الجزء 178 من كوزينة احلى رفقه كوزينة الاطايب للطيبات - الصفحة 89

أم يوسف2 · 2017-04-06, 18:41

شاوية ربي يباركلك ان شاء الله في البنوتة والحمدلله لي سلكتي بخير وانا نقول وييين راكي
قولولي تعيشوا حكمني وحد الالم فظيع في الجنب الايمن ماقدرت نقعد ماقدرت نوقف وكل مانتنفس يزيد الالم ضوكا راني شوية بدا يروح مافهمتش منين

شاوية حرة 05 · 2017-04-06, 19:17

اقتباس:

المشاركة الأصلية كتبت بواسطة أم يوسف2

شاوية ربي يباركلك ان شاء الله في البنوتة والحمدلله لي سلكتي بخير وانا نقول وييين راكي
قولولي تعيشوا حكمني وحد الالم فظيع في الجنب الايمن ماقدرت نقعد ماقدرت نوقف وكل مانتنفس يزيد الالم ضوكا راني شوية بدا يروح مافهمتش منين

يبارك فيك ولعقوبة ليك حبيبتي بلاك الم الولادة انا دوركا توسوست ههههه شوفي بلاك قولون هو لي يدير هكذا اله يشافيك يارب

ام رويدة · 2017-04-06, 19:21

السلام عليكم ورحمة الله
أتمنى تكونو بخييير
أم يوسف لاباس عليك عادي مايكون غير الخير
يخي فال أشهر الأخيرة منداك الأعضاء تاع البيبي يوجعو رجليه مثلا أو يديه ...ربي يشفيك ويسهللك
أم عبيدة ما شفتيش المحاجب حطيتهم لك
البنات الي حطوا اطباقهم يعطيكم الصحة ما شفتش مليح خفت ننسى كاش وحدة
حيوتة ربي يقدرك حنونة
شاوية الف مبروك اختي والحمد لله على سلامتك ...وربي يحفظلك البنوتة يااارب
عشاي قراتان بطاطا وشلاظة

ام هدول · 2017-04-06, 20:43

صحة عشاكم ......عشايا بربوشة بالخضرة ولله الحمد
شاوية حرةالحمد لله على سلامة راسك ومبروك عليك البنوتة ...تتربى في عز والديها ان شالله ..ومبروك على ام محمد لعروسة البقوصة .ربي يتمم بخير ....هههه مازل مهدي وليد حيوتة نشوفولو عروسة ..
ام يوسف سرمتك ختي ..ممكن راكي قربتي تزيدي ربي يسهلك ان شالله
ام رويد ة بصحتك لقراتان .

ام هدول · 2017-04-06, 21:25

نقولكم تصبحو بخير وقبل مانروح نخلييكم هاد الكومة تع القش ...هههه

حياة نور الدين · 2017-04-06, 21:26

السلام عليكن
عشايا كان رشتة بالدجاج مصورتش جبتلكم من الارشيف

حياة نور الدين · 2017-04-06, 21:31

اختي شاوية نعاود نقولك الف مبرروووك وراه ام هدول تحوس على عروسة لوليدي ههه احسياس هايل نرجع عجوووزة خخخ

ام هدول بصحتك الكسكس بالخضرة حنونة وبلاك مهدي يدي بنت ام يوسف ههههه

ام رويدة مساء الانوار وبصحتك العشا غراتان

ام يوسف قربتي تولدي حبيبتي لوكان نحكيلك والش صرالي في الشهر الاخير ربي يسهلك حبيبتي وكورااااج

تصبحن على خير خياتي،،،،،،،،،،،،ام هدول اسمحيلي القش شوفي شكون ينتشروا راني نافسة هيهيهي ضحكة شريرة

ابني نور عيني · 2017-04-07, 07:32

صباح النووور خياتي واش احوالكن كل واحدة باسمها جمعة مباركة لكن و يومكن سعيد
دخلت على احلى خبر الف الف الف مبروك شاوية على سلاكك و الف مبروك البنوتة تتربى في عزكم و تفرحو بيها وحنونة مانسيناكش وكيفاش ننسى عروستي ههههه مستحيييل ومع بوقوصة محمد اليوما مايجيهش النعاس خخخخخ
الحمد لله على سلاكك حبيبتي و تهلاي في روحك وفيها و مرة اخرى الف الف مبروك الف مبروك لعقوبة لكل الحوامل و خاصة لام يوسف اللي قربت ولادتها ربي ييسرلها و يفرحها و يخفف عليها تعبها

