اريد تعلم حلويات للأعراس

[مريم خ]

المشاركة الأصلية كتبت بواسطة edelweiss_dz

نحكيلك على تجربتي الخاصة مع مراكز التكوين,لأني درست مجانا و بالدراهم في مراكز مختلفة.
لما درست مجانا كانت الأستاذة غير تجوز الوقت,تدير غير الساهل و تقسملنا الحبة على ستة أو ثمانية متربصات,ولما تكون مبسسة يصحلك غير لفتات و كأننا قطط,و باقي الحلوى تاكلها مع حباباتها في الإدارة أو تحطها في علبة و تأخذها معاها لدارها,إذا كانت ناوية تدير باتيسري لما يجيبولها خمس تفاحات للحصة الواحدة لتدريس الفوج كانت تستعمل تفاحة واحدة و الباقي يدخل بلا رجعة لحقيبتها, إذا ماصورتيش الحبة قبل ماتتقسم تنساي شكلها,و تزيد تبرر تقولك خذوا الطريقة إذا حبيتووا توروا لأهلكم واش قريتوا عاودوا وحدكم بدراهمكم,لكن جوزنا أيام شابة مابيناتنا نحن المتربصات.

كيما قلتلك:درست بألف دينار للشهر في مركز التكوين بعين البنيان,كانت كل واحدة تأخذ على الأقل ثلاثة أنواع من الحلوى,تعلمنا التقليدي الحمدلله,و الأستاذة شبعانة مابخلتناش بالمعلومات,واكتشفنا في الأخير أن ذلك المبلغ يعتبر رمزيا بالمقارنة بكل المصاريف التي كلفها تكويننا.يعطيها الصحة الأستاذة نجاعي.

شكرا لأنك جاوبتيني انا نحوس على مكان يكون قريب لدارنا ولا داري في براقي علا جال ولادي ل 2 صغار مكانش وين نحطهم
وكاش ما تعلمتي

[edelweiss_dz]

daily school
بعيد علي بزاف,لوكان جا قريب مانعتقوش

[edelweiss_dz]

مريم خ
شوفي
أي تكوين تحطي فيه بالك فيه تتعلمي منو الحرفة و العفايس,كاين بنات كيما دخلو كيما خرجو,همهم الوحيد هو الخروج من البيت للتغيير,ماعلابالهم بوالو,و الأستاذة تخدم بجدية مع اللي جاو يتعلموا,ماتحللهمش باش يحطوا بالهم,كنا كامل نساء واش مازالها تربي فينا.
كي كنا نقراو كانت فينا لحرارة نجربوا الوصفات و نذوقوا بعضانا و نتباهى بوصفاتنا,لكن من بعد ولينا غير للبسيط و السريع في البيت,
تعلمنا في فترة التكوين لكن هذه الحرفة تتطلب الممارسة للحفاظ عليها و ماتضيعلكش,دوكا مابقيناش نجربوا بزاف لكن مانخاف حتى حلوى.ز
و أهم شيء:لازم تحبي هذه الصنعة قبل ماتدخليها,لأنها تتطلب مجهود جبار و وقت لا حدود له,فيها بزاااااااف التعب,و بالتوفيق اشالله

[مريم خ]

المشاركة الأصلية كتبت بواسطة edelweiss_dz

مريم خ
شوفي
أي تكوين تحطي فيه بالك فيه تتعلمي منو الحرفة و العفايس,كاين بنات كيما دخلو كيما خرجو,همهم الوحيد هو الخروج من البيت للتغيير,ماعلابالهم بوالو,و الأستاذة تخدم بجدية مع اللي جاو يتعلموا,ماتحللهمش باش يحطوا بالهم,كنا كامل نساء واش مازالها تربي فينا.
كي كنا نقراو كانت فينا لحرارة نجربوا الوصفات و نذوقوا بعضانا و نتباهى بوصفاتنا,لكن من بعد ولينا غير للبسيط و السريع في البيت,
تعلمنا في فترة التكوين لكن هذه الحرفة تتطلب الممارسة للحفاظ عليها و ماتضيعلكش,دوكا مابقيناش نجربوا بزاف لكن مانخاف حتى حلوى.ز
و أهم شيء:لازم تحبي هذه الصنعة قبل ماتدخليها,لأنها تتطلب مجهود جبار و وقت لا حدود له,فيها بزاااااااف التعب,و بالتوفيق اشالله

يعطيك الصحة اختي
انا الحلوة حبيت نتعلمها ومع كنت نقرا مكاش الوقت وكي دخلت للتكوين حاوزوني لأنه كنت نغيب على جال الجامعة بالرغم من أنني تفاهمت مع الأستاذة بلي انا نقرا ومنقدرش نحضر دايما
قالي مدير المركز خيري يا الجامعة يا التكوين
وكي دخلت لدار الشباب مكان مكان وكي كملت القرايا تزوجت مع الدراري والخدمة راسك ماتحكيهش لكن درك حبيت نتعلم كيما يقولولها جاتني هاديك الشحنة
في الحقيقة حضرت عقيقة درتها بنت عمتي وذقت الحلوة تهبل امالا جبت رقم هاتف المرأة اللي خدماتها قتلها ادا تعلميني وافقت
راجلي كي قالو قالي اذا تأخذي رأيي اتعلمي طبخ هوا الصح علابيها درك راني نحوس على مدرسة ولا جمعية نتعلمهم اللزوج وتاني يكون عندك ديبلوم

[edelweiss_dz]

كل شيء تتعلميه زيادة فيك,لقيت روحي في التكوين رغم أنو ماشي دايما نكون راضية على واش تعلمنا في ذاك النهار,و زاد راجلي كان مهبلني:يقولي ديما بعد ماتخرجت من الجامعة تحوسي تهبطي المستوى و تقراي الكوزينة,بصح خشنت راسي أنا تاني,كانت أيام حلوة بزاف,و ننصحك تقراي واش قدرت:مرطبات,حلويات طبخ,لأن حاجة برا ولات تنعاف حاشا نعمة ربي