الجزء 169 من واش طيبتي اليوم - الصفحة 62

حياة نور الدين · 2016-09-26, 08:52

ام هدول صباحك منور سعيد حنونة

انا فطوري بواقي الله

نخليكم نروح لاشغالي

ربي يوفقنا

حقا قريب ما نسيت تفضلوا وصفة ام تاجو مسكنجلة

x ام رحاب x · 2016-09-26, 08:56

عائشة الله ايفرحك والله ضحكت بالدمعة على الراجل ورومانسية تاعو ربي يخليك
دوك صح انخليكم زوجي ناض انحطلو القهوة بلاك امبعد ايلا قدرت انطل عليكم انقلكم ربي يعينكم جميعا
انسمو بسم الله ونبداو الماراتون

أم محمد تاج · 2016-09-26, 08:56

طل القمر يارفيقة الدرب والرووح والفين مراحب وكي تشربي حبوبي حبيبي تاعووو دبري راسك حطي اطايبك هههههه

هههههه عائشة يعطيك الربح على النكت ضحكت بالدموووع الله يفرحك حنووونة
تسلميلي على الكلام الطيب ام هدووول وست الكل ربي يخليكم حبيباتي

نكمل الوصفااات

أم محمد تاج · 2016-09-26, 09:06

سلاد دوفروي على طريقتي طبعا هههه

زوج تفاحات وزوج موزات وكمية من العنب مقطع نصغين ومنزوع النوى وباطة اناناس معلب وباطة خوخ معلب
نقطع الفواكه ونحطهم في صحن غميق ونضيفلهم نص كاس من ماء الاناناس ونص كاس من ماء الخوخ ونص فنجال ماء زهر وكاس كبير عصير رامي كوكتال خوخ وفراولة وبرتقال مممممممم وزوج مغارف كبار سكر وانت تتحكمي في الحلاوة ونحط فيهم قشور ليمونة بصح مقطع طراف كبار يطلقو البنة ومن بعد نحيهم نخلي الكل يطلق النكهات تاعو تقريبا 3 ساعات ونقدمهم في كؤوس التقديم والتزيين كل وحدة وشطارتها انا قطعت الفواكه كبار وحطيت مع الكؤوس لي باي باش يشربو العصير اللذيذ وحطيت معاهم بروشات كي شغل فرشيطة صغيرة يهزوو بيها الفواكه.
كل وحدة والفواكه لي عندها
وماء الاناناس والخوخ راح يمنع تاكسد الفواكه رووعة تبقى هي هي حتى كي صبحت كلش بقى بطبيعتووو.

حياة نور الدين · 2016-09-26, 09:21

اقتباس:

المشاركة الأصلية كتبت بواسطة أم محمد تاج

سلاد دوفروي على طريقتي طبعا هههه

زوج تفاحات وزوج موزات وكمية من العنب مقطع نصغين ومنزوع النوى وباطة اناناس معلب وباطة خوخ معلب
نقطع الفواكه ونحطهم في صحن غميق ونضيفلهم نص كاس من ماء الاناناس ونص كاس من ماء الخوخ ونص فنجال ماء زهر وكاس كبير عصير رامي كوكتال خوخ وفراولة وبرتقال مممممممم وزوج مغارف كبار سكر وانت تتحكمي في الحلاوة ونحط فيهم قشور ليمونة بصح مقطع طراف كبار يطلقو البنة ومن بعد نحيهم نخلي الكل يطلق النكهات تاعو تقريبا 3 ساعات ونقدمهم في كؤوس التقديم والتزيين كل وحدة وشطارتها انا قطعت الفواكه كبار وحطيت مع الكؤوس لي باي باش يشربو العصير اللذيذ وحطيت معاهم بروشات كي شغل فرشيطة صغيرة يهزوو بيها الفواكه.
كل وحدة والفواكه لي عندها
وماء الاناناس والخوخ راح يمنع تاكسد الفواكه رووعة تبقى هي هي حتى كي صبحت كلش بقى بطبيعتووو.

