الجزء 178 من كوزينة احلى رفقه كوزينة الاطايب للطيبات - الصفحة 16

ابني نور عيني · 2017-03-09, 07:02

اختي امنية بالنسبة للكيكة درت للجنواز

4 بيضات و كاس سكر و كاس فرينة و نصف كاس كاكاو و مادرتش الخمارة و التزيين طلع كريم شونتيي درت كاس حليب و كاس بودرة شونتييه و طبعا خدمت سيرو سقيت بيه الكيكة و درت من الفوق ىشكولاطة ذوبتها و زينت بالشونتييه من الحواف و في الجوانب درت موسكوتشو بالكاوكاو مرحية و كتبت سنة حلوة محمد بالشونتييه و حطيتها تبرد

ابني نور عيني · 2017-03-09, 07:04

يالله غالياتي راهي السبعة نروح لاشغالي و كي نكمل نرجع ليكم
فطوري راح ندير طاجين الجلبانة بالجاج و البطاطا ان شاء الله
صحة قهيوتكم و ربي يعينكم على اشغالكم

سلاااااام

أم يوسف2 · 2017-03-09, 07:08

صباح الخير عليكم

أم يوسف2 · 2017-03-09, 07:09

عجبتني الكيكة تاع ام محمد تبان مليحة مايخصها والو الصح فالبنة. امممممم

om obaida · 2017-03-09, 07:27

اقتباس:

المشاركة الأصلية كتبت بواسطة أمنية غفران

أهلين حبيباتي صحا عشاكم و ربي يعطيكم الصحة و الهنا و الراحة ليكم كامل

;;;;;;;;;;;;;;;;;;;;;;;;;;;;;;;;;;;;;;;;;;;

زهورة ربي يهنيك و يمنيك صح براج تاع ام رامي لا يعلى عليها راني معتمدتهم ربي يحفظها و يرزقها من نعيمه خلت لينا بصمة ماشاء الله عليها و تعلمنا منها بزاف و في خصوص الابلة ياو اندمت كي حطيت راييي لوكان تشوفي شحال لحقوني رسائل يقولو لي راكي غايرة منها و ميتة غيرة ههههههههههه ما اعرفتش كيفاه نجاوبهم بلعتها و خلاص ههههههههههههه

قبل ما ننسى عشانا اليوم كان طاجين الكفتة هو يشبه المثوم بصح مافيهش الحميصة شوفي دركة نعطيكم طريقتي في ســــر في الكفتة باش كي طيب ما تجيكمش يابسة تجيكم هشيشة اممممممممممم

طاجين الكفتة

ترابي حبة بصل وتقليه مليح في مغرف كبيرة زيت و ضيفي ليها ملعقة كبيرة طماطم مصبرة وقلي مليح و ضيفي شوي فلفل اكحل و شوي قرفة مطحونة و شوي كمون تانيك و مرقي بماء سخون ما يكونش بزاف لأنه اللحم ما يطولش في الطياب و ما يحتاجش مرق بزاف وغطي الطاجين

و من جهة حكمي اللحم المرحي ديالك ودوزنيه بالتوابل الي تحبي انا ندير واش جطيت في المرق و نزيد سنينة ثوم مبشورة
;;;;;;;;;;;;;;;;

و نجو للســــــــــر اممممممممممم هنايا ضيفي للحم المرحي ملعقة كبيرة ممسوحة مـــايــزيــنــة ايه مايزينة و خلطي مليح حتى تندمج جميع المكونات و اعملي بولات الحجم الي حبيتي و ضيفيهم للمرق يطيبو و تمتعي بعدها بأحلى طاجين كفتة امممممممممممممممم و بصحتكم حبيباتي

;;;;;;;;;;;;;;;;;

حقا أختي ام محمد ابني نور عيني عيد ميلاد سعيد للكتكوت ربي يكبره في طاعته و يرزقك بره

صدقيني بدون مجاملة طورطة ديالك رائعة دخلت قلبي لأنها من أم حنون لابنها قرة عينها ربي يحفظه و يهنيك بيه حبيبتي ممكن تقولي لينا كيفاه خدمتيها و نكونو ليك من الشاكرين بصح في غرضك ما تتقلقيش خلاص

تحياتي للجميع

دخلة قوية باحسن الاطباق والله نورتي كوزينتي بوجودك يا احلى امنه والطبق امممممم وشكرا على السر

