الاب كبير فالسن و مريض لايعمل و منزلنا هو سكن لنا ومصدر الرزق الوحيد (نأجر غرف ) و مع غلاء الاسعار خايفين منلقاوش كيفو .رغم ذلك من من كثرة المشاكل حطيناه للبيع و كل ما يجي مشتري يشوف لما يسأل الجيران يخبروه عن جارنا و مشاكلو يهرب و ميزيدش يولي و طبعا جارنا من وقاحته عرض علينا اقل من نصف سعر البيت و رفضا طبعا و يبعتلنا مشترين من طرفه باقل من نص سعر البيت .
والان المستأجرين هربو من الالفاظ البذيئة و كترة المشاكل .
ملقيناش حل .
حسبي الله و نعم الوكيل .

[بلا صوت]

إقولك السامط يغلب لقبيح
مل أفضل حل لهادو التجاهل ثم التجاهل ثم التجاهل
روحو إشريو بيدون تاع طلاء وزبغو الدار وسقموا داركم باه تعطيوا انطباع راكم لثم قاعدين
ومنا وروح عودوا وثقوا الاعتداءات تيعو بالهاتف
وادا حاب يتبلا مباشرة هزوا مقلة ول قرمة بالية واضربوه متخافوش ، نبعد روحو اشكيو بيه
دوك هو لولي يكره

[بـــيِسَة]

يقولون كمآ تدين تدآن متنساوهاش

حطو كاميرا في الباب و بعد التسجيل قدموها للأمن
و هوما يشوفوا خدمتهم

و الا قام بالاعتداء
فقابلوه بمثله
ربي يهديه وكلوا ربي

[visa uk]

رانا فيها هدا نوع يفهم بالقوة لانو يضن انو هو شيكور وو يحبون التبختر والتقوي علي ناس احس ماتحسه هدا صنف يتشوكر قراف ويحب سلطة ووووووووووو ويحقر وووووووو وحاسبين رواحهم فرعون وووووووووووووو بصح نهار وحد يعطيه ضربة قوة لثم يفطن من استفزاز تااعو وتسلط ووو تشوكير الخ هادو عقليتهم هدا هو الحل الضرب استعمال قوة انا لو بلاصتك ندخل عليه بالدبازي صدقني نورمال هدا صنف لايستحي ويضن نفسه فرعون حومة او عمارة الخ يااخي روح اعطيه طريحة تاع كلاب اقل تاع كلاب بش يعرف بلي تشوكير ووووو ويولي انسان عاد جدا هدا صنف شايفينهم يتفرعن قدام دارهم لانو لو تجي تعطيه طريحة بتهرب وووووو هدا صنف مستفز للغاية للاسف الشديد هدا صنف روح اعطيه كفوف بش يولي يخافك

[ع.عيسى]

عندكم حل وحيد فقط وهو.. توكلو عليه ربي.... رددو دايما حسبنا الله ونعم الوكيل فيك يا فلان... سموه بالاسم..... وشوفو كيف يبدع قدر الله في تصفية الحسابات.... لانه لا حجاب بين دعوة المضلوم وبين الله.... دعوة المظلوم مستجابة وان كان كافرا..... وكلو عليه ربي ورددو الدعاء كل يوم... وبعد ايمات رديلنا بالخبر واحكيلنا واش صرالو*

[visa uk]

يالطيف يارسول الله من هادو اعداء الله هدا نوع عدو الله ولايخافون الله مطلقا كفاه يخافو عباد مثلنا ربي معاك