السلام عليكم
يا خويا انت أبدى تقرى من الآن وتوكل على ربي ما تبقاش تدور في نفس الحلقة الفارغة وانت راك خايف ما يكفيكش الوقت !!!! يكفيك وبزيادة اذا بديت تقرى من الآن بجدية من الأول صح تجيك صعيبة ومن بعد كل شي يسهال وتحلى القراية
واذا بقيت تقول راني خايف كي توصل لجوان تندم على هاذو الأيام لي ضيعتهم وتقول يا ريت قريت في مارس
على الأقل اذا ما جبتش الباك ( بعيد الشر ان شاء الله تجيبو ) تقول أنا درت لي عليا وربي ما كتبش بصح اذا ما قريتش راح تندم بزاااااااف والله
وابدى من الآن ما تقولش نخلي لغدوة وغدوة تقول خلي لمبعد هكاك يفوتك الوقت وانت مزال ما بديتش أصلا أمالا أقرى خير من تندم يوم لا ينفع الندم تفكر والديك برك والناس لي تحبك النهار النتيجة راح يكونوا خايفين كثر منك ما تخليش دمعتهم تنزل والله في هذا الوقت تحب الأرض تتشق وتبلعك
ربي يوفقك سلام