ام هدول هاتي عليك السلة ننشرها و حيوتة نتي ماتتحركيش من بلاصتك مهدودي يزعف خخخخخ استخفظي بروحك حنونة صراحة نخمم ونقول كيفاش راهي وحدها وهي نافسة والله تغيضيني لوكان جيتي قريبة والله نجي و نخدمك مانحبش النافسة تتعب خاصة في اول اسبوع والله ربي يكون معاك

ام يوسف كي قلتي الم في الجهة اليمنى قلت بلاك القولون او اعضاء البيبي راهم يوجعو فيك بصح وسوستيني كي قلتي ماقدرتي تتحركي ولا تقعدي لانو انا في يوم ولادتي وتحديدا قبلها ب7 ساعات جاتني هكدا ماقعدتش نقعد ولا نرقد لازم نوقف و بعدها بدات الام الولادة الحقيقية ان شاء الله ماكان والو بلاك من التعب لانو تعبتي كثير في الفترة الاخيرة ربي يكون معاك وكووورااااج بررك حنونة

ابني نور عيني · 2017-04-07, 07:35

ام يوسف ماتتعبيش روحك رجاءا لانو تتعبي انتي والبيبي يتعب ولازمكم جهد كبير للولادة ربي يخفف عليك و طمنينا عليك

ابني نور عيني · 2017-04-07, 07:40

حيوتة الرشتة تهبببل الف صحة وهنا

omjoujou · 2017-04-07, 08:07

السلام عليكم ورحمة الله وبركاته
صباح الخيرات حبيباتي
وشراكم لبنات توحشتكم
جبتلكم معايا صينية القهوة يلا مدوا يديكم نتقهواو مع بعضانا

للامانة الصورة من عند عمي قوقل
شاوية حرة الف مبروك اختي البنوتة تتربى في عزكم ولعقوبة نفرحوا بسلاك ام يوسف
حيوتة اممممم شهيتيني في الرشتة ولا اروع
ام هدول حنا الامطار مدايرة حااالة مكانش وين ننشرلك القش خخخخخ
ام رويدة صديقتي العزيزة بصحتك الغراتان
ام محمد البوغوص صباحك سعيد حنونة
شفت غير الصفحة الاخيرة
غدايا ليوم تليتلي لي تحب تعاندني
يوم مبارك على الجميع
سلااااام

x ام رحاب x · 2017-04-07, 08:18

السلام عليكم ورحمة الله وبركاته
اخواتي العزيزات صباحكم سعيد حبيباتي واش راكم ماكنتش نقدر نكتب نحسب حاوزوني من المنتدى واليوم بقيت نبحث حتان اعرفت بلي لازم نقبل قوانين المنتدى باه رجعولي نكتب واش راكم
شاوية حرة الف مبروك حنونة تتربى في عزكم ان شاء الله وربي يجعلها من البارات التقيات يارب
ام جوجو صباح الخيرات حنونة واش راكي
ابني نور عيوني وام هدول وام رويدة وحيوتي وام يوسف وكل البنات احلى صباح حبيباتي ان شاء الله راكم في احسن الاحوال

x ام رحاب x · 2017-04-07, 08:22

حيوتي بصحتك الرشتة بصحتك راهي اتشهي من يديك راكي على حساب الشوفة النفاس خلاص وراكي اتنوضي ربي يقويك ان شاء الله
ام جوجو امممممممممممممممممممم الطاولة اتشهي

omjoujou · 2017-04-07, 09:25

صباح الانوار عزيزتي ام رحاب وشراكي توحشتك
الطاولة هذيك حطيتها من عند عمي قوقل خخخخخخخ
وش راح طيبي ليوم غداك؟؟؟؟؟

ام هدول · 2017-04-07, 10:10

صباح الخير وجمعة مباركة ...بصحتك حيوتة الرشتة تشهي ...هههخلي القشماعندو مداك ليه ...راهي ام محمد قامت بالواجب ..شكرا ام محمد فحلة ونعول عليك .....ههه
ام جوجو اهلين بصحتك التلتلي وشكرا على الطاولة تهبل .....ماعليش علابالي النو سينو راكي انشرتيه واديتي الاجر هههه...ام رحاب ياغالية ..طلتك والله بالدنيا ان شالله تكوني بخيرانت ولليداتك.....ام يوسف يادرة اليو م ..رانا نسناو في الامورة للوليد حيوتة ....ام عبيدة واش انت ولهنودة تاعك ...