الجزء 178 من كوزينة احلى رفقه كوزينة الاطايب للطيبات - الصفحة 59

cilia · 2017-03-27, 14:40

نهال الكروكات يشهوا درتيهم في الكوشة و لا مقليين ، و يد بنتك تغير يا عمري تقول نعضها ربي يخليهالك
ام يوسف حبيبتي غير بشوية متعييش روحك حقى راكي بالحمل و لا راني غالطة

ام هدول · 2017-03-27, 14:46

سيليا اهلين الف مبروك على باباك الحج ربي يتتمولو ان شالله ويزور اقدس مكان ..يارب ...وبصحتو البتزا من اييدين بنتو سوررر جاتو بنننية ربي يخليكم لببعض
ام يوسف ماعندو مابقي على زياتك ...وبركايك من الطرشي والحار .ماعليش ...كلو يهون يوم لي يزاد فيه وليدك ولا بنتك ...
لبنات نروح نريح شوية .....نديربوز ...ولعشى مانعرف ..؟؟؟؟؟؟؟؟؟

سلالالام....

أم يوسف2 · 2017-03-27, 14:47

نهالو بصحتكم وربي يخليلك هاديك الامورة
سيليا الف مبروك ان شاء الله العاقبة لينا صحيتي حبيبتي ايه بقالي ان شاء الله قريب شهر باش نولد دعواتكم
ام هدول بصحتك سيليا البيتزا تشهي امممممممم

nihal159 · 2017-03-27, 14:52

اقتباس:

المشاركة الأصلية كتبت بواسطة cilia

نهال الكروكات يشهوا درتيهم في الكوشة و لا مقليين ، و يد بنتك تغير يا عمري تقول نعضها ربي يخليهالك
ام يوسف حبيبتي غير بشوية متعييش روحك حقى راكي بالحمل و لا راني غالطة

الف مبروك لباباك ربي يتمم ان شاء الله، البيتزا هايلة يعطيك الصحة، نموت على البيتزا شارجي.
لكروكات درنهم فالفرينة ثم فالبيض ثم فلاشابليغ، خليتهم شوية حتى حكمو رواحهم و قليتهم.

nihal159 · 2017-03-27, 14:55

اقتباس:

المشاركة الأصلية كتبت بواسطة أم يوسف2

نهالو بصحتكم وربي يخليلك هاديك الامورة
سيليا الف مبروك ان شاء الله العاقبة لينا صحيتي حبيبتي ايه بقالي ان شاء الله قريب شهر باش نولد دعواتكم
ام هدول بصحتك سيليا البيتزا تشهي امممممممم

ام يوسف مانتبهتش من قبل للتوقيع نتاعك، ربي يتمم حملك و يجيبلك سويعة ساهلة.
راكي مع الثقل كي البطريقة هههههههه

nihal159 · 2017-03-27, 15:00

و هذا تطبيقي لغراتان الهام الهلوبة، غراتان بطاطا شاورمة

cilia · 2017-03-27, 15:16

ام هدول الله يبارك فيك حبيبتي و العقوبا ليك و للزوج نتاعك ان شاء الله
ام يوسف ربي يجيبلك سويعة و تسلكي بخير ان شاء الله ما يكون غير الخير
نهال يبارك فيك اختي العقوبا ليك شكرا على الطريقة نتاع الكروكات من بعد نجربهم عجبوني و بصحتك البراج تأمني عيطت لماما دورك قلتلها صحبتي راهي جايا عندي للدار كاش مراكم دايرين حاجة مع القهوة قاتلي راني دايرة البراج أيا قلت لأختي الصغيرة صوريهوملي ههههه و هداك المقروط المرمد بالسكر الرطب واقيلا بوسو لا تمسوا و الغرتان يشهي انا تاني موالفة نديره بنين بزاف الله يعطيها الصحة الهام

انا هي رزيقة · 2017-03-27, 15:42

كوكو حبوباتي راني عاودت ضربت طلة و لقيت اطايب احلى عضوات ...ربي يباركلكم في الرزق والنعم و يحفظها من الزوال امين يا رب العالمين اختي نهال وين كنتي مخبية هذ لخير كامل يا مصيبة مشاء الله عليك و الله اطيابك مميزة و يا مامي على هذيك الايد الصغيورة بوسيهالي حبيبتي و ربي يحفظهالك يا رب
ام هدول يا حلوتي بصحتكم البواقي ديما تغيريني باطباق الجواز تاعك نموووت وندوقهم من ايديك الحلوين يا فحلتي القسنطينية ....
سيليا حبوبتي مبارك على باباك الحجة مسبقا واو و الله غيرني كي رايح يزور هذاك المكان الجميل و الطاهرميتشبعش ... انا راني من دوك نخمم نولي لهذيك لبلاصة باذن الله الواحد الكريم ... و بصحتو البيتزا من ايدين بنتو الشطورة
اختي ام يوسف بصحتك المقالي وربي يكون معاك حنونة
قبيل نسيت مذكرتش اختي و حبيبتي ارزاق ينساك الهم حنونة ...و غير بلعقل على صحتك حبيبة قلبي و بوسيلي المموشة

