2- يرديد خطبتي لكن توجد مشكلة )تابع(

[مشكلتي]

اريد التوضيح

https://www.djelfa.info/vb/showthread.php?t=2041737

انا متأكدة 1000 بالمئة من ان الحساب حسابه لانه دخل برقم هاتف قديم وله وتأكدت ايضا بطريقة اخرى المهم متأكدة ولايوجد ادنى شك

قلت ان لديه الدين لانه كان يصلي استخارة وصلاة الحاجة ويصوم النوافل ويصلي في الوقت ولا يحدثني في المحرمات وانا اعرفه في مكان عمله والكل يشهد باخلاقه

وفي الوقت الحالي مازال يدعو الله لان اكون من نصيبه ومازال يسأل الناس عن اخلاقي وعن اصلي وعرفت دلك خفية ايضا

ما الحل ؟

اتركه لكني لازلت اريده ومالدي يضمن لي ان اجد زوج اخر لايقوم بمثل هده الافعال

[محمد جديدي التبسي]

اذن صارحيه وشوفي التبرير نتاعو؟
اذا أقنعك قوليلو يجي يخطب وراح تقنعي أهلك هذه المرة انو يقبلوه دون شرط السكن
على الأقل تكون علاقتكم في اطار رسمي...مادام لازلت تريدينه وتعتقدين أغلب الرجال مثله.

[maria soumi]

السلام عليكم

على غير عادتي قد اكون قاسية معك هذه المرة،
حسب قولك انتِ و بما انك متأكدة و بعد ما أضفتِه هنا،
فكأنك أخيتي تريدين الزواج بهذا الرجل مهما كانت صفاته و اخلاقه التي لا يمكن أن نحكم عليها الا مما كتبته هنا،
و ما كتبته لا يسر عادة المرأة المسلمة و تريدين من يوافقك في القرار و يشجعك فقط، لا من ينصحك،
و هنا الحل عندك و ليس عندنا، و لكي لا أكرر ردي السابق الذي مازلتُ متمسكة به و بشدة اعيدي قراءته من فضلك،
سأضيف امرا آخر فقط، أنت لا تعيشين مع الرجل لكي تعلمي انه يصلي الاستخارة
و النوافل و،..
فلا يمكن أن تحكمي عليه مما يقوله لكِ فقط،
ثم كيف علمتِ انه يدعو الله بأن تكوني زوجته بالله عليك أَدخلتِ في قلبه أيضا؟؟

و أن يكون متخلقا في عمله و سيء الخلق في الانترنت
او الهاتف لا يعني انه انسان صالح، فالصالح يكون صالحا في عمله و في استخدامه للانترنت و في الهاتف و في كل مكان و زمان،

و اعلمي اخيتي أن الشيطان عادة يزين الحرام و كل ممنوع مرغوب
و من الطبيعي ان تشعري انك تريدينه فأنت تقنعين نفسك بذلك في كل الظروف
و كأن كفّة قلبك تغلبت تماما على كفة عقلك و في هذه الحالة قد تخطئين في القرار فكوني حذرة،
هذا مستقبلك و بناء أسرة مسلمة يكون بالازواج الصالحين، بصلاحك و صلاحه،

و سمحيلي و لكن عميتيها بزاف بآخر جملة رب عذر اقبح من ذنب،
هل لأنك لا تضمنين وجود شخص صالح يتقدم اليك تقبلين بأي كان و ثم تعانين معه!!
يا أختي أصابع اليد الواحدة ليست متساوية و لا يمكن أن نضع كل الرجال في نفس الكفة، يوجد من الصالحين الكثير،

الزواج ليس خطبة و عرس و قال تزوجنا
و أخذنا لقب المتزوجة
و رجل و فقط،
الزواج حياة يا اختي، حيــــــاة بأكملها،

و لذلك ان كنتي مقتنعة به فلكِ ان تقنعي اهلك بعدم اهتمامك بالبيت
و تحملي مسؤوليتك فيما بعد،
ليس فيما يخص البيت لانه ليس بالمشكلة و انما بالشخص الذي ستتزوجينه ان لم يكن صالحا،
و تذكري انك قبلتي به و تعرفينه و قبلتِ بما يفعله،

انصحكِ أن تصبري و تتوكلي على الله و تتقي الله في نفسك لكي تسعدي بقية حياتك و ان طالت المدة،
و لا تسوء معيشتك مدى الحياة بقرار خاطئ في البداية،

لك أن تختاري

و أنصحك كثيرا بأن تثقي بالله و تحسني الظن به و سيرزقك الزوج الصالح ، هذا او غيره فراجعي أفكارك و منطقك
و نسأل الله الهداية لك و له و لنا جميعا
وفقك الله لما يحبه و يرضاه

[hanan7]

الله يكتبلك يلي فيه الخير

[عثمان الجزائري.]

