الجزء **168* من واش طيبتي اليوم.. كوزينة تحضيراتنا لعيد الأضحى و رجوع الغايبات - الصفحة 15

ام سوهيل · 2016-08-29, 08:43

صباح الخير يا الفحلات وش رراكم اسمحولي مزل مرجعت ولو اليمس خرجت في المساء وكي رجعت مع المغرب درت عشاء خفيف ميشدش اليد

لسوب هديك لي انا تع العدس الاحمر تع فقر الدم لزمني نكلها صبح وعشيا بسبب الحمل

الفطور راه مودر كاش ملبزة نصورلكم

omhadil · 2016-08-29, 09:56

صباح السعادة والسرور كى صبحتو ياهل
الكوزينة
صح قهيوتكم
ام سهيل بصحتكم لعساء الخفيف
وربى يسهلك حملك
سلااام للجميع

*توبــــة* · 2016-08-29, 10:18

صباااااح الانوار غالياتي

واخييييييييييييييرا رجعت النت عندي

هذا وين قدرت ندخل

نراجع ولي عودة ان شاء الله

oum ibrahim · 2016-08-29, 10:20

صباح الورد يا وردات
وحشتوني وحشتوني وحشتوني على قولة وردة الجزائرية هههههههههه وشراكم واش احوالكم ان شاء الله بخير
انا و لله الحمد راني لباس مريت بشوية ظروف صحية في رمضان و ظروف عائلية في العيد و الان الحمد لله على نعمه
نشكر كل الغوالي الي سقساو عليا و على راسهم الغالية رفيقة الروح و الحياة ام مريومة بلا ما ننسى حبيبة طاطاها مريومة الفحلة و ام محمد 5 و فايزة الي تطل من وراء الكواليس ونادية الي هي زهرة اللوتس نقولك انا تاني توحشتك و توحشت حلوياتك و اطباقك و كاااااااااااااااااااامل الغاليات الي منورين الكوزينة باطايبهم
راجعت الصفحة الاولى فقط و قريت مقدمة توبة الغالية و الله فكرتيني بالذي مضى يااااااااااااااااااااااااااااه ايام لا تنسى و يااااااااااااااااارب ترجعلنا و ترجع معاها الغايبات
هدرت بزاف و ما جبت والو في يدي وكالعادة عندي مجلد صور من قبل رمضان وارواح هههههه نحاول نعدلها و نحملها في وقت لاحق
طمنوني على العسلاية و ام كامي واش اخبارهم مع الحمل يارب يسهللهم و يعطيهم وقفة ساهلة يااااااااااااااااااااااااااااارب

*توبــــة* · 2016-08-29, 10:55

ويلا هك نتكل عليكم راكم طهليتو ف الكوزينة في غيابي

ام هديل عزيزتي والله نورتيني وفرحت بتواجدك معانا... ان شاء الله ماتزيديش تغيبي يا الحبيبة
وباروكك حلو كيييفك يا حلوة

ميليسات جامي رحت للحمام مي والله سخفتيني يا موصيبة هههههههههه بصحتك
البيتزا تشهي تشهي يميييييييييييي..... ربي يحلي ايامك يا الحبيبة ويرزقك وش تتمناي
عاجلا غير اجل يااااااااااااااارب

سما83 راكي منورتينا حبيبتي ...... والكوزينة ماعليكش راكي تسيقيها كل ليلة هههههههه

ام كاميليا حنونة صيبي راحتك.... المهم تكوني مليحة وتسلكي على خير ياااااااارب

مريموووووووووومة ما درتي فيا بقهيوتك يمييييييييييييييي
المحكوك مالقيتش صورو هههههههههه والاشغال الشاقة والله ديما معاهم مايكملوش

ام ياسوووو حتى انا نهار السبت كنت ف البلاد نزنق
باروكك راااااااائع محجوبة الكسرة نموت عليها مي اكثر من عام مادرتهاش
الكروكي لونو هااااااااااايل ربي يبارك... يعطيها الصحة بنتك الفحلة ماشاء الله
واللمونة بانة خفييفة وبنينة اممممممممم... حقا صور تارت العنب ماااكانش

ام اناس ليك وحشة يا الحبيبة......... كيفك ان شاء الله تمام؟؟؟؟؟

ام سدرة حنوووووووووووونة وش راكي؟؟؟؟ قوليلي الدخول المدرسي عندكم موعدو كيما حنا؟؟؟؟

ام سوهيل يا الغالية والله نورتي الكوزينة... ولي تارت رووووووووووووعة يعطيك الصحة
وربي يكمل لاختك على خير يااااارب
شربة لسان العصفور اممممممممم تشهي مع هذاك العنب ياااعيني نموت عليه
والبيتزا سااااااامبل هك نشتيها......... بصحتكم حبيبتي
ربي يثبت حملك ياااااارب

