كيف اكون فتاة كما تريدها امي

[مشكلتي]

السلام عليكم و رحمة الله وبركاته انا فتاة مزال اربعة ايام وادخل سن 17 انا فتاة متربية متخلقة متوسطة جمال مع اني اعتقد بانني لست جميلة لكن هم يقولون لي لا بل انت جميلة ورائعة المهم امي تقولي لبنات ظرك طير شفار ونتي حاباتك شوي تنشطي وتعلمي امورك و ثاني تزيدي تتعدلي في جسمك لانوا رقيقة ومنبانش بالغة نهائيا ...تعرفوا طفلة كي تبان مرا لمهم انا بطبيعتي نحشم و موسوسة و صامتة لهذا نبقى جابدة روحي وانا تقولي ما افرحي انشطي عيشي حياتك علاه جابدة روحك وقفازي ك لبنات ونقولك بلي تربية وحدها وهاذو وحدهم لذا ولله حرت انا ظرك راني مع قرايتي و ساعات نطبخ و شغل دار عادي لكن حاسة روحي مانيش رح نعود مراة تع بيت يش واحد ما يعايرني مع انوا متخلقة و مع جوانب ثقافة الحمد لله وواعية وحرت معنديش شكون يعاوني وخايفة بزاااف انوا نبقى هك و كيفاه ندير بش نتعلم اموري من كلش وهل نقدر في ثلاث سنين نتعلم ونغير روحي احتاج راي كل نساء وكيفاه وكنتوا ووكيفاه وليتوا نساء بيت ورجال كي تعجبكم فتاة وتحبوووها اممممم لا اعرف صراحة ناس كامل تحبني ودايريتي اروع نموذج لكن حتى وان نعرف امور تعرفوا عقلية نساء بكري طفلة لازم تكون فحلة تشعل مع نار لذا كيفاه نولي هك وفهموني بغض مصطلحات كمسؤولية و امراة و مثقفة و غيرها مما يحب رجل في امراته مستقبلية

[ايمانو الجزائرية 01]

صراحة اختي اسمحيلي ضحكت شوي كي كنت نقرا ماشي سخرية ولا شماتة حاشا و كلا مي حتى انا رقيقة بزاف و نبان طفلة صغيرة و في نفس سنك سبحان الله و اللي خلعتني مام انا جابدة روحي كيما نتي
يعني نقدر نقولك حاولي تسماني شوي قلبي فالنت و اليوتيوب على وصفات للتسمين اتغذاي مليح و كلش
و خيري صديقاتك مليح يعني ماشي اللي تلقايها قدامك تولي صديقتك و تخرجي معاها ووو
انا اصلا منحبش الخرجات
مي مثلا الا كانت جارتك و كان حيكم محترم و كاين كاش جيهة يقعدو فيها لبنات تع حومتكم علاش لالا اخرجي شمي هوا
ولا فكرة نشوفها شابة شوية ديرو خرجة نتي الوالدة صديقتك و الوالدة ديالها منها نتي تستمتعي مع صديقتك و الوالدة كذلك و منها تطمني بلي مراكيش ديري حاجة غالطة بما انك تحت اعين الوالدة و مستحيل تشوف منك حاجة هك ولا هك و ترفض
نتمنى نكون فدتك و لو بالقليل
بالرغم اني منطبقهمش مي معليش
كاشما لقيتي حاجة تسمن و فادتك متنسايش تراسلس ختك اللي هي انا فالخاص امزح فقط

[زبدة ذايبة]

يا بنتي

كبرنا ولم نشبه أمهاتنا في شيء

ربما الأمور الأساسية فقط

كالأخلاق ، والتربية ، الدين و............

لكن أبدا لم نكن مثلهن في كل شيء

لازلت صغيرة

ولم يحن وقتك بعد

ولا زلت في طور التغير

لذا رأي والدتك إلى حد ما غير صحيح

ربما هي تتمنى أن تكوني بطريقة معينة وبأسلوب معين

وهذا لا يعني أنها محقة في أفكارها

وهذا لايعني أنك ستكونين مثلما تريد

أهم شيء يجب أن تركزي عليه

هو أن تكوني صالحة بمحافظتك على صلاتك وحجابك

أما باقي الأمور فأمرها هين

ولن تكون معضلة في حياتك.

[Fifioo]

ولله يا اختي ^^
اصبري و لا تفكري في مستقبل
وأدركي ان الحياة ستعلمک كثير
فلست انت وحدك الآن فيوجد من
هو أسوء منک ^^
فرج الله عليك كربتک

[صمت الرجوله]

ماتخافيش مابقاش بزاف خليها لزمان و كلشيئ يجي وحدو....و راكي امراة الان موكيش صغيرة
.
.
بما انك سالتي على الرجال كيف تعجبنا الفتاة..في شخصيتها حنا نحبوها تكون عفوية و غير متكلفة اي على طبيعتها و نحبوها تكون حنينة و واثقة من نفسها مع قليل من الخجل و كثير من الحياء

[أثر]

السلام عليكم ورحمة الله وبركاته
كوني فتاة كما يريدها الله والاسلام
لك في منهج الصحابيات أسوة حسنة
أما أمك وغيرهن من النساء
فأقول لك ما درسناه يوما : إرضاء الناس غاية لا تدرك !

[نُـون]

سلام ورحمة
عندك حلين
إما أن تكوني أمك
أو تكونين أنتِ
وفي سعيك لتكوني أنت
عليك أن تتخذي طريقك لتكوني أنت
وبهذا ستدورين وتبحثين عنك
لتكوني كأمك
هذا إذا عملنا بالمثل اقلب القدرة على فمها الانثى تطلع لأمها

[محارب الحمق]

انصحك ان لا تعيشي في قندورة امك.....عليك ان تعيشي حسب ما يمليه عليك دينك. وعلى اساسه تبنى شخصيتك. اجل عليك الاهتمام بصحتك كالعمل على زيادة وزنك بالتغذية والنوم المناسبين. ونزيد نقلك. الزواج ماهوش قفازة.

[بـــيِسَة]

ربي معآكـ
و ربي يوفقك .