#أجمل_حاجة : كي تروح تفوت امتحان الفلسفة آخر امتحان لشهادة لبكالوريا كي تحط الورقة و تخرج تحس جبل و تنحى على ظهرك و التعب لي تعبته جاب نتيجة تولي للدار مرتاح و فرحان .و كي يجي نهار تشوف النتيجة تلقى كلمة #مبروك_ناجح و الله فرحة متتصورش متولي تحس بوالو مالفرحة و يماك تزغرتلك و دموع الفرحة في عينيها و تقول الحمد لله لي قريت و نلت
#أسوأ_حاجة : كي متتعبش و متقراش و تتهاون و في آخي امتحان للبكالوريا امتحان الفلسفة .تحط الورقة و تخرج و تلقى بلي كلشي فات و تتمنى كون غير يرجع الوقت و تبذل مجهود تولي للدار و تبقى مقلق دايمن و وقت النتائج تشوف كلمة #راسب يتكسر قلبك و تتقهر عليك يماك تسمع الزغاريت فالخارج و تتمنى كون كنت كيفه
#المقصود خاوتي راه باقي شهر و كون ڨاع متكونش بديت تقرا و الله مفات الوقت تقدر تبدا دوكا و تلحق عمرك ولا تقول فاتني الوقت كاين لي قراو شهر و كاين لي قراو أسبوعين التوالا و نجحو .. السر راه فالإرادة و قمة التركيز ... الفايسبوك مغاديش يهرب ديروله وقت بصح ماشي نهار كامل ..سمحو في كلشي دروك غير على جال ديك الدقيقة لي تشوف فيها النتيجة و تفرح والديك وتفرح نتا
و ربي ينجحنا كامل غير شويا مجهود و كوراج ربي يوفقنا يارب نجحنا املنا كبير فيك يارب
( تقرير عن مشاركة سيئة )، و الموجودة أسفل كل مشاركة .
2018-05-06, 08:26
نتهناو من عبء لكبير ولباقي على ربي
العرض العادي
