الجزء 182 من الكوزينة( ان شاء الله تكون فاتحة خير عليكم) - الصفحة 35

x ام رحاب x · 2017-10-06, 08:21

اقتباس:

المشاركة الأصلية كتبت بواسطة أم فاطمه

.

.

السلام عليكم طبخات الكزينة وزوارها

ياسلام كلش يشهي منبين يديكم

اهلا فيفي الدجاج مع لفرية والشاي مع الحلويات بصحتك حبيبتي

اهلا امينة طجين الكفتة مع لحميص روعة بصحتك شطيطحة داند شكرا على الوصفة تشهي عزيزتي

رني تعرفت على مجموعتك في الفيس مزيد من التألق

اهلا حياة هدرتي على الطمينة اليوم كليتها عند جارتي انا نخدمها بي السميد والكاوكاو والعسل والزبدة تبقا طرية ومعسلا كاش نهار نديرها
لكم بصحتك الدولمة مع البطاطة تهلاي في امك مكانش كلي الوالدين

اهلا اختي ام هدول بصحتك المقرون جاك يشهي المحاجب والكعك روعة ممممممم

اهلا بدرية مبروك ما زاد عندك يتربا في عزك

اهلا امي جنتي نورتي الكزينة اختي او ابنتي
اهلا ام جوجو فرحت بي رجوعك نورتي الكزينة البركوكس والدجاجة ممممم أختك تحب المقلي والمشوي

اهلا بيسان الكيكة والشطيطحة يشهيو بصحة عزيزتي

اهلا. سيليا تشرفنا

جبتلكم اليوم طبق البطاطة بي السردين رني دخلته في قسم االاطباق الرئسية

وطبق البطاطة مع صدر الدجاج والبشمال روعة

وجربت كيكة الفنجان في الكسكاس خرجت مممممممم تجدونها فيقسم الحلويات

اختي سحابة رني طبقت شوربت الفريك مممممم حلوى بزاف مممممم

وطبعا الفكهة والسردين والسلاطة و الحمد الله و نشكره على نعمه

والى الملتقى يا أغلى الاحباب

الله ايبارك تسلم ايدك كلش ايشهي

ام هدول · 2017-10-06, 10:04

ام هدول · 2017-10-06, 10:08

اهلين بالغالية ام رحاب .....ماروع تللك الايام لي تقضيها مع الام ...... ادعيلهابالرحمه ..وتلقايها ان شالله في الجنه ....
انا غداي المقفول او الكسكس الصحي اللدييد مع اللبن .يم يم ....

https://www.djelfa.info/vb/showthread.php?t=1914435

أم يوسف2 · 2017-10-06, 10:48

,صباح الخير عليكم وجمعة مباركة

أم يوسف2 · 2017-10-06, 15:14

اوووووو مالصباح وحدة مادخلت وييين رحتو من ورايااااا
اليوم درت سباقيتي بالدجاج

أمنية غفران · 2017-10-06, 15:15

السلام عليكم و رحمة الله تعالى و بركاته

أخواتي الكريمات جمعة مباركة و نهاركم طيب

فطورنا من المفروض كان رشتة بصح جاونا ضياف بدلنا الموني و درت دلمة خضر امممممممم و الرشتة خليتها للعشاء

تحياتي

أمنية غفران · 2017-10-06, 15:17

أم يوسف واش احوالك صحا فطورك

أم يوسف2 · 2017-10-06, 15:23

حبيبتي امنية توحشتك بصحتكم وبصحت ضيافكم اممممم طيابك روعة
واخيرا دخلت وحدة ههه اسمعي راني رايحة ندير غريبيتك بسكر عادي خويا هبلني ديريلنا غريبية

أم يوسف2 · 2017-10-06, 15:26

امنية انا وليت دايمن ندير الفريك فالدولمة استغنيت على الروز خخخخخ وساعات ندير تشيشة مرمز عجبني ذوقها

أمنية غفران · 2017-10-06, 15:43

بصحتكم الغريبية حبيبتي ام يوسف و قيلة ليشيرات راهم في القيلولة ههههههههههه

انا ملي عرفت العفسة نتاع الفريك الروز انسيته هههههههههههههههه كان موالفة هاداك الروز يشرب لي قاع المرق واععععع

الدولمة تجي بنينة بزاف امممممم خلاص كاش خطرة نجربه كيما قلتي بتشيشة مرمز يعطيك الصحة امممممممممم

ربي يحفظك

حياة نور الدين · 2017-10-06, 15:46

السلام عليكن واش راكم البنات

ام رحاب ردك بكاني حبيبتي ادعيلها بالرحمة واسمحيلنا قلبنا عليك المواجع انا امي اليوم راحت الصباح ودات قلبي معها بكيت حتى عييت كل مرة نخاف تكون اخر مرة نشوفها بعيد الشر
المهم الحمد الله وربي يرحم لي ماتوا ويطول عمر اللي مزالوا

ام هدول بصحتكمن اليفنج ولبيتزا حنونة وربي يطول عمر الوالدة ويحفظلك بناتك

بيسو بصحتكم حبيبتي

ام يوسيف اهلااا واش راكي توحشناااك

امنية يعطيك الصحة على الوصفات وبصحتكم الدولمة والارز

لي نسيتها تسمحلي بزاااف

حياة نور الدين · 2017-10-06, 15:56

عشايا البارح كان جلبانة بالدجاج وبوراك وسلطة

وردة الرمال43 · 2017-10-06, 16:10

اقتباس:

المشاركة الأصلية كتبت بواسطة حياة نور الدين

عشايا البارح كان جلبانة بالدجاج وبوراك وسلطة

ماشاءالله ماشاءالله على الفنانة الغالية حيوتة يعطيك الصحة حبيبتي طيابك كامل 44444444444 اما البنة باينة مانحكيوش بارك الله فيك

وردة الرمال43 · 2017-10-06, 16:11

ييا جماعة واش بيه المنتدى رجع صعييييييب وزيد نقصولي عدد المشاركات وااااع

ام هدول · 2017-10-06, 16:13

سلام،،،،،بصحتهم ضيافكم الدولمه،،بلفريك الحاجه تع لفريك تجي بنينه اانا مثلا نزيد الدقاق تع لفريك لكرات اللحم يعطيهم بنه
ام يوسف مازللك عند ميمتك ?امشي تروحي للدارههههههه
حيوته اخ من الفراق صعيب،،،،هاد حال الدنيا الموت تفرق والحياه تفرق
سحوبه ،،،،اكثري من الاستغفار نعرفك قويه ،،ماتخليش القنطه والمشاكل تهدك،،،ربي يفرج عليك وعلى كل مهموم