انصحوني

[الدكتورة الانيقة]

السلام عليكم
راح نعاود البكالوريا ان شاء الله وبما اني شعبة رياضيات حابة نقلب علوم تجريبية واش تنصحوني نقلب ولا نو
وزيد اعطوني استاذ مليح في اليوتيوب نتبعو هاذ الشهر في العلوم الطبيعية
حابة نتخلص من اللغات حل البكالوريات كافية للحصول على معدلات ممتازة في المادتين اذا نو واش تنصحوني ???
بالتوفيق الامتياز ان شاء الله

[صفاء منصر]

المشاركة الأصلية كتبت بواسطة الدكتورة الانيقة

السلام عليكم
راح نعاود البكالوريا ان شاء الله وبما اني شعبة رياضيات حابة نقلب علوم تجريبية واش تنصحوني نقلب ولا نو
وزيد اعطوني استاذ مليح في اليوتيوب نتبعو هاذ الشهر في العلوم الطبيعية
حابة نتخلص من اللغات حل البكالوريات كافية للحصول على معدلات ممتازة في المادتين اذا نو واش تنصحوني ???
بالتوفيق الامتياز ان شاء الله

وعليكم السلام
ننصحك بالعلوم التجريبية لانها مافيها والو مقارنة انك كنتي رياضيات والعلوم سهلة تحتاج للتركيز فقطى
استاذ في اليوتيوب مليح والله انا تاني راني نحوس كاش ا لقيت نقلك ولكن احسن دراسة للرياضيات انك تحلي الانشطة وتديري ملخص وحدك وكاين تاني ملخصات رائعين في الموقع الاول للدراسة
اختي عندك عام كامل يعني حل بكالوريات فقط اظن غير كافي جدا انصحك بالامتحانات الفصلية حمليها باسكو في كل فصل يحكو على وحدة يعني لو تحلي منكل فصل 10 مواضيع للسنات السابقة لفهم كل وحدة ثم تحلي البكالوريات ارى هكذا احسن وانا عن نفسي مترشحة حرة علوم تجريبية هك راح ندير وكاين ملخصات رائعة وعندي منهم نفرزهم برك وراح نحطهم هنا
بالتوفيق لكي اختي وليكن الامتيازمن نصيبي ونصيبك ان شاء الله

[كاتمة الاحزان]

نعرف شحال من واحد من رياضيات تحول إلى علوم تجريبية،
الرياضيات و الفيزياء سهلة جدا مقارنة بشعبة رياضيات
العلوم يجب أن تلمي بالمكتسبات القبلية الخاصة بالسنة الثانية فهي تعطيك لمحة عامة عمّا ستدرسينه إن شاء الله في السنة الثالثة،

[douae saher]

الاستاذ عبد الحميد في العلوم الطبيعية

[المُعادلة الصّعبة]

اختي انا ننصحك على حسب وش علابالي ودراستي لمدة عامين لهذي الشعبة و تجارب الناس لي نعرفهم
اختي اياك تغيري الشعبة اولا لانك قاريتها عامين كاملين والفتي بالحساب والتركيز على مادتي الرياضيات والفيزياء لذلك اذا بدلتي علوم تجريبية رح تزيدي على روحك تعب تاع مادة ثالثة ماكانتش مقلقاتك من قبل
ثانيا انتي برنامج البكالوريا ماشي ماعلابالكش بيه لالا اكيد قريتي وعلابالك وش كاين وعلابالك بدروس الشعبة تاعك لذلك كملي اقرايهم هوما لانك على اطلاع مسبق بيهم
نعرف وحدة هي ممتازة ممتازة ممتازة جدا فالرياضيات كانت رياضية عامها تاع الباك جابت معدل 13 وعلامتها في الرياضيات كانت 19 ولكنها ما اهتمتش بالفيزيا ماقراتهاش قاع جابت فيها 11
العام هذا عاوداتو حرة علوم تجريبية تعرفي كي نقلك قتلت روحها هي ممتازة بزاف
قلتلها كون عاودتيه رياضية بما انك ممتازة في الرياضيات وعلامتك جامي هبطت على 19 و كي تهتمي بالفيزيا اكيد تجيبي
وراكي علابالك الرياضي كي يجيب علامات ممتازة في الرياضيات والفيزيا وش تكون النتيجة
المهم هي دارت رايها وقرات ليكور سبيسيال في العلوم في الاخير جابت معدل 14
بصح علاماتها فالرياضيات 19 والفيزيا فوق 15 نسيت قداش
المهم هبطتها العلوم وقاتلي ندمت لي بدلت الشعبة لاني مليحة في الرياضيات والفيزيا كنت قادرة نجيب مليح بـ زوز مواد هاذو
قاتلي الرياضي كي يرجع لمادة العلوم لي ماكانش موالفها ويبدا يحفظ ويقراها راح تجيه واعره لانو عامين كاملين موالف بالعلوم الدقيقة فقط
هذا حسب رايي ونتي استخيري واستخيري واستخيري واللي رتحتيلها ديريها
وانا بما انك كنتي رياضية وعلابالك ببرنامجها نقولك لا داعي تزيدي تتعبي روحك تقراي بروقرام ماقريتيهش من قبل
كملي في شعبتك احسن
ونزيدك حاجة ؟ العام هذا مالاحظتيش انو الرياضيات والفيزيا تاع شعبتنا في الباك جاوا اسهل بكثير من تاع العلميين ؟ من حيث الطول والافكار صدقيني باك الرياضيين جا اقصر واسهل بكثير من تاع العلميين في المادتين
والخيار يبقى لكِ
وفقكِ الله اختي

