|
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
|
أدوات الموضوع | انواع عرض الموضوع |
2018-05-24, 22:33 | رقم المشاركة : 16 | ||||
|
و الله لحد الان لا اعلم معرفتش كفاش نتصرف عييت من الباك بلون قلت اولا يلزم نشوف الحوايج لراني ناقصة فيهم و لا مقدرتش نحلهم في الباك بلون يعني النقائص اولا مع مواد الحفظ اكيد حبيت نبدا بالجغرافيا وانت كيف ستدرسين بالمناسة ما اسمك ???
|
||||
2018-05-24, 22:34 | رقم المشاركة : 17 | ||||
|
اقتباس:
|
||||
2018-05-24, 22:35 | رقم المشاركة : 18 | ||||
|
اقتباس:
انا تان راني مع الحفظ و نحاول نفهم هندسة في الفضاء باش نبدا نحل مواضيع ما رايكم نتفاهموا نهار نحلوا شوية مواضيع تع اشبال الامة |
||||
2018-05-24, 22:38 | رقم المشاركة : 19 | |||
|
انا معك راني حابة نطلع على المواضيع تاعهم
|
|||
2018-05-24, 22:39 | رقم المشاركة : 20 | |||
|
شوفي ناجلوهم شوية باسكو ضرك وقت حفظ
و نتفاهموا على نهار و اصاي |
|||
2018-05-24, 22:41 | رقم المشاركة : 21 | |||
|
لهذا السبب نكره الpc مصباح وأنا نكتب ومباعد تخرجلي طططضضض€¢¥£أوف شوفي خليني نروح نجيب برتابل خير من عند آخي وكي نكتبهم كامل راني نديرهملك وعد من اختك في الله.
|
|||
2018-05-24, 22:46 | رقم المشاركة : 22 | |||
|
راكي تحفظي دوكا واش راكي تحفظي ??
|
|||
2018-05-24, 22:53 | رقم المشاركة : 23 | |||
|
لالا راني مع فيديو 8 ساعات تع الهندسة في الفضاء |
|||
2018-05-24, 22:54 | رقم المشاركة : 24 | |||
|
على 1 نحفظ رح نحاول نكمل تاريخ مش رح نرقد |
|||
2018-05-24, 22:55 | رقم المشاركة : 25 | |||
|
ربي يعيينك انا راني نعاود في الاعداد المركبة
|
|||
2018-05-24, 23:08 | رقم المشاركة : 26 | |||
|
من وقتاش بديتي فيه لينا ؟؟
و راكي طولي ولا بلخف و يفوت |
|||
2018-05-25, 00:11 | رقم المشاركة : 27 | |||
|
بديتوا غير كيما |
|||
2018-05-25, 00:11 | رقم المشاركة : 28 | |||
|
بديتوا غير كيما |
|||
2018-05-25, 15:53 | رقم المشاركة : 29 | ||||
|
اقتباس:
طالبة لها هدف *العالم الثالث بين تراجع الاستعمار التقليدي واستمرارية حركات التحرر* أول حاجة لي لازم تعرفيها هي واش معناتها الحركة التحررية: الحركة التحررية هي رد فعل وطني ضد القوى الاستعمارية باش يطردوا المحتل ويحققوا السيادة والاستقلال. ثاني حاجة واش هي الاسباب لي خلات الاستعمار يتراجع ويتزايد المد التحرري: كاين أسباب داخلية كيما: 1-الظلم والاضطهاد لي سلطاتوا القوى الاستعمارية على هذي الشعوب 2-اكتساب شعوب المستعمرات الخبرة العسكرية والسياسية كيم شاركوا في الحرب العالمية الثانية 3-زوال عقدة الخوف من القوى الاستعمارية لاخاطرش هذي القوى تعرضت لبزاف هزائم قدام النازية. 4-بروز زعماء وطنيون كيما غاندي في الهندواحمد سوكارنو في اندونيسيا وجمال عبد الناصر أكيد في مصر. 5-بروز فكرة التضامن الأفرو أسيوي في مؤتمر باندونغ1955 وكاين أسباب خارجية كيما: 1-صدور ميثاق الاطلسي في 14اوت1941 اللي أقر بحق الشعوب في تقرير مصيرها. 2-تأسيس هيئة الامم المتحدة والجامعة العربية وفي زوج دعوا الى تصفية الاستعمار. 3-الدعم تاع المعسكر الشرقي لحركات التحرر في العالم الثالث ثالث حاجة لازك تعرفي الخصائص المشتركة بي حركات التحرر ولي هي : 1-الشمولية :لاخاطش شملت كامل الدول لي خاضعة للاستعمار 2-جنوبية:ومعناتها كامل حدثت في القسم الجنوبي من الكرة الارضيةولي هو العالم الثالث. 