طريقة أكيدة لتصبحي ربة بيت سعيدة

[ام شمسو محمد]

ماكياج التغطية
فون دو تان بودرة و لا كريم ، بلاش ، كريم تانتي ، ...نستعملوهم لتجميل بشرتنا و لكن هل تعرفو الفرق بين هذي المنتجات ؟ ، كيفاش نستعملوهم ؟ ، كيفاش تختارو حسب نوع بشرتكم ؟ .

1_ الفوندوتان le fond de teint :

السائلة ، الغبرة ، الرغوية و على شكل عصا ، تتوفر الفوندوتان على أشكال متعددة باش تناسب أنواع البشرة :

# الفوندوتان السائلة Le fond de teint fluide :

تناسب كل أنواع البشرة ، تأمّن لون موحد ، غير لامع و تبقى خفيفة باش تعطي تأثير " طبيعي " .

الفوندوتان الرغوي mousse :

مليحة للبشرة الجافة لأنو نسيجها الخفيف يعزز اللون بلا ما يجفف البشرة .

الفوندوتان غبرة en poudre :

مثالي للبشرة الدهنية و المختلطة لأنو يطفي اللمعة

الفوندوتان على شكل عصا En mode stick :

هي فوندوتان سميكة تسمح بالتصحيح المباشر للعيوب و تغطي مشاكل البشرة و لكنها تخنقها .

باش تطبقي الفونوتان السائلة استعملي فرشاة مسطحة مخصصة للفوندوتان ابداي بعظام الخد ثم دائرة الوجه ثم الذقن ثم الأنف و أخيرا الجبهة

الفوندوتان الموس و الغبرة استعمليلهم بونجة من أجل تطبيق متجانس .

2_ الكريم الملون la crème teintée :

أقل فعالية في التغطية من الفوندوتان و خفيفة و سهلة الإستعمال تقدر توحد اللون و لكن ماتقدرش تخبي العيوب ، تجمع مميزات كريم الترطيب مع القدرة على توحيد لون البشرة

3_ البلاش le blush :

المرحلة الأخيرة في إعطاء لون جميل للوجه ، التطبيق على الخدود و فوق العظمات من أجل إعطاء مظهر حسن و باش تنحتي وجهك ، بعد تطبيق الفوندوتان او الكريم تانتي حطي البلاش اللي يتغير بين الوردي إلى البيج مرورا بالبني و البرتقالي حسب لون بشرتك و التأثير المطلوب .

إستعملي فرشاة غبرة عريضة و خشينة مرري بيها البودرة فوق الجزء البارز من عظمة الخد و اطلعي نحو الصدغ ( المنطقة اللي بين زاوية العين و أعلى الأذن ) .
نذكركم بأنه لا يجوز التزين إلا أمام المحارم أو في مجتمعاتنا النسائية لذلك أنا أبرأ إلى الله من كل من تستغل هذه المعلومات في غير ذلك .