[المُعادلة الصّعبة]

بالنسبه للغات

في الانجليزية يلزمك تفهمي القواعد كامل وتطبقي عليهم كاين مرجع المراجعة النهائية مليح
وتحلي انشطة الكتاب تشرحيهم بالعربيه وديري كراس فيه المصطلحات تاع كل وحدة
وديري الفقرات الموجوده في الكتاب
اما حل المواضيع هو مليح بصح ماهوش ضروري
لانو النص لي رح يجيك فالباك كي تفهميه وتفهمي الاسئلة تجاوبي و كي ماتفهميش ماتجاوبيش
الفرنسية كيف كيف انا ماقريتهاش عام كامل وفي الباك غلطت في سؤال واحد جاني سوجي ساهل بزاف و كيما التصحيح النموذجي ماعدا هذاك السؤال و بصح في الاخير نلقى العلامه 11.5

[المُعادلة الصّعبة]

في العلوم ماننصحكش بحتى استاذ في اليوتيوب والله انا جربتهم كامل طيلة العام الدراسي ماكانش هذاك لي يبرد القلب
استاذ عبد الحميد شرحو مبسط ياسر مفيهش منهجية + ما يمدلكش كلش

العلوم اذا حبيتي تقرايها اعتمدي على نفسك حلي انشطة الكتاب كاين حلول الاستاذ ابراهيم جيلاني و حلي تمرينات ابو الريش والبكالوريات

[الدكتورة الانيقة]

المشاركة الأصلية كتبت بواسطة المُعادلة الصّعبة

في العلوم ماننصحكش بحتى استاذ في اليوتيوب والله انا جربتهم كامل طيلة العام الدراسي ماكانش هذاك لي يبرد القلب
استاذ عبد الحميد شرحو مبسط ياسر مفيهش منهجية + ما يمدلكش كلش

العلوم اذا حبيتي تقرايها اعتمدي على نفسك حلي انشطة الكتاب كاين حلول الاستاذ ابراهيم جيلاني و حلي تمرينات ابو الريش والبكالوريات

مرسي ريوونة انا حابة نبدل علووم قلت نقدر نحقق الامتياز فيها
كم اخذتي معدل انا معدل 12 واعتبر روحي بلي رسبت ههههه لي سقساني قلت مجبتووش قوليلي واش معولة تقراي

[الدكتورة الانيقة]

المشاركة الأصلية كتبت بواسطة صفاء منصر

وعليكم السلام
ننصحك بالعلوم التجريبية لانها مافيها والو مقارنة انك كنتي رياضيات والعلوم سهلة تحتاج للتركيز فقطى
استاذ في اليوتيوب مليح والله انا تاني راني نحوس كاش ا لقيت نقلك ولكن احسن دراسة للرياضيات انك تحلي الانشطة وتديري ملخص وحدك وكاين تاني ملخصات رائعين في الموقع الاول للدراسة
اختي عندك عام كامل يعني حل بكالوريات فقط اظن غير كافي جدا انصحك بالامتحانات الفصلية حمليها باسكو في كل فصل يحكو على وحدة يعني لو تحلي منكل فصل 10 مواضيع للسنات السابقة لفهم كل وحدة ثم تحلي البكالوريات ارى هكذا احسن وانا عن نفسي مترشحة حرة علوم تجريبية هك راح ندير وكاين ملخصات رائعة وعندي منهم نفرزهم برك وراح نحطهم هنا
بالتوفيق لكي اختي وليكن الامتيازمن نصيبي ونصيبك ان شاء الله

مرسي جزاك الله الف خير
بديتي المراجعة ولا مزال

[صفاء منصر]

المشاركة الأصلية كتبت بواسطة الدكتورة الانيقة

مرسي جزاك الله الف خير
بديتي المراجعة ولا مزال

ايه بديت ولكن المواد العلمية فقط