الجزء 171 من واش طيبتي اليوم�� كوزينة اللمة والمحبة والبساطة �� - الصفحة 56

ام طيري الجنة · 2016-10-25, 14:23

ام و ابنة بصحتكم ماكانش كي السهل الممتنع هههه ربي يدوم النعم و يحفطها من الزوال نسرين هذاك ما تبغي كل الاطباق اللي تجي بالحليب سواء روز او شربة او محمصة لوكان رسلتها عندك تفطر هههه
حبيبة قلبي رزيقة راكي هنا هلت الانوار و راني غي نشوف الناس تشكر فيك على التطبيقات درك نروح نقرعج كيما تقولو و نرجع هههه
ام لجين و هيثم شكرا على الوصفة يعطيك الصحة و بصحتكم اختي
صدق العطاء راكي ناشطة الله يبارك ربي يخليك ديما ناشطة و متألقة و متعينا باطباقك الهايلة يا هايلة
ام محمد ومريم ام هديل كوثر التائبة مساء الانوار وكيف الاحوال ان شاء الله راكم بخير و اهلكم بخير يا حنوناتي
اشرقت نفسي شفت الصور الرائعة اللي نقلتيهالنا من قريتكم ماشاء الله ربي يدوم لمتكم ممكن نعرف واش من مناسبة ههه
الامنيات ليك وحشة طل القمر اهلا بعودتك يا الحبيبة
نروح نراجع شوي و نرجع

حياتي كلها امل · 2016-10-25, 14:33

السلام عليكم اولا نبدا بزينب الحمد لله على سلامت اختك وربي مافيه غير الخير
اشرقت اطباق التقليدية راءعة رغم بساطتها وهي تعبر عن بساطة اهلها شكرا لك ولقامو باعدادها
تطبيقاتكم للكروكات هايلين درتولي السوسة كيما تقول مريم ان شاء الله انجربها
رزيقة يارزيقة اطباقك هايلين راح ينطقو بصحتكم
كوثر انت ايضا روعة اطباقك
مريومة فحلة ونص ربي يبارك فيك وفي لميمة لعزيزة
ام وابنة بصحتكم مكانش قد البساطة
ونسيت انرحب بالغالية امنيات طل القمر
هذا واش تفكرت

حياتي كلها امل · 2016-10-25, 14:40

هذا وين كملت لبيني هاهو التطبيق حياةوهذي الحبة شوفوها من الداخل

أم سدرة · 2016-10-25, 15:27

مساء الخير عليكم وصح غداكم
هادا غدايا تاع البارح

وهادا تاع اليوم شخشوخة بالعصبان

اشرقت نفسي · 2016-10-25, 15:38

بعدما شفت رفيس رزيقة شهاتني فيه رزيقة اجدادنا كويرات وزيت زيتون مممممم درتو روعة
حياة تقبليه مني هذا من تكبيقي

اشرقت نفسي · 2016-10-25, 15:44

وهذ خص نص للاخت زقزوقة

أم سدرة · 2016-10-25, 15:44

حياتي كلها امل البيني خرجلك هااااايل
ام لجين بصحتك المطلوع والسردين امممممم
زقزوقتي الجميلة واش راكي واطباقك الجميلة ديما فووووور
ام هديل واش راكي واش احوالك
مريومة ياعيني على المطلوع والشربة بصحتكم
ام ابراهيم وكوثر وزقزوقة يعطيكم الصحة على الكروكات هايلين
اممممممم صدق العطاء بصحتكم المردود بالبوزلوف
الأمنيات اشرقت نفسي توبة ام تاجو ام محمد و مريم ام طيري ام كاميليا وردة الرمال رزيقة 16 الله يبارك عليكم ولي نسيتها تسمحلي
وبلا ماننسى مولات الكوزينة حياة الحنينة بصح قولولي وين نلقا الوصفة تاع الكروكات راكم سخفتوني

اشرقت نفسي · 2016-10-25, 15:46

ام سدرة اطباقك تهشي هتي ذيك لجاجة نعاوك فيها بصحتكم حنونة

أم سدرة · 2016-10-25, 15:49

الله يسلمك اشرقت نفسي تفضلي مرحبا

um alaa · 2016-10-25, 15:59

مساء الانوار
يخرب بيت اتصالات الجزائر على قول ام تاجو هههه النت هبلتني خالصة مي مكانش المهم دوك غير جات جيت نحط تطبيقي تع لي بينيي تع زينوبة ربي يشفي اختها أن شاء الله ررروعة بنان و دوق مبشور البرتقال مدلهم دوق رائع تسلمي على الوصفة النص حشيتهم بالكرام باتسيير و النص الاخر بمعجون التين

مازال ما راجعت شفت غير صحن الرفيس تع زقزوقة تحفة بصح انا ندير الصحن ماشي الرفيس خخخخخ يجي à sortieمع السرفيس ديالي هههه
نروح نكمل اشغالي مبعد نراجع

