دورة " ربات بيوت واثقااااااات"

[لينة71]

السلام عليكم
عجزت ماذا اقول لكم بارك الله فيكم على كل شي ربي يحفظكم ويستركم يارب
والله يا موني راني في ورطة كبيرة وخاصة بعد الولادة حالة لا يرثى لها لم اعد استطيع اعمل اي شي ثاني بعض الخمول والكسل الوقت لي كنت فيه نعتن بيه نفسي هي وقت القيلولة عاد يدخل زوجي يرتاع وينام لانو يبات يخدم راحتلي كل شيوفي الليل يجي يرقد بكري يستمر لقيت الوقت هو وقت الفجر نهار نفطن ولا وتخربطت عليا كل شي
وزوجي كي يعود ينام لازم حتى حس لا دوش للغسيل لماعن بالسيف
كرهت روحي عادت حاجة ما تصلحي عدت متشاءمة وكارهة كل شي حابة نرجع نشيطة نهتم بنفسي واولادي وداريراني غير وحدي تعبت بزاف نفسيا. وخاصة من زوجي طي منهما حاجة بالطبع يبدأ يسب ويحطم فيا وهادي الشي زاد خلاني نرجع لور
ولي زاد اثر فيا هو موت زوج أخت زوجي ماعرفت نفرح ولا نحزن تخلطت عليا وتخاف من دار شيخي. مثلا كي جاتني مناسبة تاع الفاتحة وما فيها والو وهما مزالهم ماثرين وهو مات يوم عيد الاضحىوحلى اولاد صغار ومنبعد كان عندي عرس دار عمي ماراحتشلانو عرس كبير رحت غير الفاتحة برك مكان حتى واحد درك راني خايفة يحسبوهالي ويعودون يستشفاو فيا
والله ربي يهدينا كيفاش راني نخمم عدت موسوسة ياسر مش صائبة روحي خلاص
قهوتي كيفاش نخرج من هاد الورطة كرهت عمري وحياتي
اسمحولي كثرت عليكم ياسر
وزوجي ماهوش متفهمنيديما يسب فيا ويعاير فيا فشلت خلاص وانا لا خرجة لا تنفاسة لاوالو ضاقت روحي ديما وحدي حابة نبكي ماخرجتش عيييت بزاف

[ابني نور عيني]

المشاركة الأصلية كتبت بواسطة لينة71

السلام عليكم
عجزت ماذا اقول لكم بارك الله فيكم على كل شي ربي يحفظكم ويستركم يارب
والله يا موني راني في ورطة كبيرة وخاصة بعد الولادة حالة لا يرثى لها لم اعد استطيع اعمل اي شي ثاني بعض الخمول والكسل الوقت لي كنت فيه نعتن بيه نفسي هي وقت القيلولة عاد يدخل زوجي يرتاع وينام لانو يبات يخدم راحتلي كل شيوفي الليل يجي يرقد بكري يستمر لقيت الوقت هو وقت الفجر نهار نفطن ولا وتخربطت عليا كل شي
وزوجي كي يعود ينام لازم حتى حس لا دوش للغسيل لماعن بالسيف
كرهت روحي عادت حاجة ما تصلحي عدت متشاءمة وكارهة كل شي حابة نرجع نشيطة نهتم بنفسي واولادي وداريراني غير وحدي تعبت بزاف نفسيا. وخاصة من زوجي طي منهما حاجة بالطبع يبدأ يسب ويحطم فيا وهادي الشي زاد خلاني نرجع لور
ولي زاد اثر فيا هو موت زوج أخت زوجي ماعرفت نفرح ولا نحزن تخلطت عليا وتخاف من دار شيخي. مثلا كي جاتني مناسبة تاع الفاتحة وما فيها والو وهما مزالهم ماثرين وهو مات يوم عيد الاضحىوحلى اولاد صغار ومنبعد كان عندي عرس دار عمي ماراحتشلانو عرس كبير رحت غير الفاتحة برك مكان حتى واحد درك راني خايفة يحسبوهالي ويعودون يستشفاو فيا
والله ربي يهدينا كيفاش راني نخمم عدت موسوسة ياسر مش صائبة روحي خلاص
قهوتي كيفاش نخرج من هاد الورطة كرهت عمري وحياتي
اسمحولي كثرت عليكم ياسر
وزوجي ماهوش متفهمنيديما يسب فيا ويعاير فيا فشلت خلاص وانا لا خرجة لا تنفاسة لاوالو ضاقت روحي ديما وحدي حابة نبكي ماخرجتش عيييت بزاف