انا هي رزيقة · 2017-03-27, 15:46

نخليلكم شوية حلو من ارشيفي الجميل و نقولكم تهلاو في اروحتيكم حبيباتي و ان شاء الله نولي بالجديد في اقرب وقت اذا حب ربي و صحا قهوتكم مسبقا

دمعة فرح* · 2017-03-27, 16:20

اهلا بيكم بنات تسلم ايادكم اطباق رائعة جداااااااا ربي يحفضكم
ممكن تعطونى وصفة سفنج

أم يوسف2 · 2017-03-27, 17:35

صحيتو بنااات اممممم نهال اطباقك روعة لبراج والمقروط والقراتا اللهلوبي
سيليا ام هدول دمعة ووووزقزوقة هكداك لي نحب السفنج كيفاه جا منفخ ووووااااو كي تدخلي قوليلي بالتفصيل الممل كيفاه درتيه اممممم بصح يحبوا تاع السميد ولا خليط السميد والفرينة بصح كي جاك منفخ هبااااااااال

دمعة فرح* · 2017-03-27, 17:40

اهلا بنات حابة نسولكم شكوون فيكم جربت
كروكات الروز
عندى سؤال هو كى يطيب ارز مع ماء مغلي
هل تخليه يبرد او ديريها هو سخون في الربو مع مكونات

ام هدول · 2017-03-27, 18:19

السفنج الهام 07

وصفة عادية بصح العفسة في زوج حوايج :
1- طبعا : نجريه ونعجنو مليح مليح ونخبطو حتى تخلى عليه هههههههههههههه (نعجنو مليح في الأول مانديروش جاري باش نقدر نعجنو حتان يوجعوني كتافي باش نحبس ههههه ومن بعد نبدى نزيد في الماء بالشوية حتان نجريه خلاااااص ) ويخمر مليح مليح ونفشو مرة ولا زوج هذي باينة
ندهن صينية مليح بالزيت ونغرقها مليح ونكور كرات صغار ماشي كيما اللي نشوفكم نديروهم صغار كيما نتاع المسمن ونخليهم يرتاحو شوية ونطرحهم بالزيت فوق الرخامة ونرققهم شفتهم كامل يخليوهم خشان انا نرقق مايجيش فيهم خلاص العجين من داخل ونحطهم في الصينية حتان نكمل يكونو بداو يخمرو ومعمرين فقاعات
2- نهز بالقرصة بالشوية باش مايخرجهمش التخمار ونقلي يجيو روعة وجربت عفسة القليان بزوج مقلاة مليحة بصح يجيو مقرمشين من تحت ومنفخين مليح ماتحمريهمش بزاف من تحت باش مايجيوش يابسين .

حقة الوصفة : زوج كيسان متوسطين ممسوحين فرينة ومغرفة كبيرة ونص سكر وشوية ملح و نص مغرفة كبيرة خميرة راهي سخانة ( انا ندير هذيكالخميرة الجديدة نتاع صاف واقيلا زايدين فيها محسن تخمر بسرررررعة وشوية منها تكفي ) فيه شوية خميرة حلويات .
تبلي بالماء وتعجني مليح وتجريه مليح وتخبطيه حتان تخلى عليه والباقي شرحتهولك.
وهايلة فكرة 2 مقلاة ياخي شفتيهم كيفاش يقلوه راهم كاينين فيديوات في يوتيوب.

دمعة جبتلك وصفة لهومة تع السفنج ...

ام هدول · 2017-03-27, 18:22

سفنج انا هي رزيقة

درت حوالي 400 غ فرينة مع ملعقة خميرة و ملعقة صغيرة سكر و ملح و شمخت بماء دافئ ثم خليتو يطلع 3 مرا ت متتالية و طيبتو.... لقيت العجينة معمرة بالفقاعات و كي طيبتو جا معمر بالمغارت .

هادي تع رزيقة في زوج ررروعة

cilia · 2017-03-27, 19:21

اقتباس:

المشاركة الأصلية كتبت بواسطة دمعة فرح*

اهلا بنات حابة نسولكم شكوون فيكم جربت
كروكات الروز
عندى سؤال هو كى يطيب ارز مع ماء مغلي
هل تخليه يبرد او ديريها هو سخون في الربو مع مكونات

شوفي اختي انا نغلي الارز مليح و من بعد نديره في الروبو دورة واحدة فقط و نحيه و نزيدله بيضة + ملح + خرور +معدنوس و قصبر مرحيين + ثوم مرابي + شوية كمون و كركم و شوية لاشابليغ باش تشرب الماء الزايد و نخلط كل شيئ و نحطه في الثلاجة يحكم روحه و من بعد نحيه و نشكله كروكات و نحشيهم يالفرماج و نرمدهم في الشابليغ و نقليهم