💖 عام دراسي ماضي 💞💕

[Mr-Y]

أنا السنة الثانية ثانوي تاعي نشفالها عندها 2014/2015 , كانت اسرع سنة دراسية بالنسبة لي ايضا , لي العديد من المواقف الطريفة و 99 بالمية مع الاساتذة , كان عندنا استاذ فيزياء مجنون سلفي و لحيتو عند السرة تاعو و قصير المهم مش خلقو اللي يضحك نضحكو على فكايرو و تصرفاتو, يقولو في صغرو كان عبقري فيزياء من الفيزياء جن و فقد عقله باتم معنى الكلمة ما نتمسخرش هههههههه , واحد المرة دخلنا للكلاصة و هو مازال ماجاش , كي جا ناض وحدو يجري في الكلاصة ههههههه يدور و يدور و يدور , و حنا نعيطو : الشيخ يهديك ربي وشبيك , ردلنا : اسكتو اسكتوا خلوني نحسب , خليناه , و بعدها راح لسلة المهملات جبد منها بزااااااف الورق طيشناه , ناض دارو على شكل كرة و جا عندي , قالي : ازرب ازرب سكوطش سكوطش , قلتلو : واش , قالي : ازرب مصير امة ( العرق من جبهتو طاح و العروق خرجو ) المهم مديتلو السكوتش , ناض بالعنف يدير السكوطش لكرة الورق , و ناض يتمتم بمعادلات ما فهمناهاش ههههههه السيد قاعد يقول ارقام غريبة غريبة ( 5 اس 4 - 2 اس 4 - سرعة الضوء المقاربة للثقب الاسود ) هههههههههه هذا طرف من واش سمعت , المهم كي دارها كرة رجع لآخر الكلاصة الواسعة و الفارغة من الطاولات , قالنا : شوفو شوفو شوفو , درنا شفنا , حكم الكرة الورقية العملاقة و طيشها في السماء , قالنا : هاه هاه هاه وش تستنتجو ميكانيك المدفعية هاه هاه هاه ,
واحد المرة ثاني , جا يجري عندي قالي : نتا تشبه للاتراك و النظام التركي يحارب المجاهدين السوريين , نمدلك 0000000000 ( و يديرلي بيديه 0000 ) قد راسك هههههههههه قلتلو ا الشيخ وشبيك , قالي تحاربو في المجاهدين , تقتلو الحق و الاسلام , قلت في قلبي خليه ممكن يتمسخر , نهار البيلتان مدلي 0 في التقويم و الاختبار و الفرض ههههههههههه هو متأثر بالجهاد و الحوايج هاذو و سلفي ثاني
الحالة الثالثة : وحد المرة تلمينا انا و الجماعة و الكلاصة كامل , قررنا في آخر السنة نكافؤوه على جهدو ههههه المهم تفاهمنا شرينالو كعكة ب 2000 دج , كبيرة بكل شي و كتبنا اسمو و شكرا , المهم عرضنا الاساتذة و التلاميذ كامل , كي دخل هو , نضنا صفقنا و سلمنا عليه و هو يتمتم بالمعادلات ههههههه و راح للطارتة اللي شريناهالو , و قاعد يشوف فيها و يشوف فينا بنظرة صدام حسين , المهم كي قربت عندو باه نقولولو شكرا و ... الخ , حنا جينا نهدرو قالنا : اسكتو اسكتو اسكتو , حرنا سكتنا , شاف في الطارتة ملييييييييييييييح و قالنا : تحاربو في الاسلام بالبدع , و خبط لاطارت بيديه و ناض يخبط و يعيط هههههههههههه تلمينا حكمناه : الشيخ يهديك ربي استغفر مولاك الشيخ , هو يعيط : الله اكبر , الله اكبر , كفاااااااااار بدع من الكفار و ناض خرج يجري و ركب الطوموبيل و راح يروح ههههه و حنا متناااااااا بالضحك الدموع الضحك حتى الاساتذة يضحكو شربنا القازوز و نظفنا الدعوة و خرجنا