الجزء 170من واش طيبتي اليوم 💝 كوزينة المفاجآت والصحبة الطيبة 💝 - الصفحة 34

فاتي 05 · 2016-10-07, 16:19

مساء الخير عليكن جميعا
بيبا بصحتك اللوبيا تشهي و انا نموت عليها ، الف لاباس عليك .
ام هدول القاطو هايل بالصحة و الراحة وبصحتك الشربة.
حيوتة اذا حبيتي نعلموك مرحبا راهي ساهلة.
توبة نتش اتشاويث ها حروروث سي غسيرة دائرة تكوت . و سنغ واد الطاقة خيار الناس نتشرف بيك.

أم هبوبة · 2016-10-07, 16:20

الف مبروك افتتاح الكو زينة والله يجعلها عامرة بالخيرات و المفاجاءات السارة يا رب
شي بيبا وصفاتك هايلة و طبعتها كامل باش نجربها و ان شاء الله نحط التطبيق
سلام ليكم كامل و روعة واش حطيتوا،
ليزا بالبركة عليك المزيود و الله يحعله من الدرية الصالحة و الطمينة روعة
روضة الله يشافي جدك و سلامي لام ماجد الله يرفع عنه المرض يا رب
سلام حار لام سهام الي توحشتها بزاف
هدا كعك عملتو للقهوة نتاع العشية

ام طيري الجنة · 2016-10-07, 16:22

السلام عليكم و مساء الانوار
هذا شحال ما رقدتش و اليوم كنت نراجع معاكم حتى نعست الحمد لله على النعمة
توبة ماشاء الله عليك لسانك حلو بزاف و قلبك الطيب يخليك ما تتجاوزي حتى وحدة في التعليق او في جريدتك الممتعة جدا تخلينا حتى حنا نراجعو الله يفرحك
روضة ربي يفرحك دنيا و اخرة يا الحبيبة و تفرحي بوليدك و تزيديلو خياتو يا رب و ندعي معاك من كل قلبي بشفاء جدك شفاءا لا يغادلر سقما يا رب
حيوتة واه راني نسمع راني نسمع بصح اسمحيلي حبيبتي ما نعرفش كيفاش نصغر الصور دوك نتعلم و ما نوليش نغبن اختي كانش ما تحن وحدة و توريلي هههه و بصحتك الكسكس بالحلحال
اسيا الزينة النور نورك يا الحبيبة ربي يوفيلك ما راكي متمنية
الاخت نعنوعة (هكذا قريتها انا ههه) ماعليش حبيبتي غدوة تتشمخ الحالة اللي راها ناشفة اليوم ههههه و تمتعينا بعشا هايل من يديك
حياتي كلها امل اممم بصحتك السردين و فطورك كامل راه يشهي
ام سدرة فطورك يشهي بصحتكم حبيبة
فاتي بصحتكم البربوشة و جمعتك مباركة
ام هدول بصحتك غدايا طبعا فوطوكوبي درك نحطه و شكرا على الوصفة لذيذة
امينة ربي يشافيك و يعاونك عل حفط القران لانه يعاونك حتى في استيعاب الدروس وحفطها بسرعة الله يوفقك
omhadil بصحتك الشربة فريك و القاطو رااائع يعطيك الصحة
بيـــــــــــــــــبا الحبيبة بصحتك اللوبيا بلاك غدوة اندير البيضة ايلا ما نسيتش نشمخها هههه
[ام هبوبة مساء الانوار هذا زمااان ما تلاقيناش على هذه الصفحات ان شاء الله راكي بخير مع الخدمة و الدار ربي يعاونك

درك نحط صور غدايا

أم هبوبة · 2016-10-07, 16:24

أم هبوبة · 2016-10-07, 16:26

ام طيري الجنة واش راك و الله غير توحشتكم كامل كل وحدة باسمها

ام طيري الجنة · 2016-10-07, 16:30

درت طعام ام هدول يعطيها الصحة بنين و صحي

[IMG][/IMG]

وبما انه يجي بلا لحم درت الى جانبه لحم في الكوكوت على نار هااااادية جا امممممممممم
[IMG][/IMG]
[[IMG][/IMG]

[IMG][/IMG]

