عمل متعلق بالبنوك الربوية

[مشكلتي]

السلام عليم
مشكلتي قبل 6 اشهر كان زوجي يعمل في شركة خاصة بصيانة تعمل مع البنوك الربوية وصراوله مشاكل حبس ويخدم في حانوت ودكا فتح صيانة الخ العمل ناقص شوي بصح عطيته مبلغ كنت انا رح نفتح بيه مشروع صغير قتله ادا مساعدتكش الصيانة افتح مشروع اخر المهم رزق حلال والبركة وعنده اخوه ايضا حاب يسلفله ويعاونه ربي يجازيه واقف معانا بعد 6 اشهر عيطوله هاد الشركة باش يولي يخدم كي قالي حطيته مش رح يقبل لانا حكينا وقال صواردها حرام والبركة حلت بعد ما حبس ودوكا قالي نروح نسنيي كونترا المهم بقيت ننصح فيه ونفهم فيه محبش يشتوعب يقولي تتري عليا وراها قتله ربي راه يختبر فيه المرة الاول كنت معلابكش بصح دوك علابالك وقالك الامام والفتاوي في هاد الامر كاينة وانا قمت باللتصال بمركز الفتوى امرها حرام شوكاني حاب يروح للحرام برجليه وراها سبني بكلام كي سمعته حبيت تتشق اللرض وتبلعني سفاهة وعيب كبير وقالي انت مرضتيني حتهبليني كرهتيلي حياتي الخ منقدرش نوصف حالتي في هاديك الدقيقة وواش صرا فيا مت الف مرة وانا حية هو مراحش ليهم بصح ميهدرش معايا ومش حاب يهدر لانه مزال يمكن حاب يروح ومرجعش للدار للربعة تاع الصباح انا مخرجتش من داري خلانا بدون اكل البارح خرجت شريت اكل لولدي وحالتي مش مليحة دخت منين الدار وصرا فيا الباطل شوروا عليا مانيش حابة نتسرع نمدله فرصة باش انا منندمش وفي نفش الوقت رح نموت من واش قالي لاني حسيت روحي نستاهل بعد ما وقفت معاه ماديا ومعنويا ونخاف عل علاقته مع ربي وقلت للسفاهة وكلام العيب حسيت قيمتي رخيسة

[محارب الحمق]

على حسب ما فهمت, انت ترفضين عمل زوجك مع هذه الشركة لانها تتعامل مع البنوك, لنفترض أن العمل في هذه الشركة محرم (أغلب الشركات الجزائرية تتعامل مع البنوك), أقول لك بارك الله فيك على حرصك على الحلال, أما بخصوص ما قاله لك من كلام فاحش (حسب ما فهمت) فاني أتفهم غضبك فهذا النوع من الكلام يقضي على الاحترام والحب في العلاقات مهما كان نوعها وتكون ذات وقع أعظم في العلاقات الزوجية. عليك بالدعاء له بالهداية ومحاولة التحدث اليه, فان كان معدنه طيب فانه بامكانك تغيير سلوكه وان كان معدنه خبيثا سيكون الامر أكثر تعقيد, كيما يقولو عينيك ميزانك. أخيرا, أنصحك بسؤال امام ثقة عليم بواقع المعاملات الاقتصادية وان يكن من كبار المشايخ كالشيخ فركوس مثلا فهو متخصص في مثل هذه المسائل للتأكد من الامر

[زبدة ذايبة]

راكي في جهاد كبير

ماتضعفيش نهائيا أمام الباطل.

البنوك الربوية أمرها واضح وضوح الشمس.

والكلمات الجارحة اللي سمعتيها

هي وسام شرف ليك في محاولة

إنقاذ بيتك من الحرام.

التعامل الحقيقي مع الله

والغضب الحقيقي هو غضب الله.

والرضى الحقيقي هو رضى الله.

ماتعمريش راسك بالكلمات الجارحة.

ابقاي على ما أحل الله ومادخليش

لحرام لدارك.

الله عزوجل قال عن الربى: فأءنوا بحرب من الله ورسوله.

وش يبقى للإنسان لما يتوعده الله بالحرب.!!!!!!!!!!!

مارحش ينجو أي شيء في بيتك

ديري جهدك ماتخليهش

كيما ساعدتيه بمالك حتى مايبقاش

من غير مال. كملي واحبك معاه وعاونيه ماياكلش لحرام وأي حرام

الربى.

ماتركزيش جهدك على الكلام اللي قالهولك.

هذآ الشيطان حريص على أن تاكلوا الربى

وإذا ماصدقتلوش في الربى رح يحاول

في طلاقك.

استعيني بالله وحافظي على زوجك وبيتك

حافظي على أولادك ماياكلوش لحرام

إِنَّ اللهَ تَعَالَى طَيِّبٌ لاَ يَقْبَلُ إِلاَّ طَيِّبًا، وإِنَّ اللهَ أَمَرَ الْمُؤْمِنِينَ بِمَا أَمَرَ بِهِ الْمُرْسَلِينَ، فَقَالَ تَعَالَى: {يَأَيُّهَا الرُّسُلُ كُلُواْ مِنَ الطَّيِّبَاتِ وَاعْمَلُوا صَالِحًا}، وَقَالَ تَعَالَى: {يَأَيُّهَا الَّذِينَ آمَنُوا كُلُوا مِنْ طَيِّبَاتِ مَا رَزَقْنَاكُمْ}.

ثُمَّ ذَكَرَ الرَّجُلَ يُطِيلُ السَّفَرَ أَشْعَثَ أَغْبَرَ، يَمُدُّ يَدَيْهِ إِلَى السَّماءِ يا رَبُّ.. يا رَبُّ، وَمَطْعَمُهُ حَرَامٌ، وَمَشْرَبُهُ حَرَامٌ، وَمَلْبَسُهُ حَرَامٌ، وَغُذِّيَ بِالْحَرَامِ، فَأَنَّى يُسْتَجَابُ لَهُ؟))رواه مُسْلمٌ.

حتى لو كان تدعوا لأولادكم بالصلاح والنجاح

مايربحوا مايصلحوا

يولي الدعاء مردود والحرب من الله

من فوق سبع سماوات.

مثلما قلتلك حافظي على بيتك وزوجك

وكوني سد منيع ضد أي شيء محرم شرعا

وكان في الدليل من الكتاب والسنة

رب يوفقك عزيزتي ويثبتك على مايحب ربنا ويرضى.