أرجوا النصيحة...

[DIAMONDA]

السلام عليكم ورحمة الله تعالى وبركاته
....جئت اليكم اطلب النصيحة والمساعدة ...وارجو ان لا تبخلوني
....انا فتاة في عمري 25 سنة....خريجة هندسة معمارية وعمران....حقيقة ما عنديش الزهر في الحب..لاني مررت بعدة تجارب فااااشلة.
منذ مدة لا تتجاوز الشهر...تعرفت على شاب 30 سنة.....من نفس ولايتي ..عنده مستوى بكالوريا...حاليا هو تاجر اقمشة رجالية..
....طلب مني الزواج...وتكلمت مع أمه...
...هو انسان مزير ...ما تدخلي ..ما تخرجي.....نسكنوا مع اهلنا....العمل ممنوووع....والعجار اكيد
........انا والله حائرة واش ندير.....هل نسمح في سنوات الدراسة اللي درستهم مع العلم انها كااانت صعبة صعبة صعبة جدا...ومانخدمش ؟؟؟
او نسمح فيه هو......وفي زماننا هذا قليل اللي ينوي الحلال.....والقادم اعظم..
مرات أفكر بأنانية.....نقول في نفسي...مزال ما نقول له تقدم لخطبتي من اهلي......لاني ممكن ندخل للعمل والتقي برجل افضل منه...سواءا في شروطه او مستوى عمله......................لكن ضميري يمنعني..
انصحووني ارجوكم......مع العلم ان اهلي ...يريدون مني ان اعمل.....
...ساعدوني

[جهينة اليقين]

عليك بصلاة الاستخارة

[rose2010]

اهلك يريدون ان تعملي لتنفقي عليهم؟

[جنى الجنتين]

سلام اختي من وا قع التجارب التي اسمعها اياك ثم اياك الزواج به راكي حابة تدفني روحك مازلتي صغيرة ودوك ينحلو الابواب اكيد لما راح تعملي رح تتلاقي مع ناس من نفس

المستوى وعمرك لا تتزوجي على خاطر خايفة تبوري راح ديري كارثة اذا فكرتي هاك ديري ل cv و رسليهم لشركات و فوتي مسابقات عوض لا تحوسي على الراجل

خاصة قلتي عييت و مشي ساهل باش قريتي نقولك حاجة روحي خدمي 1 والله يلقيك ب ولد الحلال لي يوالمك لانه يبدو لي انك غير مقتنعة

[مسعود الأغواطي]

استخيري و ربي يجيب اللي فيها خير

[محمد عليلي]

اتزوجي اتكلي على ربي خليك ما الخدمة انت قريتي صح ، القراية هذا تربي بها اولادك
25 سنة ماكيش صغيرة

[ثلجَة]

استخيري الله و توكلي عليه أختي

و أفضل مكان للممرأة بيتها

و قرايتك ذرك تفيدي بها أولادك فما بعد

و اذا كان يقدر يوفرك كل متطلباتك فلما الرفض؟؟

و زيد لعجار ماشي مشكل أصلا واش فيها اذا درت عجار ....هو ستر لك

و الله الموفق

[randa3]

مكانش كيما الاستخارة وربي يسهلك ان شاء الله