أنت تسألي والخبيرات يجبن(عندك أي إستفسار في الكروشي تفضلي)

[belseme]

بارك الله فيك اختي ريمة وعذرا على ازعاجك والله مزلت منعرفش مليح مرات تبانلي الابرة اكبر شوية على الخيط مرات نرمال مزلت باش نبدا نعرف هههههه
الكوتون بارلي لي صورتيلي ذاك المرة؟
وهل فيه احجام خطرس مرات تبانلي فيه رقيق ولخشين لا والا كيما لي يطرحو بيه بساطات؟
عندي وحد الخيط مارك diva وفيه الابرة من 3 الى 3.5 بصح ابرة لكروشي معنريش عندي غير 4 و 1.6 وهل كوتون بارلي لي قلتيلي عليه يحي مع الابرة 1.6؟
بالنسبة لقراءة الباترونات لا مزلت ماحقتش للباترونات راني غير نتعلم فالاساسيات مبعد نروح للباترون والا واش قولك ريومة؟
وشكرا على رابط لي حطتو امنية يعطيكن الصحة بزوج بالنسبة للصور مكنتش حاطة بلي يتحطو فلموضوع عليها محطيتش الاسم اصلا ماشي حاجة ههههه نهار الى كتب ربي وخدمت حاجة مليحة نحط الاسم
شكرا حبيبتي ريمة جزيت الجنة

[RIMA.87]

المشاركة الأصلية كتبت بواسطة belseme

بارك الله فيك اختي ريمة وعذرا على ازعاجك والله مزلت منعرفش مليح مرات تبانلي الابرة اكبر شوية على الخيط مرات نرمال مزلت باش نبدا نعرف هههههه
الكوتون بارلي لي صورتيلي ذاك المرة؟
وهل فيه احجام خطرس مرات تبانلي فيه رقيق ولخشين لا والا كيما لي يطرحو بيه بساطات؟
عندي وحد الخيط مارك diva وفيه الابرة من 3 الى 3.5 بصح ابرة لكروشي معنريش عندي غير 4 و 1.6 وهل كوتون بارلي لي قلتيلي عليه يحي مع الابرة 1.6؟
بالنسبة لقراءة الباترونات لا مزلت ماحقتش للباترونات راني غير نتعلم فالاساسيات مبعد نروح للباترون والا واش قولك ريومة؟
وشكرا على رابط لي حطتو امنية يعطيكن الصحة بزوج بالنسبة للصور مكنتش حاطة بلي يتحطو فلموضوع عليها محطيتش الاسم اصلا ماشي حاجة ههههه نهار الى كتب ربي وخدمت حاجة مليحة نحط الاسم
شكرا حبيبتي ريمة جزيت الجنة

السلام عليكم ،
و فيك بارك الله اختي belseme،و مشكووورة على الدعاء ،
و لا يوجد اي ازعاج نحن هنا لنستفيد و نفيد و نحتسب الاجر عند الله عز و جل،
بالنسبة للكوتون بارلي حسب توفره في الولاية ديالك ،كيما احنا هنا في بومرداس لقيت azur و هو لي معرووف على مستوى التراب الوطني هههههه لانه صنع محلي من ولاية سطيف و ذو جودة ،و هناك GSA لكن شوية خشين عليه و هناك الكبات الصغار هادوك تاني خشين و بالطبع تقدري تستعملي الكروشي1.6 ملم يعني رقم اكروشي مع سمك الصوف انت و اش تحبي في الخدمة ماهوش علوم دقيقة ،

نعطيك مثال كي حبيت االخدمة دقيقة او رقيقة استعملت الكوتون بارلي هاداك لي وريتهولك يعني azur بكروشي 0.8 ملم و هذا تبعا لورشة الاخت sakura be جزاها الله خيرا و ممكن تطلعي على الورشة و نتيجة تطبيقي في هذا الرابط ،
https://www.djelfa.info/vb/showthread.php?t=1794590
و نفس الكوتون بارلي اي azur استعملت معاه كروشي 1.5ملم لاني اردت الخدمة تجي خشينة شوية و منفخة و هذا بنصيحة الاخت ام حمزة22جزاها الله خيرا و خدمت بوليرو قمة في الرووووعة

تفضلي الرابط
https://www.djelfa.info/vb/showpost....2&postcount=23

و الخيط لي يطرحو بيه البساطات مانعرفوش ? ???

و بالنسبة للخيط diva لي عندك اظنه من الخيوط المستوردة المشهورة هنا في الجزائر باسم الخيوط التركية

و اذا هو لي في الصورة alize diva و سعر الكبة حوالي 350دج،
فهو خيط ذو جودة و استعملي نفس المبدا لي شرحتهولك يعني بالرغم انهم كاتبين رقم الكروشي من 3 الى 3.5كما ذكرتي لكن ممكن تخدمي برقم 4ملم عادي و تشوفي النتيجة بعد اسطر اذا هي مرضية كملي و اذا لم تعجبكي فتقيها ،كيما انا نظل نخدم و نفتق حتى نصل لللهدف

و بالنسبة لقراءة الباترونات عندك الحق ،روحيلها واحدة واحدة حتى لا تختلط عليك الاموور ،و المثل يقول ،
طريق الالف ميل يبدأ بخطوة ،
نتمنى شرحي يكون مفهوم و خفيف الظريف ومرات نحس روحي نستغرق في بعض التفاصيل لكن لللافادة
و الله الموفق ،
و ان شاء الله في القريب تشاركينا باول اعمالك ،و على فكرة اول اعمالي بالصوف لي كانت قبعة و صبيبط لبنت اختي الامورة مريم ربي يحفظها و يسترها و جميع ابناء المسلمين .
في امان الله