الجزء 170من واش طيبتي اليوم 💝 كوزينة المفاجآت والصحبة الطيبة 💝 - الصفحة 38

ام طيري الجنة · 2016-10-07, 23:17

البنات بصحتكم كاااامل واش درتو مطرح ما يسري يمري
انا العشا سلفتي يكثر خيرها و( يشافيلها زوجها يا رب ' ادعيوله معاكم بنات ) رسلتلي تشيشة بالبوزلوف و انا زدت سلاطة منوعة و ياوورت و فاكية و الحمد لله
و الان تصبحو بالف خير يا الزينونات

x ام رحاب x · 2016-10-08, 07:12

السلام عليكم ورحمة الله وبركاته
صباحكم سعيد حبيباتي الي تنوض تشرب القهوة صخونة

x ام رحاب x · 2016-10-08, 07:28

اقتباس:

المشاركة الأصلية كتبت بواسطة أ م ساجد وسيم

سلام البنات اولا نبارك لبيبا لكوزينة جديدة وان شاء الله تكون خير عليك وعلينا كامل كنت باغية نباركلك من مدة بصح ماكنتش ملبزة كاش حاجة جديدة...

هذو كروكات الارز...

هذا ارز ام وليد نسيت واش اسمو خخخخخ

وهذا ارووووووع بريووووش تاع عازفة الناي تحفةةةةةةة
وحشيته بشوكولا.

هذي لامونةدرتها ليوم تاع ام وليدالمسيو عجباته اناماذقتهاش راني مريضة .

البنات يعطيكم صحة على واش حطيتو من سردين لطعام الحلحال ولوبيا وطعام صحي والمسكوتشو ولي كاب كيك كلش رووووووعة

اقتباس:

المشاركة الأصلية كتبت بواسطة omjoujou

السلام عليكم ورحمة الله وبركاته
مساء الخيرات حبيباتي
بيبا لحبيبة الف الف الف مبروك افتتاح هاذ الجزء الجديد تاع لكوزينة ان شاء الله تكون عتبة مبروكة ومربوحة عليك و علينا
انا هاذ الاسبوع جوزتو في حااالة الصراحة هاذ لمرض تعبني موغالمون اكثر منو فيزيكمون ربي يعجل في شفائي وكل المرضى
اسمحيلي بيبا راح نحطلك باروك من الارشيف تاعي لانو مانيش خلاص نصور هاذ ليام
قبل سع نرحب بالغاليات والله توحشناهم دائمة الحمد ام نسرين اسمهان ام مؤمن
بلا ماننسا حبيباتي حيوتة ام رحاب ام ياسو ام تاجووو ام كاميليا زقزوقتي توبة الغالية ليزا لعزيزا ام ابراهيم ام هدول ام سدرة ام ساجد
ارزاق اسيا ام البنين حياتي كلها امل امينة ارزاق فاتي 05 ام ساجد ووسيم روضة وردة الرمال ووووو القائمة طويلة لي نسيتها تسمحلي واكيد نرحب بالوافدات الجدد

اقتباس:

المشاركة الأصلية كتبت بواسطة أم هبوبة

ام طيري الجنة و ام رحاب فطوركم يشهي حتى انا عملت للفطور طعام بمرقة حمرا
توبة و الله غير توحشتك بالي ما تنسي حتى واحد في ردودك ما شاء اللله عليك
اسمهان طل القمى و الله عالم تحبرت علبك راك مدة كبيرة غاببة علبنا اللله يفرج علبك و علة الجميع
توبة حاولت نحمل صورة ااكعك مرة ثانية ان شاء الله تبان

اقتباس:

المشاركة الأصلية كتبت بواسطة omjoujou

اقتباس:

المشاركة الأصلية كتبت بواسطة oum yousra

سلام و صح عشاكم حنونات جبتلكم عشانا و الحمد للاه.

.

اقتباس:

المشاركة الأصلية كتبت بواسطة oum yousra

و هاذا كان غدانا اليوم.

.