ام هدول · 2016-09-26, 09:22

يعطك الصحة ام تاجو ....طرقتك فووووور ....في تحضيرك للاطباق والتحليات ...انت معلم ...وحنا منك نتعلم ......
حيوتة بصحتك البواقي وشكرا عل الوصفة المسكنجلة ....الكلمة لخرة بسف نطقتها ...
نروح نكمل شغلي ....تبلت في الليل اللحم مفور ...وحطيتو الصباح يفور ...ونرافقو بالبطاطا سوتي على طريقة الهام
حقة عائشة جبتلك هادي خص نص ....من عند عمي قوقل باش ..تكملي يومك ....مع النكت لي حطتي ....قتلوني بالضحك ....خاصة الرومانسية .....ههههههههههههههههههه

أم محمد تاج · 2016-09-26, 09:27

الله يخليك حووووتة وروحي ربي يتمملك بخيير ويرزقك مولود بهي الخلق والخلقة يارب
ام هدوول حشمتيني يعطيك الربح مواااحاتي
في امان الله يالغوالي نكمل شغالاتي ونجي نحطلكم اارووز واللحم المفور والصووص المرافقة للروز

oum ibrahim · 2016-09-26, 09:33

راجعت الصفحتين الاخيرتين يا لهوي يا ريتني ما راجعت اطايبكم روااااااااااااااااائع ماشاء الله من قهيوة ام الاء و حلوياتاها و عشا حيوتة و هذاك الجواز اممممممممم يشهي و الي كمل عليا خيرات الغالية ام رحاب ليك وحشة حنونة وشراكي ان شاء الله بخير
هذا واش هز مخي اسمحولي حبيباتي و الله ساعات نراجع و نعلق و نشركم في قلبي كما تقول ام كوثر الي توحشنا شريبتها
البارح تفكرت ام خالد اسلام و عطورة و ام الهضاب و ايمان لايدي البطبوطة و القائمة طويييلة يارريت ينورونا بطلتهم
وتاني شفت زينوبة دخلت توحشناك يا غالية طولت الغيبة ان شاء الله تكوني بخير

وردة الرمال43 · 2016-09-26, 09:50

صباح الخير يا حراير بلادي ربي يعطيكم صحتكم ويباركلكم فيها
اليوم راني صايمة والبارح تاني بصح البارح وانا ندير فالعشا درت معكرونة نسيت على روحي وذقت حبيبة باه نشوف اذا دخلها الطياب وااااااااااااااااااااع ومافقتش حتى من بعد شوية باه تولهت مع روحي وقلت راني صايمة ههههههههههههههه والله غاضتني روحي وراني من الصباح وانا نسيي نحط الصور وماقدرتش ...........المهم جات تهبل بصح راجلي والله ماذاقتلو حبة ................ربي يعيني معاه قلتلكم راهو صعيب فالماكلة مع اناتربيت ناكل كل شي كل انواع العجائن والخضرة مي هو لا ربي يجيب خيرو والصور راني نسيي حتى يصلحو

زينب 83 · 2016-09-26, 09:51

صباح الخير حبوبات

مازال ما مارجعت حتى صفحة لكن حبيت ندخل ندعيلكم بالتوفيق
يوم سعيد و موفق للجميع
غدايا دجاج دجاج محمر مع ؟؟؟؟؟؟؟؟؟ المرافق مودر ههههه

سأوافكم بالصور لاحقا

سلام حبيباتي

حياتي كلها امل · 2016-09-26, 10:08

صباحكم سعيد شكرا ان تاجو على الوصفات والشكر نوصول لحياة و ريمة الي عملوهم مصورين سهلونا المهمة
ام رحاب اطايبك ماشاء الله ام الاء شكرا على الحلويات النتقونة
حياة شكرا على الشكلاطة ام هدول وشراكم
ام ابراهيم كيفك مع الحمل ام ياسين زينب ام البنين وردةيومكم موفق
عاءشة قتلتيني بالضحك على النكت ربي يهنيك.

