الجزء 171 من واش طيبتي اليوم�� كوزينة اللمة والمحبة والبساطة �� - الصفحة 62

*توبــــة* · 2016-10-26, 10:20

صبااحووووووووو غالياتي
كيفكن؟؟؟ يادرا توحشتوني ولا نرجع ؟؟ خخخخخخخخخخخخ
غير كملت قضياتي من الجامعة النت راحت.. توحشتكم مووووت

جبتلكم تارت تاع عيد ميلادي خخخخخخ روطار بزاااف مي فرحت بيها فرحة كبيرة
المهم اللي جابهالي ربي يخليه ويحفظو
مع كادو تاني خفت نحطو هنا يحاوزوني المشرفات هههههههههه

لي عودة حبوووباتي بعد مانكمل الاشغال الشاقة

وردة الرمال43 · 2016-10-26, 10:34

عيد ميلاد سعيد أسماء وعقبال ال 100 سنة وربي يخلي ويحفظ لي جابهالك ان شاء الله

omjoujou · 2016-10-26, 10:36

سلام لبنات
دخلت ديراكت لصفحة الاخيرة قابلتني تارت عيد ميلاد توبة عزيزتي كل عام ونتي بالف خير ان شاء الله العام الجاي تحتفلي بيه نتي وزوجك
مزااال مراجعتش نحطلكم خبز الدار على طريقة جارتي ام ياسو هذوين خرجتو من لفور منحكيلكمش على ريحتو وريحة ماء زهر لي فيه كيفاه معبقة الدار امممممم

امبعد نرجع نحط غدايا و نراجع
سلاااااااااااام

Oum yousra · 2016-10-26, 10:40

اقتباس:

المشاركة الأصلية كتبت بواسطة *توبــــة*

صبااحووووووووو غالياتي
كيفكن؟؟؟ يادرا توحشتوني ولا نرجع ؟؟ خخخخخخخخخخخخ
غير كملت قضياتي من الجامعة النت راحت.. توحشتكم مووووت

جبتلكم تارت تاع عيد ميلادي خخخخخخ روطار بزاااف مي فرحت بيها فرحة كبيرة
المهم اللي جابهالي ربي يخليه ويحفظو :d
مع كادو تاني خفت نحطو هنا يحاوزوني المشرفات هههههههههه

لي عودة حبوووباتي بعد مانكمل الاشغال الشاقة

صباح الخير دخلت قابلتني التارت نتاعك حبيت نقولك عيد ميلاد سعيد و كل عام و انتي بألف خير و العقوبة لتارت الخطوبة ان شاء الله مع ابن الحلال الي يستاهلك حنونة لأنو معيارك بالذهب اختي الغاليا

Oum yousra · 2016-10-26, 10:44

اقتباس:

المشاركة الأصلية كتبت بواسطة omjoujou

سلام لبنات
دخلت ديراكت لصفحة الاخيرة قابلتني تارت عيد ميلاد توبة عزيزتي كل عام ونتي بالف خير ان شاء الله العام الجاي تحتفلي بيه نتي وزوجك
مزااال مراجعتش نحطلكم خبز الدار على طريقة جارتي ام ياسو هذوين خرجتو من لفور منحكيلكمش على ريحتو وريحة ماء زهر لي فيه كيفاه معبقة الدار امممممم

امبعد نرجع نحط غدايا و نراجع
سلاااااااااااام

وااااااااااو روووووووعة كالعادة حنونة واش راكي اختي العزيزة توحشتك و عندي مدة ماتلاقيتش بيك و أسمعت بلي كنتي مريضة ربي يشافيك و يعافيك اختي و يحفضك لعائلتك ياااااااااااارب

Oum yousra · 2016-10-26, 10:50

البنات راجعت و شفت كلشي هااااااااااااايل يعطيكم الصحة و ربي يحفضكم خفت نسمي وننسى وحدة و تزعف مني و مخي على قول ام تاج عصافيري نشوف كلشي و يعجبني و كي نجي نكتب الرد ننسى مع أنكم الله يبارك كامل شافات مانعرفش على من نعلق و لا شكون نخلي كامل فوووووووور يسلم الأيادي و ربي يحفضكم و البنات الي علقو على طيابي و عجبهم ربي يحفضكم و عويناتكم الي شابين