حيوتة راني درت صور صغار نورمالون باش يخرجولك

فاتي 05 · 2016-10-07, 16:33

بصحتك ام طيري الجنة البربوشة و لحم الكوكوط يشهي مطرح ما يسري يمري حبيبتي

ام طيري الجنة · 2016-10-07, 16:43

الله يسلمك حبيبتي فاتي و ام هبوبة
ام تاجو حبيبتي ان شاء الله تكوني بخير و تدخلي تمتعينا باطباقك
انت و ام ماجد ربييسهلها امورها
و حبيبة الجميع دائمة الحمد و الغالية ام سهام و خفيفة الدم ام ياسووو الحلوة و ليزتي راها غايبة اليوم ربي معاها
وكل الغاليات ربي يحفطهم و يسهل امورهم

طالبة رياضيات · 2016-10-07, 17:05

جبتلكم قهوة
هاي ليك اختي توبة قلتيلي بلي تحبي القهوة تع ماما تع العشية

*توبــــة* · 2016-10-07, 17:24

حيوووتة بصحتكم الكسكس ضرك نضرب طلة عليه لهيه
وتسلميلي على احلى الدعوات يا الغالية
ام هاجر حبوووبتي شهيتيني ف السردين امممممممممم بصحتكم
ام سدرة حبيبتي الجاجة تشهي مع الروز.. يعطيك الصحة
فاتي بصحتكم أبربوش .. وخيار الناس ايغوسار.. عندي صاحبتي من تكوت
نموووت عليها.. هذيك اللي موالفة نحطلكم طياباتها
ام هدووول بصحتكم البربوشة... ااااو اليوم تفاهمتو عليها وكل وحدة اديرها بشكل خخخخخخ
ام هديل بصحتكم الشربة والحلوى تهبل تهبل ماشاء الله
بيبا بالشفا عليك يا الحبيبة والله حالتك نفسها حالتي انا تاني راني في حالة
اللوبيا ويلا هذيك الحمرا طيحي بالوصفة حالا بالا :d
ام هبوبة ليك وحشة عزيزتي.. وخسارة ماطلعتش عندي صورة الكعك
ام نسرين امممممممم الله الله على ديك البربوشة... اليوم صح شهيتوني فيها
ومع العنب والتمر راني شفتهم واديتهم لا تحسابي ماشفتهمش هههههههههه
واللحم صورتو رايحة تنطق يمييييييي
يا عمري يا امووونة يا حبيبة قلبي والله فرحتيني ربي يفرحك وينجحك
وسلامي الحااار الحاااار لماماتك الغالية وبوسة ليها بالجغابل هههه اممممممممممح
والله شهيتيني... تسلميلي يا اموووورة

اسمهان79 · 2016-10-07, 17:29

السلام عليكم ورحمة الله وبركاته
راني جييييييييت بيبا
نضن هاذي أحلى مفاجئة خخخخخخخخ
سامحوني على الغياب صح راني نضرب طلة مرة على مرة بصح غير نحوس على كاش وصفة
ضروفي جازت شوية صعيبة ربي اللي عالم
بصح راح نرجع أكيد
أحلى سلام للكل

*توبــــة* · 2016-10-07, 17:33

ولك يا اسمهااان مش مصدقة انك هوووون يا بنت :d
بلاك غلطتي ف العنوان يا مخلوقة خخخخخخخخخ
والله توحشتك قد السما والارض والبحر كمااان
ان شاء الله تكون ظروفك مليحة وارتحتي
وماتزيديش تبعدي علينا يا الغالية

ام طيري الجنة · 2016-10-07, 17:53

توبة بصحتك حبوبتي تستاهلي كتر يا العزيزة
اسمهان اهلا بعودتك يا فنانة الكوزينة وربي يسهل كل امورك

x ام رحاب x · 2016-10-07, 18:06

هادا فطوري اليوم

وهادو ليكاب كيك بلاكرام شونتي

oumelabedmh · 2016-10-07, 18:07

السلام عليكم.كيفكن فحلات بلادي.حبيت نرد عالاخت الي سالت على عصير الرمان اولا كاينة وصفة للاخت انا امهم ربي يذكرها بخير في المنتدى لكن للاسف ما نعرفش نحط الرابط هي درارتها مع البيطراف لكن انا شخصيا نعصرو عادي كيما البرتقال والليمون يعني نقسمو علو زوج ونعصر في العصارة للاولاد منعش وطبيعي.ربي يشفي مريضكم وكل مرضى المسلمين.سلام ام العبد