خطأ الآباء يجنيه الأبناء كي جا يخطب و طالب لحلال رجعوه و درك بنتهم حابتوا و باينة راح توصل للحرام، ربي يهدي من خلق...قوم يسهلون الحرام و يصعبون الحلال، لوكان بقيت كي بكري درك نجبدلك حتى واش تعشا البارح ^_^، عودة لموضوعك يا بنتي كي عدتي حابتوا علاه ما فهمتيش والديك بلي هذا راجل ناوي لحلال و فهميهم بلي الدار راهي شيئ شبه مستحيل و لوكان كل راجل يجي يخطب تطلبوا عليه دار تكملك متزوجة بأرمل

.

[زبدة ذايبة]

انت قابلة بيه حتى وراكي عارفة ومتأكدة من فساد الأخلاق تاعو

نقطة ونرجعوا للسطر

مهما رايحين نقنعوك بأن هذا النوع من الزواج صعب الاستمرار فيه ماراكيش رايحة تقتنعي نهائيا

واللي موجودين هنايا واحد ماراح يصفقلك أو يشجعك على القرار هذا

خاصة وأنك متأكدة من أنه عندو علاقات محرمة بالنساء

لو كان تزوجتي وفقتيلوا واكتشفتي الموضوع هذا كانت تكون هدرة ثانية

لكن مازالكي في بر الأمان من السهل تاخذي وقتك في التفكير

الدين اللي مايمنعش صاحبه من الوقوع في المحظور ماراهوش دين

الشخص اللي تزكيه وتقولي متدين ومن جهة ثانية كي يختلي بالمحارم ينتهكها هذا إنسان مايستاهلش التزكية تاعك

كيما كاين سراقين اللي يسرقوا الأموال تاع الناس

كاين آخرين يسرقوا الأعراض

كي يغفل راجل الدار يدخلوا هوما من الفيسبوك ومن التليفونات واللقاءات الخفية

خطيبك هذا لص من لصوص الأعراض

ماتشكريهش وماتغلطيش روحك

إذا كان يصوم ويصلي ويستخير هذا بلا مزيتوا راه مسلم

ولوكان مايصليش يروح للنار

ماراكيش رايحة ترتبطي بواحد كافر هذا وين دخل للإسلام

هذا واحد مسلم راه يعصي في ربي

ويعجبك فاش !!!!!!!!!!!!! يعصي الله في محارم الله

يعني إنسان مايهموش حرمات الله عزوجل

راكي تقولي متأكدة

غدوة إذا ارتبطتي بيه وجدي روحك تكوني مع سلك المخابرات

كل يوم تفتش في التليفون

كل يوم تفتشي في الفيسبوك

كل يوم تفتشي في الجيب تاعوا

كل يوم تحاسبيه

إذا تأخر وعلاش تأخر

إذا رجع للدار بكري علاش رجع بكري

إذا صونا التليفون وهدر مع صاحبوا تقولي عيطتلوا إمرأة

ولا جا زعفان تقولي داوس معاها

ولا جا فرحان تقولي صاب وحدة جديدة

ولا مابانوش دراهموا تقولي يصرف على النساء

ولا داك لداركم تقولي رايح يجيب وحدة لفراشي

هذا هو الرجل المتدين اللي راكي متأكدة من أنه عندو علاقات في الفيسبوك

وتشكري فيه ، هذا بالنسبة ليك صالح !!!!!!!!!!!!!!!!!!!

