اقتباس:
المشاركة الأصلية كتبت بواسطة idem16a
صباح الخير عليكم،كيف حوالكم،انشاء الله نهاركم مبروك ومربوح
حياة حنونة،شكرا ليك على ادراج الصور،،بالمناسبة،انا عندي بوس نجمة،في الحقيقة،منذ اعوام كانت عندي موبيليس كنت نمشي بيها شهر وانا بالكونكسيون،،،لكن كنت ما سجلتش روحي فالمنتدى،،،مبعد بدلها راجلي دارلي نجمة،،وراهو يفليكسي كل يوم،،بالرغم اني قلتلو ديرلي تاع شهر خير،،،،رانا صابرين حتى يفرج ربي ههههه
سعيدة حبيبتي ربي يخليك،،،اكيد نعطيلك الوصفة،للامانة انا معتمدة تاع سليمة يعلى منذ سنوات
لكن هذا المرة بدلت فقط النكهة،رحيت كمية قليلة تاع الفريز،وزدت لاغوم فريز،،وانت واش حبيتي
هاذي دارتها بالشكلاطة والله ذوق رااااااائع،خاصة اني نحب ذوق الشكلاطة
كوب ونصف حليب بارد
2 ملاعق كبار حلييب بودرة
120 غرام غبرة الشونتبي
100 غرام فلا شكلاطة يعني زوج علب صغار
شكلاطة مقطعة قطع صغيرة
تضربي الكل بالباتور،كي تطلعي كل شئ زيدي هاذوك القطع تاع الشكولا
تاخذي قالب غلفيه بالبلاستيك،ضعي الخليط والى المجمد
كي تحبي تاكليه اجبديه من قبل شوية باه يدوب شوية،انا نعمر بملعقة ايس كريم
وانت والذوق تاعك،انشاء الله نكون لحقتللك الفكرة
|
شكرا اختي ام مهدي على الاهتمام و الاجابة علابالك عندي وصفة تشبهلها ديتها من المنتدى عندي سنوات و دايما نديرها بصح تاعك الحق خرج هاااايل يبان كريبوني و زيد مع لفراز روووعة يعطيك العافية.
( تقرير عن مشاركة سيئة )، و الموجودة أسفل كل مشاركة .
2018-04-23, 10:49
العرض الشجري