اقتباس:

المشاركة الأصلية كتبت بواسطة omjoujou

اقتباس:

المشاركة الأصلية كتبت بواسطة omjoujou

ام جوجو اهلا وسهلا بهادا الطلة روائع كي العادة من يديك ربي يبعد عليك كل عين حاسد امين تسلك ايدك كلش متحوف
ام يسرى تسلم الايادي اكلك اتقول تاع المطاعم الفاخرة
ام هبوبة تسلم ايدك على الكعك راه باين بنين
ام ساجد ووسيم تسلم ايدك امممممممم كلش ايشهي يالشاطرة

x ام رحاب x · 2016-10-08, 07:33

اقتباس:

المشاركة الأصلية كتبت بواسطة amina 2003

جبتلكم عشانا
روز بالمرقة حمراء تع اللحم

اقتباس:

المشاركة الأصلية كتبت بواسطة فاتي 05

مساء الخير على الجميع و صحا عشاكم
حيوتة بصجتك الغراتان راه يسخف
ام هديل انت تاني بصحتك لابيري .
ام جوجو ربي يهدي بالك و يهنيك انشاء الله
امينة ابصحتك الروز و ربي يجيبلك الشفا.
عشانا اليوم قناوية و بوراك الدار اليوم سخفوا عليه وسلطة و الحمد لله.

و هذا تطبيقي لقاطو رولي درتو البارح و ماقدرتش نحطو النت ثقيل .

وهذا تطبيقي للسفنج تاع السميد

وهذا تطبيق خبز الدار اللي دراتو ماما

تفضلوا بصحتكم

اقتباس:

المشاركة الأصلية كتبت بواسطة chez biba

الحمد لله المنتدى زاد رجعلو هبالو هذا وين قدرت ندخل
راني جبت عشايا جاب ربي وجدت الصباح سينون ما نقدرش نكمل وتعشا عندي خويا
بسم الله

وهاذي للي ما زالت سهرانة

امينة بصحتكم الروز بالمرقة ايشهي وايجي خفيف
فاتي كلش فوووووووووووووووووووووور تسلم ايدك
شي بيبا تسلم ايدك شهيتينا مع الصباح كلش روعة تسلم ايدك

x ام رحاب x · 2016-10-08, 07:35

اقتباس:

المشاركة الأصلية كتبت بواسطة حياة نور الدين

هدا عشايا تفضلوا

تسلم ايدك عشاك هايل بصحتكم يادرا كاش مراكي تاكلي ولا الطيبي وماتاكليش ربي يجيبلك الشفا طولتي

x ام رحاب x · 2016-10-08, 07:49

بطاطا رولي

4

4 حبات بطاطا و2 حبات جزر و4 حبات بيض والفورماج حبات تاع لافاش كيري وشاف وملح وفلفل اكحل
ترابي البطاطا من جيهة الرقيقة وتعصريها مليح وترابي الجزر وماتعصريهش اديريهم في طبسي كبير واتحطي عليهم البيض وملح وفلفل اكحل واتخلطيهم ووجدي صينية وورق الطهي حطي ورق الطهي وادهنيه بالزيت وحطي المكونات تاعك كي شغل رايحة اطيبي قاتو رولي وادخليهم للفرن حتان اتشوفيهم حمارو من تحت ومن فوق
وكي اتخرجيهم رولي البطاطا تاعك باه اتشد لافورم تاع الرولي
في هاداك الوقت وجدي اللحم مرحي ديالك كيما العادة بصل ذبليه واحطي اللحم مرحي ديالك وكي قريب مايطيب تبليه سكنجبير فلفل اسود راص الحانوت شوية قرفة ومعدنوس مع الاخير
كي ايطيب الرولي ديالك ادهنيه من فوق بالفورماج شاف وحطي اللحم مرحي الي طيبتيه وزيدي حطي الفورماج لافاش كيري كل ماتديري الفورماج ايزيدو في البنة وروليه ورابي عليه الفورماج ودخليه للفرن قيس مايدوب الفورماج هادي اجي مقبلة ماشي طبق رئيسي ماتكفيش

فاتي 05 · 2016-10-08, 07:55

اسعد الله صباح الجميع

حياة نور الدين · 2016-10-08, 08:01

صباح الخيرااااات والانوار انا راني نوجدلكم باش تشربوا مع القهوة تع ام رخاب

ام رىحاب صباح النوى وحالتي مرة تتحسن ومرة نرجع كما حكيبتلك ربي يقدرني ان شاء الله