زيكا يا الحبيبة شفتي والله دارتها بيا الكونكسيون... تقطع الكابل بالجمعة ونهار السبت كي عدلوه احنا كوباوها عليها وقعدت نحاول فيهم يسلكوها خخخخخخخخخخ حتى لبارح باه رجعت ...
والله والله فرحتيني بكلام ام حساااام ... مالقيت مانقول ... كلامها يدخل للقلب....اما باروكها قال لباروكك اقعد ثم
ههههههههه راااااائع راااااائع ماشاء الله ... ربي يتقبل المعروف.... ربي يباركلها ويزيدها من نعيمو
وربي يجعل حسام من الذرية الصالحة يااااااااارب
اما البغرير هذي ضربة قاضية... قضيتي عليا مع صباحات ربي خخخخخخخ:co nfused:
هاااااايل هااااااااااااااايل ماشاء الله.... وام وليد وصفاتها ربي يبارك كلهم رووووعة ربي يجازيها كل خير
انتظري مني انا تاني لي سوفلي خخخخخخخخخخخ واحدة بواحدة
وبطاطا كباب تشهي تشهي يميييييييييي يعطيك الصحة يا الفحلة

فاااصلة نورتينا حنوووووووونة

زهرة اللوتس ياااااااااااااااه كلامك اثر فيا والله... شفتي ايام الكوزينة ... والغاليات راهم غايبين
ان شاء الله يرجعو ينورونا ويفرحونا كيما فرحتنيا انتي يا الغالية
ماكثرتي الهدرة ماوالو هههههههه راني نقرا ونعاود ... صدقيني كلامك يدخل للقلب
وباروكك راااااااائع يا الحبيبة ... حلوياتك باهية ومتحوفة ماشاء الله ربي يجلي ايامك ان شاء الله

ام ابراهيم يااااااااااا الغالية والله ماصدقت رجعتيلنا
الحمد لله ... هذي هي الدنيا ساعة نطيحو ساعة انوظو .... ربي يفرج علينا كااامل
ماعليش المهم طمنتينا علينا والباروك براااحتك........ وراك والزمن طويل هههههه

أم سدرة · 2016-08-29, 11:17

صباح الخير عليكم واش راكم يعطيكم الصحة كلشي تحطو فيه 444444444
توبة غدوة الدخول المدرسي واااااع ربي يقدرنا

om kamilia · 2016-08-29, 11:48

السلام عليكم ورحمة الله وبركاته
توبة , الين وكل الاخوات

أم محمد تاج · 2016-08-29, 12:34

سلاماتي يالغوالي يا حبايب قلبي يا بطاااااات
والله فرحت بزااف بزااف بالغالية زهرة اللوتس وكلامها الطيب وعودة الغالية ام هديل ورفيقة الدرب والروح ام برهووووم الف حمد وشكر كي راكم بالف خييير وطمنت على حبيبتي ام كاميليا على وجه ربي سجلي حضورك انت والغالية عسل سل نطمنوو عليكم
كنت غايبة عندي عراس ومباركات ربي يدوم الافراح علينا وعليكم يارب
نراجع اكييد اكييد حطيتوو الخيير والخميييير وشميت اطايب زيكا الحلوة ربي يحفظك ياطيوووبة

أم محمد تاج · 2016-08-29, 12:41

على قولة ام سهيل الغالية لي حاطة الاطايب بدون ذكر الاسماء راهي توبة الحبووبة قامت بالواجب وزيادة ربي يبارك فيها ويباركلكم في ارزاقكم يارب
طب حبيبة الطاطا فيييييين ان شاء الله خيير

أم محمد تاج · 2016-08-29, 12:46

حبيباتي نبدالكم تحضيراتي للعيد مع اني مازلت مابديتش عيد الاضحى خفييف ظريف على الكل
حبيباتي بما انو تزامن مع الدخول المدرسي والميزانية تخربت على اللخر هههه راح ندير دي قاطو خفاف على الاغلب غريبية وصابلي وكروكي لزوم القهيوة ولازم حاجة حلوة وندير خبز الدار بكل تاكييد عندوو نكهة خاصة بلحم العيد وندي منو لعجوزتي نذبح عندها ونوجدوو اعواد الشواء والفحم ونمضيو السكاكين ونمضيو اسناننا هههههه ونشريو الهريسة لزووم الشواء والمشروبات وكي نتفكر راح نزيد هنا تحضيراتي وحقة بلا ماننسى ميناج خفيف ضريف وكي يفوت العيد باذن الله نضف الكوزينة لزوم ليدامات والحمد لله
ربي يدوم علينا النعم ويبلغنا العيد الاضحى بكل فرح وسروور وهناء وصحة وعافية يارب

