احاسيس ومشاعر قلبي

[سليم المبتسم]

لو ...........!!!!
...................
الصحة لو كانت تنباع
كان المريض وعليل اشتري
كانت انتهت كل الأوجاع
وورا الاطبة ما حدش جري
.........................
ولو سنين العمر بترجع
نختار سنينا الحلوين بس
و للألم ولا كنّا هنسمع
لا صوت اهات وندم ولا حس
....................................
والفقر لو راجل لقتلته
ودفنته تحت ف سابع ارض
وان كان ده جان كنت انا جننته
لو كلن ده مين او أيها حد
........................

[سليم المبتسم]

الحزن .....!!
.....................
الحزن جوة القلب سجن
وحبس اجباري انفرادي
وتملي بيخليك ...تئن
وتملي ما يخليكش راضي
.....................
استغفر الله العظيم
إياك ف يوم تهجر لسانك
ده ربنا حنين كريم
خلق جميع الكون عشانك

[سليم المبتسم]

الحيرة .....!!!
............
الحيرة نار تاكل صاحبها
وتدمره وتقضي عليه
ياللي انت بتحب تصاحبها
قوللي انت ماسك فيها ليه
..............
اهرب من اللي مش نضيف
وكل أنصاف البشر
الحيرة ه تخليك كفيف
مش كل مرة ه تتستر
..............
اخزي الشيطان وارجع وفوق
ارجع لرب العالمين
وارفع كفوف ايدك لفوق
ويرينا وبس أستعين