3-الاصرار:معناتها هذي الشعوب كامل كانت مصرة على الاستقلال ووحدة ترابها وشعبها 4-التزامن:نفس الاطار الزماني ولي هو بعد الحرب العالمية2 5-التضامن :كانوا متضامنين فيما بينهم كيما حنا درنا هجومات الشمال القسنطيني تضامنا مع المغرب. 6-شعبية :يعني الشعوب لي قامت بيها 7-وطنية:يعني البعد الوطني القومي هو لي حركها ومكان حتى وجود للدور الاجنبي بإستثناء الدعم المادي والسياسي. دوكا نروحوا لابراز تنوع أساليب وخصائص التحرر في آسيا وإفريقيا وأمريكا اللاتينية: هذي المستعمرات في القارات الثلاثة عرفت مد تحرري بعد الحرب ع2 نتيجة عوامل داخلية وخارجية وثاني عرفت تنوع في الاساليب وخصائص الكفاح. دوكا نبداو بقارة آسيا : 1- الهند الصينية : شوفي هذي راها مستعمرة فرنسية منذ 1958 تضملنا كل من الفيتنام والاووس وكمبوديا ، عرفت ثورة تحررية في الفيتنام ضد الاستعمار الياباني بين الحكومة الوطنية بزعامة "هوشي منه" واللي هي جبهة تحرير الفيتنام ويسموها "" الفيت منه"" واللي تاسستلنا في 1941 وبعد ما تدخلت الجيوش الانجليزية والصينية تم تحرير الفيتنام وكي تحررت الفيتنام فرانسا حبت تسترجع المستعمرة بصح اصطدمت بجبهة "الفيت منه" في الشمال من نوفمبر 1946حتان لماي 1954 ودخلت فيها أطراف الحرب الباردة ولالنا الصراع غير مباشر بين المعسكران خاصة بعدما نجحت الثورة الشيوعية في الصين بزعامة "ماوتسي تونغ " في 1 أكتوبر 1949. وانتهى الصراع لصالح الفيتناميين الشماليين وباش انتهى ذاك الصراع عقدوا مؤتمر جينيف في 20 جويلية 1954 وشاركت القوى العظمى في هذا المؤتمر واقرت حلول باش دير تسوية مرضية بين الاطراف منها: 1استقلال الفيتنام الشمالي وعاصمته "هانوي" بزعامة هوشي منه 2استقلال الفيتنام الجنوبي وعاصمته "سايغون" بزعامة الجنرال "دييم" 3إعطاء الاستقلال التام لكمبوديا واللاووس 4إعادة توحيد الفيتنام بتنظيم استفتاء شعبي ينظم عام1956 بصح الو.م.أ ادخلت في اطار سياسة ملئ الفراغ باش تدعم الجنرال دييم في الجنوب ضد جبهة "الفيت كونغ " الشيوعية لي أيدتها الفيتنام الشمالي والمعسكر الشرقي بصح الو.م.أ خرجت منهزمة وانساحبت نهائيا في عام 1975 بعدما وقفوا إطلاق النار بمقتضى اتفاقية باريس 1973 وخسرت 60ألف جندي في حين الفيتناميون خسروا أكثر من مليون قتيل .فاستولاو الشماليون عل سايغون وتم توحيد الفيتنام تحت اسم جمهورية الفيتنام الاشتراكية وتميزلنا نضال الهند الصينية ب: 1-العنف والشراسة والتضحيات الجسام والزمن الطويل 2-تعدد الاطراف لي حاربتها (اليابان وفرانسا والو.م.أ) 3-،دخول المنطقة ضمن صراع المعسكرين أثناء الحرب ع2 2- الهند: هدي الهند خضعت للاحتلال البريطاني عام 1958 وولات ملكة برطانيا "الملكة فكتوريا" تلقب بمكلة بريطانيا والهند أسيدي و"الماهتما غاندي " تزعم حزب المؤتمر الهندي للكفاح التحرري فيها الى جانب "محمد علي جناح" ياو هذا راه زعيم حزب الرابطة الاسلامية وغاندي اعتمد على العصيان المدني ومقاطعة الادارة البريطانية وتنظيم المظاهرات والاضراب (يعني ثورة اللاعنف)ممذ 1919 وهذا لي مكنهم من تحقيق الاستقلال عن التاج البريطاني في 15أوت 1947 بمقتضى قانون الدومنيون وتميز كفاحها التحرري ب:: 1 السلمية واللا عنف الايجابي فهي تعتبر من أبرز حركات التحرر في العالم لاخاطش تميزت بالكفاح التحرري. 2بروز شخصية "المهتما غاندي " وقوة تاثيرها في الهند وخارجها 3انقسام الهند الى دولتين وهوما الهند وباكستان بعدما استقلت في 47. آخر تعديل تلميذة الخوارزمي 2018-05-25 في 15:55.
|
||||
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc