سئمت من روتين العمل

[toulay]

المشاركة الأصلية كتبت بواسطة karimtito

بارك اللله فيك ربي يفرحك

سلام عليكم
امين ياربي العالمين
وفيما يخص المشكلة تاع عدم النوم par exemple مين تحب ترقد اشرب كاس حليب دافي هذا يعاونك مكلاه تحط فيه القهوة
وفوض امرك لربي سبحانه وتعالى
وهاذي الحاجة لشاغلة بالك وبسبتها مشي قادر ترقد قول اذا فيها خير ربي يقربها واذا فيها شر ربي يبعدها بعد المشرق عن المغرب
التخمام واعر بزاف
نشفى عليها نهار كنت نوجد فالمذكرة تاع التخرج تاعي واش نقولك الحمد الله سترني ربي مهبلتش صرا فيا الباطل
وليت مانرقد ماوالو غير نخمم المذكرة رجعتلي كابوووووووووووووووووس حتى قريب فقدت الامل وقلت خلاص نبطل ههههه ولا نسوتني حتى لسبتمبر هذا كامل من كثرة الضغط لكنت فيه ومين نتفكر المؤطرة لغصتني نزيد نتغم باش تعاوني هي لا لا زادت عليا وظلمتني بصح حسبي الله ونعم الوكيل فيها بصح مع كل هذا بقيت نخدم نخدم نخدم حتى اخر ثانية وقلت لازم نكمل والحمد الله تخرجت وديت الشهادة وتهنيت من التخمام لانو هو لكان خاليها عليا
كنت نخمم على المذكرة على الامتحانات على المراجعة tellement كنت نحب نقرا بزاف مثلا في cem ولا يمدونا واجب منزلي ماعندو علاقة لا بفرض لا امتحان لا تقويم كنت نخمم عليه ونخاف وتغيضني روحي كون منخدمش هههههه

مالا طيش عليك وانسى الهم ينساك وعيش حياتك وافرح وازهى واضحك ودير في بالك بلي حاجة ماتستاهل نحرقوا
اعصابنا على جالها واي حاجة تصرا ولا متصراش اعرف بلي فيها حكمة وربي سبحانه وتعالى يعرف الخير تاع العبد وين راه الصبر فقط

سامحني علابالي كتبتلك un article بصح هذا كامل باش نوريلك التاثير السلبي تاع التخمام هكذا باش تتفاداه وتهني راسك
بالتوفيق