البطالة تقتلني

[noursm]

اختي ادخلي للدورات المجانية اون لين باش تتعلمي و تحسني من cv وفيه شهادات تاني

مثلا ادرسي تسويق او اي مجال تحبيه ...

ادرسي تاني الاوفيس كالايكسال و الوورد لانه ضروري

مثلا كورسيرا ، خاصة انك متخرجة في الانجليزية معنتها عندك فرص بزاف لان المراجع في وقتنا بالاجليزية احسن

مديتلك مثال عن كورسيرا بالصح كاين بزاف حطي في قوقل cours mooc

تفاءلي يا أختي و توكلي على ربي رانا كامل بطالين ماكيش وحدك صدقيني هادي ازمة المجتمع

و الماضي نحيه من بالك خلاص فات و راكي الله يبارك متخرجة ماش يعني تع وحدة حبست قرايتها في الثانوي و لا المتوسط ،احمدي ربي

و بيناتنا وجهة نظر يعني ، انا يجيوني اللي قراوا انجليزية عندهم الزهر ان شاء الله تكوني انتي تاني عندك الزهر

و هام ليك المواقع و زيدي حوسي تاني :https://www.edumefree.com/

https://fr.coursera.org/

بالتوفيق

[mehdi_mascara]

كلمة من الأخير و نصيحة و شيئ واحد يحل هذا المأزق و هو حل ديني راائع ،
تزوجي ، ستعيشين كالملكة (مع اختيار المناسب)

[❀حَـــ يآـــ هْ]

ما تتقلقيش
انت صلي زوج ركعات وادعي ربي يفتح عليك
ربي رحيم بيك رغم كل ذنوبك ربي ارحم بيك منك انت شخصيا
ادعيه وتوكلي عليه
وسعي خاطرك
واشغلي نفسك
سجلي مدرسة قرآنية
فكرة مليحة جدا جدا انك تعملي متطوعة ..هااايلة
ممكن تديري دروس خصوصية
ولو بالمجان
اممم اذا عندكم انترنت اتفقي مع وحد السيبار يعطولك البحوث تاع الانجليزية تديريهم انت ويسلكوك مثلا
تقدري تخرجي بحوث في الصيف وتحطيهم في مكتبات يتبعو
طبعا البحوثث لازم تكون غير منقوله باش يشريوها

والله يا أختي حالتك مش بهاذ السوء
انت فقط نسيتي انو ربي رحيم
هاني نفكرك الآن: يا أختي ربي رحيم بك رغم كل ذنوبك