اقتباس:

المشاركة الأصلية كتبت بواسطة ابني نور عيني

درنا سهرة حلوة باتايات غير انا و محمد الامير و سي الملك الكبير هههه
حطيت اتايات مع بقايا الباتيسري و دردشنا حول يوم من اجمل ايام حياتنا و هو اليوم اللي جا فيه صغيري الحبيب للدنيا
و درت تاني للضيوف سلطة فواكه بالشونتييه عجبتهم كامل طبعا حطيتها بعد ما كملنا الكيك مع العصائر اي بعدما ارتحنا مليييح وبقاو هادو الكاستين صورتهم اخر شي لانو كان الغاشي راح و خلالي الجو

اتخيلو يشوفوني نحضر ونصور يقولو واش بيها

وانا نديرلهم هكدا :d:d:d:d

بصحتكم السهرة والتحلية تسخف ربي يدوم لمتكم يارب

om obaida · 2017-03-09, 07:28

صباح الفل والياسمين

ام محمد وام يوسف صباح الانوار

ام محمد ضرك نحط الكيكة

om obaida · 2017-03-09, 07:32

om obaida · 2017-03-09, 07:41

هذا عشايا اول البارح وغدايا امس

om obaida · 2017-03-09, 07:43

وهذي شخشوخة درتها للعشا البارح

أم يوسف2 · 2017-03-09, 07:58

بصحتكم ام عبيدة وبونجوووووغ

أمنية غفران · 2017-03-09, 09:37

أحلى صباح لأحلى رفقة ربي يحفظكم حبيباتي كامل العضوات و الزائرات

حبيبتي ام عبيدة عيد ميلاد سعيد لمحمد ربي يكبره في طاعته و يرزقك بره هو اخوته و ربي يحفظك و عائلتك الكريمة

..............................

هادا العصير خص نص ليك انتي هو عبارة عن حبة برتقال و حبة ليمون ميكسيتهم كامل يعني ما عصرتهمش نحيت برك هاذوك العلفات نتاعهم و خرج عصير كيما يحب الخاطر ما زدتو لا حليب ولا ياوورت خرج كيما راكي تشوفي خاثر و زيد بنين و السكر كيما تحبي

طارو بيه ما قدرتش نصوره و هو في الكاس هههههههههه

................................................

فطورنا ان شاء الله مقرونة في الكوشة

تحياتي للجميع

om obaida · 2017-03-09, 10:26

اقتباس:

المشاركة الأصلية كتبت بواسطة أم يوسف2

بصحتكم ام عبيدة وبونجوووووغ

بونجورنين حنونه وشراكي

اقتباس:

المشاركة الأصلية كتبت بواسطة أمنية غفران

أحلى صباح لأحلى رفقة ربي يحفظكم حبيباتي كامل العضوات و الزائرات

حبيبتي ام عبيدة عيد ميلاد سعيد لمحمد ربي يكبره في طاعته و يرزقك بره هو اخوته و ربي يحفظك و عائلتك الكريمة

..............................

هادا العصير خص نص ليك انتي هو عبارة عن حبة برتقال و حبة ليمون ميكسيتهم كامل يعني ما عصرتهمش نحيت برك هاذوك العلفات نتاعهم و خرج عصير كيما يحب الخاطر ما زدتو لا حليب ولا ياوورت خرج كيما راكي تشوفي خاثر و زيد بنين و السكر كيما تحبي

طارو بيه ما قدرتش نصوره و هو في الكاس هههههههههه

................................................

فطورنا ان شاء الله مقرونة في الكوشة

تحياتي للجميع

اهلين امنية وشكرا على العصير هذا وش يليقلي صبحت منومسة ههه ربي يحفضك وبصحتك المقارون

om obaida · 2017-03-09, 10:29

اليوم درت خبز الباغيت ولغدا راني نخمم ديما مودر

حيوته مكان عليها حتى خبر يلا ام هدول يا فلتنا طمنينا عليها

نروح نطيب الخبز ونقضي شغلي ونوليييييي

om obaida · 2017-03-09, 13:01

مساء الفل وحدة مدخلت صح غداكم حنا تغدينا الخبز ودرت حميس وسخنت الشخشوخة ولله الحمد

om obaida · 2017-03-09, 13:02

هذي جابهالي وليدي محمد حبيت نشاركم فرحتي بيها