اهلا اختي العزيزة ماتقنطيش من رحمة الله شوفي البارح لبارح واليوم ليوم وغدوة نهار جديد ...تقدري تبداي من الصفر وتعيدي بناء حياتك ...الولادة من التجارب الصعبة اللي تمر بها المراة ...كلنا مرينا بلحظات كيما هاذي ...بصح خطوة خطوة نحاولو نتجاوزو الصعاب تاع هاذ المرحلة ...اول حاجة ابداي بيها ..اتهلاي في روحك قد مقدورك ...علابالي مع التربية صعيب بصح ديري 15 دقيقة في النهار تهلاي في روحك فيها ..دوشي خفيف اغساي وجهك واسنانك ورتبي شكلك امشطي شعرك و حطي عطر و رطبي بشرتك يوميا ...راح تشوفي السعادة اللي راح تجيك ..اذا مازلتي نافسة حطي فارني انا كي كنت نافسة كي يطيحلي المورال ندير واش قتلك والله نولي نطير ..حتى الزوج راح تتبدل معاملتو معاك صدقيني كي تكوني متهلية في روحك واهم من هذا تكوني ايجابية معاه تضحكي معاه وتحاولي تجددي علاقتكم المقدسة ...وبخصوص كلام الناس ما تكبريش الموضوع علابالي بلي حالتك النفسية هي اللي راهي تضخم في الاشياء ان شاء الله مكان والو ...

اختي ان شاء الله غيمة وتفوت وتولي عروسة كيما كنتي ..ماشي حاجة صعيبة الارادة و الهمة العالية و الايجابية ..ربي معاك ورانا كامل معاك ادخلي وشاركينا يومياتك تحفزينا ونحفزوك ...مع هاذ اللمة الطيبة ماراحش تضيعي ..و راح تولي كيماتحبي من كل الجوانب ...يالله اختي كوراج برك ...

[ابني نور عيني]

تصبحون على خير فراشات

[ام شمسو محمد]

المشاركة الأصلية كتبت بواسطة لينة71

السلام عليكم
عجزت ماذا اقول لكم بارك الله فيكم على كل شي ربي يحفظكم ويستركم يارب
والله يا موني راني في ورطة كبيرة وخاصة بعد الولادة حالة لا يرثى لها لم اعد استطيع اعمل اي شي ثاني بعض الخمول والكسل الوقت لي كنت فيه نعتن بيه نفسي هي وقت القيلولة عاد يدخل زوجي يرتاع وينام لانو يبات يخدم راحتلي كل شيوفي الليل يجي يرقد بكري يستمر لقيت الوقت هو وقت الفجر نهار نفطن ولا وتخربطت عليا كل شي
وزوجي كي يعود ينام لازم حتى حس لا دوش للغسيل لماعن بالسيف
كرهت روحي عادت حاجة ما تصلحي عدت متشاءمة وكارهة كل شي حابة نرجع نشيطة نهتم بنفسي واولادي وداريراني غير وحدي تعبت بزاف نفسيا. وخاصة من زوجي طي منهما حاجة بالطبع يبدأ يسب ويحطم فيا وهادي الشي زاد خلاني نرجع لور
ولي زاد اثر فيا هو موت زوج أخت زوجي ماعرفت نفرح ولا نحزن تخلطت عليا وتخاف من دار شيخي. مثلا كي جاتني مناسبة تاع الفاتحة وما فيها والو وهما مزالهم ماثرين وهو مات يوم عيد الاضحىوحلى اولاد صغار ومنبعد كان عندي عرس دار عمي ماراحتشلانو عرس كبير رحت غير الفاتحة برك مكان حتى واحد درك راني خايفة يحسبوهالي ويعودون يستشفاو فيا
والله ربي يهدينا كيفاش راني نخمم عدت موسوسة ياسر مش صائبة روحي خلاص
قهوتي كيفاش نخرج من هاد الورطة كرهت عمري وحياتي
اسمحولي كثرت عليكم ياسر
وزوجي ماهوش متفهمنيديما يسب فيا ويعاير فيا فشلت خلاص وانا لا خرجة لا تنفاسة لاوالو ضاقت روحي ديما وحدي حابة نبكي ماخرجتش عيييت بزاف

