الجزء 171 من واش طيبتي اليوم�� كوزينة اللمة والمحبة والبساطة �� - الصفحة 10

انا هي رزيقة · 2016-10-20, 13:16

السلام عليكم فتحت على فطور ام اسيل يشهي ام اسيل ماشاء الله عليك راكي مغرقة الكوزينة بخيراتك الزينة و البنية اكيد
توبة الحبوبة يسلمو على السباغيتي الجميلة و الكسرة تع الفحلات و الله دون مجاملة حبوبة تعجبني كسرتك موووت تبان خفيفة و هشة كيما يحب الخاطرو مبارك التوقيع الجديد ياي اذا انا جميلة ....... خخخخخخ
ام برهوم ربي يبارك لك في دوك اليدين على الفنوازري الجميلة و الله تحفة حنونة و بصحتكم الفطور البحري
ام هدول بصحتكم بقايا الارزالجميل خلاص و الله شهيتيني فيه لعشية ان شاء االله انا ثاني نطبقو... راكي تسمعي توبة .... خخخخخ
مريومة بنت الحومة بعثيلي محجوبة بصح مشي حارة ..... خخخخخ ربي يحفظلك دوك الدين و يحفظلك ماماك حنونة
جازيا ام البنات يسلمو على المقرونة المشهية انا ثاني بلاك نديرها اذا كفاني الوقت
اختي روضة حمدا لله على استقرار حالة جدك
ام لجين هيثم على سلامتك حنونة راكي غبتي بصح كي وليتي غرقتينا بخيراتك يا لهوي طلعتيلنا السكر بالحلو و التحليات الجميلة و ارفعتيلنا الضغط بالمالح الشهي و البنين ..... خخخخخ و الله دون مجاملة اختي ام لجين طيابك من اروع ميكون ربي يحفظك من العين حنونة و يديم عليكم نعمو يا رب
مولات الكوزينة حيوتة يا عمري شحال فرحت كي حطيتي البريوش تاعي في التطبيق ربي يفرحك في كل عزيز عليك اختي الا عندي الوقت بلاك غدوة نزيد نديرو و نجيبلك التطبيق تاعي ..... خخخخ و بصحتكم الشريبة الجميلة
بيبا الحبيبة الف شكر على التقلاش لي قلشتيه للبريوش تاعي ربي يحفظك حنونة و الله فرحيتيني و بصحتكم الشخشوخة تع البارح
ام نسرين يسلمو على الحلو تع ام وليد لي يدي معاه لاطاي دون رجعة .... خخخخ و ربي يقدرك على العمل برا و داخل حبيبتي
شكون تاني و الله عيييت ..... خخخخ ام ياسو ام تاجو فاتي الشاوية امنية ام امينة كوثر التائبة اشرت نفسي حياتي كلها امل ام البنين ايه حقا راكي غبتي يا ام البنين وين راكي حنونة طلي علينا نهاركن سعيد و صح فطوركم حبوباتي

انا هي رزيقة · 2016-10-20, 13:19

وردة بيضاء اخصص نسيتك تنساك الموت ان شاء الله املا نديرك احلى سلام خاص حنونة . و تفكرت ثاني نعنوعة المنتدى وين راكي يا مصيبة توحشناك طمنينا عليك

ام سارة18 · 2016-10-20, 13:22

الف مبروك حياة افتتاح الجزء الجديد في كوزينة البساطة وان شاء الله تكون عامرة بكل اطايب احلى الحراير
نحمل صور الباروك ونرجع

انا هي رزيقة · 2016-10-20, 13:22

خخخ.... يخرب دباديبك حيوتة ايه حنونة راكي في تحسن كملي هكذاك

أم اسيل · 2016-10-20, 13:31

اقتباس:

المشاركة الأصلية كتبت بواسطة أم اسيل

جبتلك غدايا حيوتة

حيوتة هدوا كرات البطاطا بالبيض يشبه ل طاجين الرخام بصح بالبطاطا غليتها وزدتلها حبة بصل وحبة جزر مسكرفجين ومدبلين بالزيت وزدت حبة بيض وغلفت حبات البيض مغليين رمدتهم في الفرينة وقليتهم والبطاطا لي بقات كورتها وحشيتها بالفرماج وخدمت صوص تومات وحطيتهم دقيقة شربوا الصوص وطفيت وكان عندي شوية لحم مرحي الوصفة مافيهاش كورتو صغير وطيب في لاصوص طومات

ام سارة18 · 2016-10-20, 13:32

]وهادا درتو تطبيق لبيبا وماكتبش ربي نشارك في كوزينتها
شربة بيضاء

خبز الدار

سلطة

انا هي رزيقة · 2016-10-20, 13:35

ايه هذا وين تفكرت كسكس بالعصبان تع ام يسرى القاورية يا يما على جمالو سخفني سخفة محصلتش ....املا جوست دخلت للدار شمرت على ذراعتينا درت طعام مشي بالعصبان للاسف لانو مشي متوفر بصح باللحم ..درتو بالخضر المتوفرة زروديا و كابويا و حمص و بطاطا و زدت حتى الجلبانة انا نمووووت على الخضر في الطعام ....... راهو في خاطرك اختي اشرقت نفسي مكنتش علابالي تحبي الطعام كيفي .....بصح انتي نهار تطيبيه بالعصبان بلاكي تنسايني ..... خخخخخ

