حياتي الزوجية الى طريق مسدود

[مشكلتي]

السلام عليكم و رحمة الله



انا صاحب هذه المشكلة




احتاج نصحكم و ارشادكم يا ناس الخير ‏(موضوع متعدد الصفحات 1 2)



المشكلة قاربت الشهر ، لحد الآن لا تطورات و لا جديد يذكر ، و ابني الذي تعبت عليه لم اره طيلة هذه المدة ، و الاتصالات منعدمة تماما ، و انا بعد الشيء الذي جرى لن اذهب اليهم اطلاقا و مطلقا لا انا و لا اهلي و لا اي احد ، الرجاء منكم تقديم الاجراءات اللازم اتباعها حاليا ، يا اهل الخبرة افيدونا بارك الله فيكم

[نورسين.داية]

السلام عليكم

كيف تتطور قصة ويحدث بها تغييرات أن لم يتحرك أبطال القصة الذين هما انتي و الزوج طبعا

صحة ، السؤال المطروح كالعادة : أنتي ماذا تريدين ؟؟؟؟؟؟؟؟؟؟؟؟؟؟؟ الرجوع الى حياة الزوجية بشروط معينة أم لا تردين الرجوع أصلا ؟؟؟؟؟

بعدها تتحدد الإجراءات الواجب إتخادها ..............و الطفل الذي تقولين انكي لم تريه من تركه في رأيك و كم عمره ؟؟؟؟؟

المهم إنسان لميطرح قضية ما عليه أن يحدد اولا مادا يريد بالضبط و لا يقوم بطرح القضية و يترك للغير يوججه فأنتي أدرى بظروفك و الزوج الدي تتعاملين معه هل يستحق التضحية أومحاولة تسوية أم لا

المهم بالتوفيق عزيزتي

[زبدة ذايبة]

يا أخي أكثر شخص يتضرر من الطلاق المرأة.

والجميع يعلم بهذا.

يعني

في المجتمع نعرفوا أن الرجل

يجدد حياته بشكل طبيعي جدا

بعد الانفصال عن زوجته.

وأنه مايخسر والو لو كان يطلق

المرأة ماعدا النفقة.

وأن المرأة بعد الطلاق تخسر كل شيء.

واحتمال تعاود الزواج ضئيل جدا

خاصة يكون عندها ولد.

لو كان تتزوج تسقط الحضانة عنها.

( على حسب معلوماتي البسيطة).

من كل ماسبق يتبين أن حالة الصمت اللي راهم فيها ماتخدمهمش نهائيا.

من رأيي تزيد تصبر شوية

وخلي المبادرة تجي من عندهم

حتى تكون في مكان قوة

ومايساوموكش على إبنك.

وتولي ذاك الزوج اللي يتصرف فيه

نسيبو ونسيبتوا.

الأيام القادمة كفيلة بأن تظهر المستور.

على الأقل تفهم هذ العائلة وش راهي ناوية.

لأن زوجتك على مايبدو في صف أهلها لأسباب تجهلها انت.

أهلها دخلوا لداركم وحاولوا يرفدو

قش بنتهم بطريقة العصابات

على مشكل يحدث بين الأزواج بشكل مستمر ودائم.

يعني الأصل ماكاين حتى مشكل حتى وإن هجرتها في داخل البيت.

أمر بينك وبينها. العيب في الناس اللي تتدخل.

زيد أصبر وشوف

الحباة الزوجية ماراهيش تاع ليلة

أو سنة وخلاص.

الزواج للحياة ككل

يعني إذا كانت الزوجة صالحة حتى

تولي شيخ وانت معاها.

لذا شهر في حياتك من دون زوجتك مايساويش شيء مقابل أنك تعرف

وش محلك من الإعراب مع هذ العائلة.

هذا رأيي الشخصي ووجهة نظري

في مشكلتك.

في انتظار باقي الآراء الأخرى

لعل الله عزوجل يوفقك للرأي السديد اللي ترتاح نفسك إليه.

رب يصلح حالك وبيتك يا أخي.

[زبدة ذايبة]

إحساسك عادي وطبيعي

أنت أب أولا وقبل كل شيء

مستحيل ما تتأثرش يفراق إبنك.

لكن

زيد قوي قلبك.

الحاجة الوحيدة اللي عندهم أنهم

يضغطوا عليك بالإبن.

شهر من الفراق ماشي حاجة.

حاول تظهر لهم أنك غير مهتم.

احتمال كبير راهم يسقسوا عليك من بعيد.

هما الخاسرين في هذ المشكلة.

من شهر ونصف يبداو يتقلقوا.

حتى أبوها وأخوها وهي نفسها

تبدى تقلق. ورايحة تضغط عليهم

تبدى هدرة الناس.

يزيد المصروف على باباها.

هي ماتكونش مرتاحة لأنها ماشي

في بيتها.

المرأة بعد الزواج تتبدل دار باباها

والمكانة اللي كانت عندها تروح.

رح تكون حساسة لأي كلمة

رح يزيد عليها الضغط

ورايحة تضغط على دارهم من جيتها

خليها ترشى عندهم

حتى يكرهوا منها ويعيطولك باش

يتفاهمو معاك.

في هذ الحالة ماراحش يزيدو يعاودو الشي اللي داروه معاك.

لكن لوكان تضعف غير وجد روحك

للكف تاع خوها وباباها.

وانسى تزيد تتصرف عليها

ذاك الوقت يكون راجلها هو باباها

وخوها ويماها.

وانت مجرد اسم زوج قدام الناس.


تناقش مع أهلك الأب والأم وإخوانك.

رايحين يزيدو يعطولك أفكار إما موافقة لما كتبت أو مخالفة.

انت شوف اللي يناسبك.

نقولك حاجة وحدة نركزلك عليها.

خلي إحساس الأبوة جانبا.

الوقت اللي راك فيه تحتاج لإحساس الرجولة.

وإذا حفظت رجولتك تكون قد حفظت أبوتك.

لكن العكس غير صحيح.

رب يصلح بيتك ويلم شملك.

[سومية88]

ياخي دائما كبرياء راجل يخلي اسر تنهدم انت ومرتك لي راك عارف سبب مشكل انا من راي اتصل بيها حل مشكل لي صرا عليه هدا الشي ابعد تنحل ساهل شوف كي توصل للوالدين يقلولها بالك تتصل خلي هو هدي عقلية عايشينها نزيد في كل علاقة بين طرفين لازم واحد يتنازل ماشي شرط انت راجل كرامتك احسن من كرانتها بالعكس مكاش بين زوجين والله لوكان توصل لطلاق تعيش جحيم خاصة عندك طفل ونصحتك لانني مطلقة وعارفة