اهلا و سهلا باختنا المغتربة لينا ...الاكيد ماكيش غريبة علينا ..و مع انو حبيبتنا ام محمد وفات و كفات و عطاتك اسس الحل اللي شايفاتو انا ثاني و لكني رايت انو من الادب اني نعقب على رسالتك ...اللي واضح فيها نبرة الاحباط و الاكتئاب ...نذكرك بلي هذي المشاعر عادية و تصاحب الولادة لذلك لازم تكوني واعية لهذا الشي و ماتستسلميش لهذي الحالة لانها يقينا راح تاثر على الكائنات الرقيقة اللي راكي عايشة على جالهم ...فانتي الاساس في العش ...المشاعر السيئة يا لينا قناعتي بلي الوسيلة الوحيدة باش نتغلبو عليها هي بذكر الله عزوجل ....لانها من الشيطان و الحالة الوحيدة اللي يتركنا فيها الشيطان هي عند ذكر اسم الله عزوجل فهو لا قبل له به ...الزمي ذكر الله و رطبي لسانك بالاسماء الحسنى و الصفات العليا و الكلم الطيب ..استغفار و تهليل و تكبير و باقيات ...و قوليلي اذا بقات الاحزان ...انتبهي هذي معركة اخرى تخوضيها مع الشيطان اللي ماراحش يخليك تتهناي بالانس بالذكر و راح يمنعك لذلك كوني واعية و اياك و الغفلة و النسيان و الاستسلام ...هذا مخرجك الاول ...

في الدرجة الثانية و كحل لمشاكلك ...اللي نطمنك بلي رانا جميعا جميعا نعانيو منها مهما اختلفت الحالات لانو هذا وصف للحياة الدنيا ...انا خلقنا الانسان في كبد ....قلت بلي مشاكلك الاسرية و الاجتماعية عالجيها فقط ببعض الحكمة و التنظيم ...و ماتنغمسيش فيها ...هي مجرد منغصات عندها بالتاكيد حلول تلقايها فقط ببعض التفكير ...نذكرك بمبدا النطاقات و هذي فكرة قريتها مرة في مقال ...ملخصها انو الانسان صورة لنطاقات تفكيرو ...يعني على واش يركز راح تكون حياتو ..ذرك انتي يا اما تكوني ايجابية و تركزي مثلا على حياتك و دينك و ولادك و تربيتهم و الحوايج اللي تحسن حياتك ...او تكوني سلبية و تركزي على المشاكل و الناس اللي مايضروكش و فلان قال ...و المشكل الفلاني ..و هنا حياتك راح تدور في دوامة من القلق و الجزع و قلة التركيز على الضروريات اللي في حياتك ...

اما مشاكل المنزل و الزوج و الزينة تبعينا في الدورة ...اكيد تلقاي حلول مع الاخوات ...فيهم خير

[ابني نور عيني]

اهلا فراشات ...ماتنسوش صلاة الضحى
اختي ام شمسو نورتي بدخولك ..اختي فراشات شكرا ليك على النصائح القيمة تاع ناس بكري ماشاء الله عليهم هوما اللي عندهن الحكمة و بعد النظر...عندي جدتي من ماما عندها 90 سنة ربي يحفظهالي دايما تنصحني و صدقوني كنت صغيرة كي تقولي حاجة نسجلها و نعمل بيها ...وللان تنصحني في تربيتي لوليدي و معاملتي لزوجي ربي يطول في عمرها...وجدتي من بابا توفات عندها 5 سنين توفات في 91 سنة تاني كانت مجاهدة و جدي شهيد و كانت مليئة بالحكمة والاخلاق ربي يرحمها