جازيا ام البنات · 2016-09-26, 10:09

ريمة التليتلي تع البارح يشهي والوان فيه باهية اممممممممممم متمنية نجربه كاش نهار شكرا على رابط الوصفة.البريوش طووووووووب بصحتكم.....و شكراليك على الدعاء لبناتي ولابنائك بالمثل
زيكا طبعا الطبق راااااااااااااااااااااااااااااااائع وبنين وابو البنات طالب بالاعادة والله غير فرحت بزاف كي عجبهم حتى انا عجبني الله يعطيك الصحة انت والمميمة ويخليهالك امانة سلمي عليها في الجبين وقوليلها تبارك الله عليك ربي يرزقها زيارة بيت الله الحرام.....سقسيتي على فطوري ايه هدوك لباط تع الصحن الطائر عملتو بالبيشاميل وفي الوسط عملت حشو صوص باللحم المرحي وبيانسور الفرامج في الوسط ومن الفوق حقا الفريجيدار تعك معمر بالخيرات ماشاء الله عودة ميمونة لبيتك
اسيا 27 يمي يمي البركوكس يسخف راه فخاطري بلاك هاد الاسبوع نعمله ياي يهبل
ام هدول بصحتكم اللوبيا والتطبيق ناجح 100/100
ام الاء تطبيقك رائع عجبتني طريقة غلق الجوانب شابة اعطاتو منظر شبابربي يباركلك في هدوك اليدين
عائشة الف الف مبروك الكارثة المطبخية ماقلتيش من اي نوع
موسطا الرجوع للاصل فضيلة بصحتك العدس والسفنج هدا وقتو كي يشريلك البدعية وريهالنا نقرعجو شوية نشوفوه يلا يعرف يخير
ام تاجو شكرا على الوصفات ربي يخلك والمشكل كلنا رانا نعانيو منو بلاك نديرو يمظاهرة ياالاضراب
بيبا بصحتكم الماكرونة ومرة على مرة طلي علينا ومتعينا باطباقك الزينة يازينة
ام رويدة بصحتكم الطعام من ايامات العيد واطباقك والله تحفة وتعجبني دون مجاملة الله يعطيك ويمنيك ويرزقك من حيث لاتحتسبين
فاطمة القالمية شكرا على الحلو ياحلو ربي يحلي ايامك
ام امينة مرحبا اختي واش راكي لباس
ام هاجر بصحتك المفور الصحي انا تاني درت المفور بصح حزر فزر انا درت راس السلطان هههههههههههههههه
حياة بصحتك الجواز نموت عليه خصوصا كي يكونو فيه7 خضاري
ام البنين الحمد لله كي رجعتلك النت معليش يمكن تراجعي من الاقتباسات البنات ماشاء الله عليهم قايمين بالواجب على اكمل وجه ربي ينور وجوهم
بصحتك سوب الخضار والشفلور مأكول الهنا

جازيا ام البنات · 2016-09-26, 10:19

هدي اطباق البارح راس مولاي السلطان فورتو عاود دخلتو للفرن مع الصوص الحمرا خا بنين بزاف ومافيهش اليدام يعني صحي 100/100 رافقتو بالسلاطة والمخللات

وردة الرمال43 · 2016-09-26, 10:30

الله يبارك اختي جازيا باينين يشهو امممممممممممممم

جازيا ام البنات · 2016-09-26, 10:33

الغريبية لي طلبتها ريمة
250غ سمن بحرارة الغرفة يعني يكون طري (ماشي دايب غامولي)
250غ زيت نباتي نوعية جيدة
250غ سكر رطب
ملعقة صغيرة لفاني
شوية قرفة
01 خمارة حلوى
1كغ فرينة
الطريقة
نخلط كل المقادير مع بعض لما تلتم العجينة نبدا نشكل كريات متوسطين وفي وسط كل حبة نرشق حبة لوز او نذرذر شوية قرفة ندخلها للفرن على درجة حرارة160 تطيب بيضاء وتتشقق