عندي مشكل في الغسيل //////////////////////////

[أم عائشة الجزائرية]

السلام عليكم
صباح الخير عليكم



بدون اطالة عندي مشكل في الغسيل في تنظيمه و ايام غسله كل يوم السلة ممتلئة ............ لست ادري مذا افعل


و

لي عندها طريقة عملية لست ادري المهم المشكل في التنظيم لايام الغسيل شكرا لكم



يومكم سعيد مبارك تقبلوا مني هذه الورود

[أم عائشة الجزائرية]

شكرا لكم على الرد أفدتوني بزيارتكم الصامتة اطلب من المشرفة الغاء الموضوع

[حياتي كلها امل]

ام هديل نتكلم عن تجربتي انا نغسل الملابس يوم بيوم وفي المساء غير نحبهم من الحبل نطبقهم في الخزانة وعن نفسي راني مرتاحة.ميتراكموليش وزيد مانقعدوش امبان في الحوائج الي يحب يلبس حاجة يلقاها

[أم عائشة الجزائرية]

بارك الله فيك اختي حياتي كلها امل

[mariamalak]

اختي ام هديل الغسيل رانا كامل نعانو منو خاصة اذا كان عندك اطفال لازم تنظمي غسيلك على حساب افراد العاءلة و على حساب الجو و اذا تغسلي بيدك و لا بالمشينة
انا مثلا عندي 4 بنات نغسل يوميا فالليل نشعل المشينة و الصباح ننشرها هكا نقتصد شوية فالكهرباء على خاطر فالليل تبدا ناقصة شوية مانيش عارفة اذا فالبلاد يمشو بهذا النظام
و نخلي الاثنين نغسل السرابيت و الدراوات و ممكن يتلاقالي نهار ما نغسلش فيه بالماشينة نغسل خماراتي و حجاباتي بيدي
و اذا كانت الشمس ماشينة مورا اختها ههههه نبروفبتي على خاكر الجو دايما بارد هنا
و التطباق ملي اتبعت طريقة السلة ريحت غير ندورهم و نحطهم فالسلل خاصة ملابس الاطفال تعيي
ربي يعينا على الاشغال الشاقة المؤبدة

[Sakurasakura]

حبيبتي ام هديل انا تان نفس طريقة الاخت امل نحطهم في الماشينة غير نلقاها تعمرت حتى ولو نغسل ديما المهم لي ينشفو يطبقو ومنقعدوش اومبان وخرجت عليا الطريقة ديما نشعل الماسينة مع الشغل انا نخدم وهيا تغسل

[أم عائشة الجزائرية]

شكرا لكم جميعا راني ديت افكار من عندكم

[ام شمسو محمد]

ام هديل تسيير الغسيل كل وحدة و اسرتها ، انا اسرتي صغيرة عندي جدول اسبوعي مريحني تماما : الملابس نغسل الاثنين و الخميس و عندي يوم ثالث في الاسبوع غسيل " حر " ممكن نغسل بيدي ولا بالمشينة و مخصص عموما لغسيل المنزل : طراشن ، دراوات ، غلافات ، نابات ، مخاد صغار ....نديرلهم نهار وحدهم باش مانغفلش عليهم .