*توبــــة* · 2016-10-26, 10:52

ام يسرى حبيبتي تعيشي يا الغالية والله كلامك اثر فيا بزاااف
ربي يعطيك ما تتمناي وبسهل امورك ويصلح وليداتك
كنت سقسيتك على البريوش اللي درتيه بعجينة العشر دقائق
بغيت الوصفة تعيشي حنونة؟؟؟؟؟

um alaa · 2016-10-26, 10:53

ام جوجو الخبز تحفففففة
توببببببة عيد ميلاد سعيد حبيبتي و التارت هايلة بصحتك بالمناسبة جربت الروز ديالك البارح و جا رووووووعة رهيييب مادام عجب الوزير الاعظم خخخخخخ هو العجب ما بعجبوش عل قد ما عجبني قعدت نصور و نعاود ههههه

ام سراج وملاك · 2016-10-26, 10:54

السلام عليكم ورحمة الله تعالى وبركاته
حياة الف الف مبروك الكوزينة لجديدة ان شاء الله عامرة بالخيرات لبنات كامل يعطيكم الصحة روائع واش حطيتو
توبة حبيبتي كل عام وانت بالف خير دخلت لما شفت اسمك شكرااااااااا حبيبتي على الدعوة فرحت بزاف لما ذكرتي اسمي والله شوي ظروف برك لي منعتني هذي خص نص ليك باش تشبعي لحيس علابالي بيك تحبي شيكولا بزاف ربي ينولك لي في بالك ويرزقك ربي بزوج صالح يارب

وهاذم شوي صور منهم جدد ومنهم من الارشيف

هاذا لبيني صراحة وصفة ام فراس اصيل لي كامل جربناها وحد الوقت بماء بارد وبالياؤورت بما انهم تطبيق الكوزينة قلت نحطهم

دونات ام فراس واصيل ثاني بماء بارد روووعة بعطيها الصحة

محاجب في الفور

شكشوكة في الفرن

حريرة خالتي بدون لحم بالعدس والروز والخضر البنة روووعة علابالي تعجب ليزا جربتها من قبل

*توبــــة* · 2016-10-26, 10:55

وردة الرمال حبيبتي تعيشي ربي يخليك .. والله نحبك ونعزك يا الغالية
قوليلي راكي بالجوف؟؟ كيما تقول فريدة صابونجي خخخخخخخخخ

ام جوجو حنونة والله دعوتك تهبل تهببببببل كثري كثري برك منها هههههههه
خبز الدار رائع رائع ربي يبارك .. شهيتيني فيه امممممممم اكيد غداك
ضرك منا على نص ساعة يكون واجد.. راني نستنى خخخخخخخخ

um alaa · 2016-10-26, 10:55

Oum yousra · 2016-10-26, 10:58

حياة الغاليا شفت سؤالك واش من ابليكاسيون نستعمل لتعديل الصور انا راني يا دوب نفك الخط هههههههههها مانعرفش حتى كيفاه نكتب اسمي على الصورة هههههههههها نعرف غير نصغر الصور و فقط و بالسيف لا تعلمتها من التقطاش تاع ام تاج ههههههههها في الأول كنت نحط الصور بلى ما نصغرهم كل ما تدخل حنونتي ام تاج مايحبوش يتحلولها الصفحاة تقطشني و تخرج حتى نسل شعري كل ههههههههها المهم حنونة راني نخدم بالايباد يعني نصور و نصغر و نحط الصور هاكاك

*توبــــة* · 2016-10-26, 11:02

ام آلاء يا الحبيبة والله فرحتيني بتطبيقك للروز ياااااااااااي خرجتيه تحفة
صوري صوري وعاودي.. والاهم عجب سي خونا خخخخخخخخخخ
شوفي توجا والعنب خبيهملي بعد مانتغدى من عند ام جوجو نجي نديسر عندك ههههههه

ام سراج يا الغالية روااااائع رواااااااااائع من ايديك والله.. وين كنتي مخبية الخيرات هذو؟؟؟
راني اديت كلشي مش غير الحلو يا حلوة هههههههه والبسكوي غولي هااايل ربي يبارك
اممممممممح بالجغابل لملوووكة حبيبة البي

um alaa · 2016-10-26, 11:03

اسوم هاو كادو من عندي علبالي تموتي على التشكولة ههههههه

um alaa · 2016-10-26, 11:06

ام سراجو على سلامتك هادي غيبة
اسوم راني خبيتلك حقك خخخ