والطالح وش يدير في نظرك ؟؟؟؟؟؟؟؟؟

انت استخرتي وهذا جواب الاستخارة تاعك

اكتشفتي هذا الشيء فيه خير اخطيه

وربي يعوضك بخير منو

ماكاش كارثة قد الارتباط بزوج الدين تاعو فاسد

رجل مايهموش مع من يكون

مطلقة،،، متزوجة،،،، آنسة ،،،،،كبيرة،،،، صغيرة

أشر من لص الأعراض ماكاش

لصوص البيوت وحالهم ساهل رب يخلف على صاحب البيت المال اللي تسرق منه

لكن اللي يسرقوا للناس عرضهم ماعندهم ماخلاو

حاجة ماتعوض العرض والدين

وانت راكي متأكدة من الفيسبوك ومن أنه هو هذا الخاطب

وش رايح يهدرلهم في الفيسبوك ؟؟؟؟

على تقوى الله، وعلى الآخرة ،،،وعلى غضب الله ،،،،وعلى السخط تاع الله عزوجل

باين علاواش يصادقهم ويهدر معاهم

ماتكذبيش على روحك ، وماتخدعيش نفسك نهائيا وتقولي صالح ومتدين

هذي الحاجة البسيطة اللي بينهالك ربي فيه

ولوكان يرفع سبحانه وتعالى الستر عليه رايحة تنصدمي تاع الصح

هذا غيض من فيض

ماتلعبيش بروحك

والله غير يجيبلك المرض اللي مكاعندوش دواء

على الأقل ضرك راكي بعيدة وسالمة

لو كان تتزوجي بيه تحيري وش ديري

لبنات يتزوجو يتهناو ويريحوا وانت تروحي برجليك للهم

صارحيه وواجهيه بالحقيقة اللي اكتشفتيها ماتخافي ماتحشمي منه

وشوفي وش يقولك

ولا كنتي متأكدة من الكلام اللي قلتيه ننصحك راكي أختي ماعندي حتى مصلحة في هذا الشيء

غير اخطيك منه

من قوة اللي يكونوا فاسدين يبدى يحوس على وحدة شريفة 100% يكون خاطيها كلش

وسبحان الله يتوفقوا في هذا الشيء

ماشي على خاطر هما صالحين لالا

يتوفقوا لأنهم عندهم خبرة كبيرة في النساء ويقدروا يعرفوا الفاسدة من الصالحة

مايغركش تقدملك للزواج يعني راه هايل جدا

هذا خبير في الشؤون النسائية

ولقلة الصالحات كي يعرف وحدة صالحة يولي يجري باش يتزوجها

يضحي ،،،ويصبر ،،،ويتحمل كي تشوفيه تقولي على جالي راه يدير هكذا

لالا

على جال روحوا

دنسوا أعراض المسلمات ولعبوا بيهم وكي يوصلوا لدرجة وين خلاص وحدة مايقتنع بيها

يولي يحوس على وحدة صالحة للزواج

والبقية اللي فاتت من علاقات كامل مايصلحوش للزواج

الطيبات للطيبين والطيبون للطيبات

الخبيثات للخبيثين والخبيثون للخبيثات

ربي يرزقك الزوج الصالح

خليه يبور جزاءا وفاقا

[لمسة ابداع]

زبدة ذائبة
حبستيلي مخي
نعم الرد عدت ندخل لقسم مشكلتي باه نشووووف ردوودك القيمة
بارك الله فيكي

[sohaibdz]

سلام
يا اختي كاين بعض الاعضاء هنا يديرو من الحبة قبة و فاهمين اكثر من اللازم باختصار يهدرو بزاف و يفهمو قليل
المهم ، مدامك متاكدة بلي هو علاه متواجهيهش و تسقسيه ؟ بلاك يكون عندو تفسير ، مثلا انا رقم الهاتف تاعي لقيت كاين واحد فتح بيه فايسبوك قبل منشريه
............
كيفاه يعني الناس كامل يشهدولو بلي انسان مليح و انتي عرفي بلي غلط في حاجة وحدة قلتي خلاص؟! ، حبيت نقولك جل من لا يخطئ
كون جا تاع حرام مينويكش للحال اصلا رانا رجال و نعرفو بعضانا

[Rahim Alger]

اتحدثتي معاه وسقسيه بالاك راكي ضالمتو بالاك الرقم القديم مهوش عندو يكون راه عند انسان وحداخر

[Nada Sweet]

اختي اردت ان انبهك فقط لأمر
انت قلت رقم قديم...يعني اذا توقف عن استعمالو منذ مدة رح مايوليش بأسمو و يتباع الرقم لشخص آخر ...يعني ممكن مش هو ..ان بعض الظن اثم..والصراحة الموضوع غريب يعني علاه يفتح حساب تع مرا باه يحكي مع النسا...كان قادر يفتح حساب باسم رجل !
تأكدي من هاد النقطة اولا...ثم تحدثي معاه وحطو النقاط على الحروف...
وعلى كل ماتدعيش ربي يزوجك بيه فقط انما ادعي ربي يهديه ويصلحو ويكتبولك زوج لك ان كان فيه خير