الباك راح .... اللي قرا قرا من سبتمبر ( تم اضافة الأدب وباقي المواد )

[طالب له هدف]

المشاركة الأصلية كتبت بواسطة اميرة الطموحة

شكرا اخي الهمتني وازلت الكثير من قلقي . انتظر موضوعك عن الفيزياء واللغات بفارغ الصبر . الصراحة اريد سؤالك كم ساعة كنت تدرس تقريبا في اليوم وكيف نظمت وقتك وما هو برنامجك .

سيتم اضافة الجزء الخاص بالفيزياء واللغات ... ان شاء الله
عدد الساعات لايوجد ساعات محددة .. ولايوجد برنامج محدد .. وبالعكس .. راهو وجدوا انو كي دير برنامج محدد للدراسة ويكون انضباط شديد وصارم النفس البشرية تقلق وتكره وتولي النتائج سلبية ..

فقط كل يوم وقسمو كيما يقول ... باختصار :
- الصباح كلو ديرو للحفظ ( ليس كل يوم ) ... يعني حتى وقت للغداء وانت غير تحفظ ( ولازم تحدد المراجع اللي رايحة تحفظ عليه ومتبدلهاش حتى تكمل الباك .. متبقاش دور في دوامة المراجع و تولي في متاهة ... كثرة المراجع في كل مادة = دليل على الفشل ) ( والحفظ ديرو في الويكاند خصوصا ويومين بيومين يعني تحفظ بالجمعة والسبت ,,, لاداعي للحفظ في الاحد والاثنين .. ثم ارجع صباح الثلاثاء والاربعاء كلو فوتوا حفاظة .. ثم يجي الويكاند وهكذا ... "" من صلاة الفجر حتى 12 وقت الغداء "واللي يقولك احفظ كل يوم .. غالط ... صح من الاول يجيك حماسك من بعد تكره كل شيء ومعدتيش قادر تحفظ جملة واحدة ...,,,,,,,,,,,,, """من بعد الغداء صلي صلاتك اقرا شوي قران ,, ريح شوي حتى ساعة على الاقل .. ثم ابدا في المساء كاش مادة علميــة ( رياضيات علوم فيزياء ) وكل مساء مادة علمية واحدة ,, متخلطش .. تكون تقرا رياضيات تقفز تلقى روحك تقرا في الفيزياء .. ومن بعد تلقى روحك ترسم في رسومات العلوم .... لالا .. كل مساء مادة علمية واحدة ..يعني مثلا جت باه تقرا علوم .. الطاولة اللي قدامك يكون فيه غير خوايج العلوم برك .وليس اي مادة اخرى وهكذا ...المادة العلمية اذا كان درس جديد باه تقرا خذ وقتك فيه افهموا مليح .,,, مع تطبيقات اولية ومشاهدة فيديوهات والاستفسار عن كل ماهو غير مفهوم ,,, وقراءة الملخصات ,,, اما اذا كانت مراجعة ,,, مراجعة الدوال مثلا ,,, اقرا الملخص اللي درتيه و الافكار اللي جمعتيها من مختلف التمارين والبكالوريات ... ثم احكمها تمرين وراء تمرين ... مع الاطلاع على الحل ,,,, كل ساعة ونصف في المادة العلمية اوقف تحرك في الدار ومشيء رجليك .. وكشما توكل اي حاجة وسقسي على خبر جديد ... ( ps : اكثروا من شرب الماء ) ثم ارجع للطاولة ومكان مراجعتك... وكمل .. نقولو مثلا بديتي المراجعة المسائية على 1:30 ابقى دير مراجعة,,توصل ال 7 حبس .. ( ولازم كل ساعة ونصف على الاقل دير وهلة صغيرة كيما قلت ليكم .. روح ارتاح .. صلي صلاتك .. تعشى اذا طاب العشاء ... وتجنب غرقة مراجعتك في هذا الوقت ... جوايح 8 ونصف هكاك ,,, 8 ونصف ,,, دير مادة تاع لغات ... ( عربية فرنسية انجليزية ) وقم بحل المواضيع شفهيا ... من 8نصف حتى جوايح 10,30 روح للنوم مباشرة ..... ساعتين يوميا في اللغات ( ومزال 3 اشهر تكفي وزيادة ) يعني الـ11 تاع الليل تكون راقد ... لاترهقوا انفسكم لاليالي بيضاء لا والو ,,, 11 تكون راقد ...

تنبيه : اذا وفي الاحد والاثنين - في هذا المثال - والاربعاء والخميس ( الصباح اللي مفيشوا حفاظة ) ديروا للمادة اللي راك ضغيف فيها وتحس روحك ناقص فيها ... يعني الصباح اللي مفيشو حفاظ ركز على العلوم مثلا ( اذا كنت علميا ) او حتى اي مادة ( من المستحسن تكون مادة علمية خير ) او رياضيات او فيزياء وهكذا ( تمارين .. افكار جديدة ) ,,, او كتابة فقرات انجليزية مثلا .. تدرب على compte rendu في الفرنسية ... تعلم رسم خرائط التاريخ والجغرايا .. تطبيقات على وسائل القران في تثبيت العقيدة ,. تعلم استخراج الفوائد ,,,, ( متضيعوش لوقت في كتابة مقالات خاصة بكم في الفلسفة احفظوا لب المقالات مع التركيز المطلق على المنهجية ... المنهجية اهم من المقال .. المصحح يحب يشوف انك تعرف المنهجية )

هذا ما عندي حاليا .... بالتوفيق