الكريدي مواد غدائية (نصائح)

[yassefe]

السلام عليكم عندي 4 اشهر ملي فتحت مواد غدائية كرهوني الشعب لي حاب يكردي وللي يحز حاجة مبعد يقولك مبعد نسلكك اريد النصائح من له معلومات وموالف يتاجر في المواد غدائية نكردي منكرديش .......
وكيف التعامل معهم

[nassimab82]

لا تحرجني بالقرض حتى لا احرجك بالرفض

[nadir2339]

خويا نصيحة مني ليك اكثر من 3 الاف دينارماتزيدش تكردي . ثلاثة مئة الف .كون تزيد على هذه القيمة راك تولي في الريسك . وانت نحي احشمة

[maryou1980]

نحي الحشمة ومتدسرش الناس فوق السلام متزيدش مهما كان . ولتعرفهم حول تلكديهم . راها ساهلة تقراها صعيبة طبقها مي مع الوقت يقسى قلبك ولكريدي لازم راه هو الي خليك تبيع سلعتك . نصيحة من عندي مزال وقتو فوت *** عامين **** تتعلم المبادئ ومبعد ساهلة . الظاهر التجارة ساهلة ولاكن هي من اصعب المهن لان راس مالك يروح .

[visa uk]

فففففففففففففففففففففففففففففففف شعب يعيي بزاف كاين ناس يكرهولك خدمة وتكره خدمة بسببهم وجشعهم الخ تكره روحك للاسف كما در تحير احيانا

[غربي قادة]

في الجزائر ما تقدر تخدم بلا كريدي هذي مفروغ منها
و لكن كاين كريدي من كريدي
لازم تكردي المواد الاساسية و فقط . حاجة كمااية مثل الفواكه او الياوورت لا لا ما معانش هذي حاجة
ثانيا كردي لصحاب الشهرية و لازم يكون زبون وفي و كل يوم يجي عندك و بشرط يكوم يسكن في الحي الذي تعمل فيه لانه اذا كات تكردي لواحد يسكن بعيد قادر ما يجيش و يعييك و انت ما تقدرش كل مرة تغلق و تروح تحوس عليه
دير سقف للكريدي فوق 5000 دج ما تزيدش و هذا للزبائن الاوفياء و فقط و دير شرط نهار لي يخلص يجي لعنك يخلصك و سجل رقم الهاتف الخاص به
انا صاحب محل هبلني هذا الشعب الطماع راني نكردي على اصحاب الجملة و هوما ياكلو فيا ماكاش لي يحسن عونك لازم الصرامة الرزق في يد الله و لي ما عجباتهش يضرب الحيط . هذا شعب استغلالي و الكريدي بقى غير في المدن الصغير اما المدن الكبيرة راهي حاجة ديمودي
على هذي الخدمة في المدن الصغير مضيعة للوقت و سبب للامراض النفسية و السكر و لاتتونسيون

[nour72]

زوجي غلق الحانوت بسبب الكريدي كلاه ومقدرش يشري السلعة وزيد غلق السجل التجاري ومازال الضرائب توصل ما فهم والو ندم على نهار الي دار فيه الحانوت شعب لا يخاف الله ...لحد الان مرجعوش الدين

[jos888]

الحقيقة مرة هذا السؤال كان من البداية اين كنت ياخي تحمل الاعباء و اكتب ممنوع لكريدي

[abd el nour 2017]

انا عندي 6 اشهر من فتخت محل
بديت ب 14 مليون وراه عندي 12 مليون كريدي وبقالي في الحانوت خوالي 5 ملايين سلعة
ران كرهت من الخدمة بلاك نغلق

[المشتاق لجنة النعيم]

لازم تصح وجهك و تقولهم ممنوع الكريدي ... خاطر الشعب الجزائري تحشم منو ياكلك ...

[سمk يحة]

قرأت التعليقات زاد وجعني قلبي شخصيا كرهت المحل وكرهت الناس غير من العفسة هدي الناس ماتقولش بلي هدا المخلوق يخدم باه يسترزق ويدخل مصروف ليه لالا يشوفو فيك بلي راك ملياردار تكردي وتمدلهم الحانوت واش فيه يقولك راه عنده ماش اللي يخدم بيهم يعاود يسلع بيهم لكن كيما قال احد الاخوة اللي نكرديلو عباد معينين والبقية اللي معجبوش الحال شوف محل اخر وعلى فكرة حتى هدوك اللي تكرديلهم لازم مع تسلك تجي تسلكني اذا سمحتيلو مرة خلاص يعود يهز ويصحح وجه وتهدرلو ويجيبك من يوم ليوم عن تجربة وربي يبارك لك في رزقك

[majdiz]

حبس نهائيا الكريدي فقط مع اشخاص تعرفهم بزاف و دير حد بسيط مثلا 2000 دج فقط لانو كل دينار مهم ليك بش يجيبلك مصدر رزق