اريج 07 · 2016-10-20, 13:36

تفضلي حبيبتي حيوته محاجب حاريييييبين و بنة متنشبعش اممممم ههههه زقزوقتي جربي دوقي الحار خخخ

RIMA.87 · 2016-10-20, 13:38

السلام عليكم
مبارك عليك افتتحاح الكوزينة اختي حياة و أجمل شئ يجعل الانسان اكثر راحة و استمتاع بما رزقه الله من نعم هو التواضع و البساطة و انت اخترت العنوان المناسب لاحلى لمة و اخوة في الله ربي يجعل كل ما تقدمينه في ميزان حسناتك و ييسر امرك و يفتح عليك ابواب الرزق و جميع المسلمين ،
ما شاء الله على الخيرات لي حطيتيها اختي حياة و كل الاخوات بدون ذكر الأسماء ،
ربي يحفظكم و يبارك فيكم و يرزقكم من فضله العظيم،
هادو سوفلي بعجينة البيتزا الاكثر من رووووووعة للأخت biba ربي يبارك فيها ،
و الحشو ابسط منو ماكاش،شكشوكة كانت باقية،لا جبن و لاشئ، .....ههههه،لكن جاو توووووب

انا هي رزيقة · 2016-10-20, 13:39

اقتباس:

المشاركة الأصلية كتبت بواسطة ام سارة18

الف مبروك حياة افتتاح الجزء الجديد في كوزينة البساطة وان شاء الله تكون عامرة بكل اطايب احلى الحراير
نحمل صور الباروك ونرجع

احلى تحيبة لاختي ام سارة و االله ليك وحشة حبيبتي و اطايبك دائما في القمة حنونة تسلم الايادي

اريج 07 · 2016-10-20, 13:39

حبوته قلشتي الصور و زدتهم انا شوية هههههه

واش رايك زقزوقة

اريج 07 · 2016-10-20, 13:42

مبعد نراجع راني سارقة التلفون هههههه و متخبيه ماما راها تخوس عليه خخخخخ باي هههه

ام و ابنة · 2016-10-20, 13:44

حويتة الف مبروك افتتاح الكوزينة و يا ربي العاقبة كي توجد كوزينة دارك و نجيو نباركولك و نفرحو معاك و يا ربي تعمريها بابداعاتك و الخيرات و الاطايب
اخواتي اللي فتحو الكوزينات اللي فاتو اسمحولي بزاف و الله ما ندخلش خلااص قسم الطبخ و ما نعرف اللي فتحت و لا اللي غلقت الكوزينة بصح والله من قلبي نحييكم على جهودكم لاستمرار الكوزينة و العطاء اللي راكم تقدموه
و نستسمح منكم نشارك في كوزينة اختي و صديقتي حياة انا وياها عالحلوة والمرة و بيناتنا تواصل كبير ربي ما يفرقناش

حياة حوستلك كش باروك ما لقيتش جيتك بوجهي المصفار اذا تقبليه خخخ في انتظار نرتب اموري هاذ الويكاند نكملو شويا شغالات راهم يستناو فينا

انا هي رزيقة · 2016-10-20, 13:44

نهارك سعيد اختي ريما واش راكي حنونة ان شاء الله بالف خير و السوفلي باين من عنوانو اممممم سورتو مع حشوة البصل نمووت عليها بصحتكم اختي مريومة الزينة بصحتكم المحاجب الحارييين ....... راني ذقت من الميكرو حنونة ...... خخخخخخ

انا هي رزيقة · 2016-10-20, 13:47

اقتباس:

المشاركة الأصلية كتبت بواسطة ام و ابنة

حويتة الف مبروك افتتاح الكوزينة و يا ربي العاقبة كي توجد كوزينة دارك و نجيو نباركولك و نفرحو معاك و يا ربي تعمريها بابداعاتك و الخيرات و الاطايب
اخواتي اللي فتحو الكوزينات اللي فاتو اسمحولي بزاف و الله ما ندخلش خلااص قسم الطبخ و ما نعرف اللي فتحت و لا اللي غلقت الكوزينة بصح والله من قلبي نحييكم على جهودكم لاستمرار الكوزينة و العطاء اللي راكم تقدموه
و نستسمح منكم نشارك في كوزينة اختي و صديقتي حياة انا وياها عالحلوة والمرة و بيناتنا تواصل كبير ربي ما يفرقناش

حياة حوستلك كش باروك ما لقيتش جيتك بوجهي المصفار اذا تقبليه خخخ في انتظار نرتب اموري هاذ الويكاند نكملو شويا شغالات راهم يستناو فينا

هلت الانوار بدخلوك الكوزينة يا بنونة و الله فرحت كي شفت توقيعك ربي يديم المودة بينك و بين حيوتة و نشكرها انها جابتك تشاركي معانا و كان الله في عونك و في عوننا ا على الاشغال التي لا تنتهي