ام محمدْ ومريمْ · 2016-10-25, 16:23

سلام لبنات ام لجين مشكورة على الطريقة راح نجربها اكيد
حيوتة تعيشي حبيبتي اللهم امين ونتي ثاني ربي يعطيك وقفة ساهلة
هذا غدايا والرفيس سخفتني زقزوقة

انا هي رزيقة · 2016-10-25, 16:25

حياتي كلها امل مشاء الله على البينيي يبان خفيف اممم و قيلاا هذا ثاني نديرو في قائمة تطبيقاتي الطوييييلة
ام سدرة الجميلة و الله توحشتك يا مصيبة و يا عين على هذيك الدجاجة المربعة و الله الجاج الروطي تاعك وحدو حبيبتي .. يا خي طبخ ايديك متقوليليش برك راكو تشروه هكذاك في ايرلندا .... خخخخخ
اشرقت نفسي راكي معولة علينا اليوم مقبيل حطيتيلنا هذيك الاطباق التقليدية التحفة و دوك جبتيلنا الرفيس و الله يبان اممم سخفتيني سور خير من تاعي ...... خخخخخ حابة ندوق باه نشوف .....خخخخخ و تسلميلي على دك الطبق لي هدتيهلي ربي يخليك حنونة و الله اكلك كلو على بعضو حلو دون مجاملة
ام الاء الحلوة تطبيقك للبينيي فور فور فور هذا معندي نقولو ..... خخخخخ ربي يحفظلك دوك اليدين و الطبسي تقدير تديه حنونة مشي خسارة فيك
ام طيري الجنة الحبوبة حقا راني شفت وصفة الغراتان دوفينوا لذيذة اكيد اكيد سورتو من يديك الحلوين بصح يا لهوي على السعرات الحرارية خافي ربي في لاطاي يا لحبيبة ...... خخخخخ بصح قلتي راكي رايحة مراجعة موليتيش باينة تهتي ما بين الخيرات خسارة حنونة انا راني خارجة سلامي الحار ليك. حقاراكي تساليني حاجة حلوة خطرش اليوم مخلتلكش شوةي رفيس حطيتو كامل لامينة و ماماها بصح راح اعوضهالك و حياة عينيا ..... خخخخ سلام لبنات تهلاو في اروحتيكم

صدق العطاء · 2016-10-25, 16:27

اقتباس:

المشاركة الأصلية كتبت بواسطة حياة نور الدين

البارح شفت صدق العطاء طلبت وصفات غراتان بدون لحم جبتلك شوية بدون وشوية باللحم تقدري تستغناي عليه والباقي للاخوات اللي تحب جرب الوصفات

صح فطوركم نروح نفطر انا وبناتي وبعد الظهر نتلاقاو ان شاء الله

اه شكرا اختي على الوصفات

انا هي رزيقة · 2016-10-25, 16:27

ا امممممم شهتيك في الجنة اختي و الله خرجتيه روعة دوماج منقدرش ندوق باه نشوف شكون خير ....... خخخخخ

صدق العطاء · 2016-10-25, 16:29

اقتباس:

المشاركة الأصلية كتبت بواسطة اشرقت نفسي

حياة حتي انا عجبونى هذ الاطباق علي هذيك حطيتهم وقريتنا غنيا بتراث الاكلات التقلدية والحديثة هههه

الاخت صدق العطاء قتلك مش ديالي مانعرف هيا هزتو نت الانترنات ولا نتاعها الله اعلم

رزيقة اعيشك اختي راني بعثتلك علي الخاص رابط راه فلفايسبوك

راني راجعت كل مساهماتي نشوف في روحي كاشما قلتلك ولا حاجة
اه اختي علابالك هذا وين فهمت المشكل نضن الفوطو
اختي علابالك اانا مشفتش فوطواتك كليا وبخصوص صورة هذا وين انتبهت لقيتهم يتشابهوا
شوفي اختي انا كتبت في قوقل بحث المردود جاني ذاك فوطو درتو
لخاطر احنا درنا فطورنا مردود كيما كتبت في المساهمة السابقة هاذي
و انا كتبت انو هذا الفوطو جبتو من الانترنت لاني مقدرتش نصور

اقتباس:

المشاركة الأصلية كتبت بواسطة صدق العطاء

نسيت نقولكم فطورنا مردود بالبوزلوف مممممممممممم

طريقتنا هي نديروا : بصل + ثوم + فلفل+ طماطم مصبرة وطماطم حب + صرة اذا كنتوا تعرفوها راهي تجي صفرا + بطاطا مقرضة الى مربعات صغار + زيت + فول + حمص + هرماس

وكي تعود في نص طياب نديروا تغرس هو عبارة عن تمر محشي و نمرسوه في الماء ونصفوه في الكسكاس ونضيفوه للمرقا

وفي الاخير نديروارشة ملح وسكرا للحلاوة طبعا

وهاذي صورته من انترنت للاسف منقدرش نصور