بما أني أملك وقت حاليا أردت مساعدتكم لهذا جبت لكم
طريقتي في حفظ دروس التاريخ والجغرافيا :
أولا كنت نجيب ورقة بيضاء نطويها بالطول على زوج، نكتب عنوان الدرس الفوق ثم نجيب جميع المراجع تاوعي (كراس القسم ، كتاب محمودي وبعض الملخصات من النت) كمثال معايير تشكل العالم كيما نعرفو مطالبين بست عناصر نخير الست عناصر لي نرتحلهم ودخلو في راسي أكثر نكتبهم، نفس الشيء مع التعريف نخير الأفضل والأسهل وهكا ندير ملخصي الشخصي، نستعمل الألوان لانها تساعد على الحفظ وأحيانا كلمات اختصارية ( إ.س، و.م.أ ، Fr Dz .. إلخ... ) درت هكا مع جميع الدروس وتحصلت على ملخصات و انسيابية نديها معايا وين ما نروح...
مرحلة الحفظ :
الحفظ لا يعتمد على طريقة واحدة لازم تشاركو بجميع حواسكم فالحفظ واستخدمو عدة طرق من بينها ولي كنت نعتمد عليها :
- الخرائط الذهنية : نحكم ورقة ونكتب عنوان الدرس فالوسط ونخرج فروع هذي الطريقة كانت تساعدني في فهم الدرس.
التكرار: من أشهر الطرق و باش نكون ناجحة أكثر كررو العنصر 1 ثم العنصر 2 ثم العنصر 1 و 2 ثم العنصر 3 ثم العنصر 1 و 2 و 3 وهكذا..... (كيما طريقة حفظ القرآن ) .
الاستماع: طريقة الاستماع تكون بتسجيل صوتك وانت تقرا الدرس ثم الاستماع إليه... تكون مفيدة في مراجعة الدرس.
س و ج : سؤال وجواب كي نكون نراجع نحب نطرح أسئلة على روحي ومجاوب عليها أو حتى أسئلة الامتحانات تساعد.
التسميع: شكون ما يعرفش هذه الطريقة قول لأحد من عايلتك يشدلك وسمعلو واذا حصلت في حاجة خذ وقت في تذكرها وما تستلمش بسرعة لانو اذا تذكرتها راك درت خطوة كبيرة ومن الصعب تنساها....
أهم حاجة نركز عليها هي المراجعة العديد يشتكي من النسيان والسبب هو عدم المراجعة .... لازم دير خطة لمراجعة الحفظ مثلا قبل حفظ دروس جديد راجع القديم و قبل النوم راجع م حفظته الخ... إن لم تراجع فإن حفظك سيذهب هباءا منثورا...
بالتوفيق للجميع... ❤❤
( تقرير عن مشاركة سيئة )، و الموجودة أسفل كل مشاركة .
2020-05-16, 22:02
طريقتي في حفظ التاريخ والجغرافيا.
العرض العادي