فاتي صباح النور

حياة نور الدين · 2016-10-08, 08:13

تفضلوا البغرير مع انه مجانيش كما مداري كسكاس خخخ

omhadil · 2016-10-08, 08:18

صباحكم زين اخواتى كيفاش صبحتو
دخلت لقيت ام طيرى الجنة خطفت التحلية تاعى وااااع معليش حنونة المرة الجاية نخطف الصورة ههههه

ام رحاب صباحك منور وهاتليى ءيك القهوة
ريحتها لاحقتنى ورانى نستنى فى حيوينة اجيبلى باش نشربها

صباحو زين للملتحقات

omhadil · 2016-10-08, 08:20

اوووو حيوتة جيت سواسوا مع البغرير
امممم يشهى اختى بصحتكم
وانا رانى جيعانة خخخخخخ

omomnia15 · 2016-10-08, 08:21

صباح الانوار على الغوالي توحشتكم مووووووووووووووووووووووووووووت
ام رحاب ان شاء الله تكوني بخير وشكرا على الوصفة
حياة كلش روعة وربي يطلعك عبى خير
امينة بصحتك الروز
فاتي كلش من يديك 44444444444444 تسلم الايادي
شي بيبا مبروك الكوزينة وطابلة بالطبع تسلم الايادي
ام ساجد وسيم كلش تحفة بصحتكم
لم جوجو شهيتيني الله الله على ذيك الماكلة
ام يسرى روائح واش حطيتي يسلمو
هذا واش راجعت الي مشفتهاش تسمحلي ويعطيكم الصحة على كلش علابالي شاطرات
فطوري خرشف باللحم وسلاطة ولله الحمد

x ام رحاب x · 2016-10-08, 08:22

صباح الخيرات عليكم فاتي وحياة وام هديل واش راكم اصبحتو بخير
حياة بصحتك البغرير يالشاطرة جاك هايل واش خصو تسلم ايدك وبصحتهم بناتك مطرح مايسري يمري
ام هديل ارواحي ليا انشربك القهوة الي على اصولو اهلا وسهلا بيك

x ام رحاب x · 2016-10-08, 08:24

ام امنية 15 واش راكي يالغالية والهرابة انسيتي العشرة وليتي ماتدخليش توحشتك حنونة واش راهي البنوتة الصغيرونة وبناتك ووليدك واش راهم ان شاء الله راكي بخير وفي صحتك واش احوالك

أم محمد تاج · 2016-10-08, 08:37

صباح الخيرات والليرات على الغوالي
بسييف لاقبلني المنتدى بسيييف
ام رحاب اغلى صباح ويعطيك الصحة على الاقتباسات ويعطيكم الصحة كامل كامل روائع
شفت جارتي الغالية ام جوجوو يالفين مراحب حنوونة وربي يشافيك ويعافيك يارب
ام امنية وينكم يارب وينكم انت والمازيتا والله توحشناكم رحتوو مرة وحدة واش احوالكم واش راهي المازا علاش ماتدخلش?? سلمي عليها بزاف بزاف
سمعت بالغالية اسمهان طلت ياااااااي على سلامتك حنووووونة وربي يشفيك ويعافيك يارب
يعطيكم الربح فاتي وتوبة تشاخن ستشاويث ياااااااي رباكنون يوش الصحة والعافية واكنون يسهنى يارب خخخخخخخخخخخخ
نحمل غدايا تاع البارح بوزلووف صووص في الفرن ولا اروع شكون مازال الراس تاعها نمدلها الطريقة وتدعيلي دعوة شابة??
ام كاميليا حنوووووونة قلبي معاك والله نكمل ميناجي ونردلك يالغالية على قلبي
حقة عندي ميناج كبييييييييير نبروفيتي في حبايب قلبي يحكمولي مريوووووووووومة هههههههههه
بوزلووووف صوووص في الفرن ولا اروع

حقة ام نسرين حنووونة شفتك راح تسقسي عليا ربي يخليك وانا مانتزعزعش منا باذن الله تعالى الا للشديد القوي هههههههههههه
طيابكم ولا اروع كامل كامل كامل بصحتكم ويعطيكم الصحة
غدايا عدس وخبز من برا لزوووم الميناج
في امان الله غالياتي وربي يعينكم يارب