هيا كل وحدة تحط تخضيراتها يالفحلات

انا هي رزيقة · 2016-08-29, 12:50

السلام عليكم نهاركم زين يا الزينات يا عمري ولات توبة و الله فرحت برجوعك حنونتي كنت علابالي بلي ميبعدش عن كوزينتك الا الشديد القوي ....خخخخخ ربي يحفظك على داك الكلام الزين و الرزين يا احلى توبة و الله مخليتيلي منقول ديتيهالي تع الصح ...خخخخ
راني نشوف الصفحة منورة و الله يا عمري دخلت ثاني زهرة اللوتس صدقيني اختي و الله و الله نموووت على كلامك غير طولي قد متقدري و زاد جبتي معاك هذوك التحف الفنية مشاء الله عليك اختي نادية و الله ابداع دون مجاملة ربي يحفظلك دوك اليدين و يباركلك في نعمو يا رب
و يا لهوي زادت دخلت ملكة الحلو دون منازع ام برهوم الغالية هنا خلاص متت من الفرحة خخخخخ ربي يطمنك اختي كي طمنتينا عليك و الحمد لله على كل حال المهم راكي بخير و عودة ميمونة ان شاء الله
ام تاجو العسل نهارك عسل يا احلى من العسل ربي يحفظك على كلامك الطيب يا طيوبة و الله حضورك يزيد النص في هذ الكوزينة ربي يحفظك لينا يا ام مريومة
ام سدرة الجميلة ربي يعينك على الدخول المدرسي حنونة متنيسايش جبيلي الروز كي طيبيه و الله نظل نقرعج و نزيد كي تحطي الروز تاعك عندو ميزة خاصة به
اختي ام سوهيل بصحتكم محبوبة الجماهير الفريت اومليت و ربي يسلككك على خير حنونة
صباحكم فل و ياسمين ام هديل و ام كامي و ام ايناس

*توبــــة* · 2016-08-29, 12:53

حبيبات ألبي جوزو تتغداو
موالفة ام جوجو غداها ديما الاول

اللهم بارك لنا فيما أعطيتنا

انا هي رزيقة · 2016-08-29, 12:58

ايه فكرتني ام تاجو بتحضيرات العيد ربي يبلغنا و اياكم هذاك اليوم المبارك . انا ثاني وصيت راجلي يدي يمضي السكاكين ويشري فلفل حار ناوية نرقدو على طريقة ام ساجد ربي يذكرها بالف خير . اختي ام ساجد و الله توحشناك و توحشنا خيراتك ان شاء الله المانع خير و ترجعيلنا مع هذ العيد المبارك .

ايه و هذ ليامات نشريو الكبش كي نشريه نصوركم ...... خخخخخخ و ثاني رايحة ندير كروكي ام اماني و كي نتفكر حاجة اخرى نزيدهالكم

أم محمد تاج · 2016-08-29, 13:00

اسمحولي حبيباتي على وصفة الكنافة هاي ليكم

كنافة بالقشطة والله رووعة وطعم مختلف وجديد علينا

كمية من القطايف انا استهلكتلي 700غ قطايف نقسمهم على كميتين متساويتين
اولا نوجد القشطة وهي :نصف لتر حليب نزيدلو 3 مغارف كبار معمرين نشاء ونخلطهم مليح ونحطهم على النار راح تستغربوو مافيهاش سكر نعم مافيهاش سكر وتجي رووعة رووعة على ضمانتي كي يغليو وتخثار الكريمة نضيفلها نص مغرف صغيرة فانيلا واربع فرماجات لافاش كيري او اربع ملاعق قشطة بووك الصراحة الصراحة عجبتني بالفرماج احسن نحطها على جنب ونغطيها
نجيو للقطايف الكمية الاولى نضيفلها زوج مغارف كبار سكر قلاصي ونرشو بالسمن ذايب مانكثرش غير نسمغو خفافي ونرصو في المول ونطلع شوي لحواشي باش ماتلصقش الكريمة في المول ولازم نغطيو كامل المول بالقطايف باش ما تتسربش الكريمة ونوجد الكمية الثانية تاع القطايف نفس الطريقة سكر قلاصي وسمن ونشعل الغرن يسخن مليح مليح ونقصو كيما المسكوتة
نحط الكريمة على القطايف ونسويها مليح ومانوصلهاش للحواشي تاع المول ونزيد نحط على الكريمة الطبقة الثانية تاع القطايف ونعدل مليح ونغطي الفراغات ونعدل بالسسياسة ونرش شوي سمن ونحطها طيب كي تحمار على الحواشي نشعللها من فوق تحمار وكي طيب نسقيها بعسل مخفف بماء الزهر على مرتين نسقي الكاس الاول وهي داخل المول ومن بعد نقلبها في صحن ونكمل نسقيها بالكاس الثاني لازم تجيكم شاربات خفيفة مايش عسل ثقيل تديلكم زوج كيسان كبار شاربات ونخليها تبرد مليح ونزينها بالبيستاش ولا اي نوع مكسرات
صدقوني طعم ولا اروع والقشطة المحشية راح تتسكر ماتخافووش وراح يجيكم ذوق حلو مع ملوحة القشطة رووعة

وهاي ليكم كنافة بالمكسرات
حبيباتي نفس الطريقة والخطوات فقط في بلاصة القشطة نحط مكسرات مشكلة مرحية خشين وتكون طبقة خشينة ومانضيفلهم والووو وبالصحة
وكامل لي ذاق تاع القشطة وتاع الممسرات عجبتهم تاع القشطة ذوق جديد
ايدورنو الغالية ولا لي راح تنقل الوصفة الصور راهم في الصفحة الثالثة من الكوزينة

انا هي رزيقة · 2016-08-29, 13:01

اقتباس:

المشاركة الأصلية كتبت بواسطة *توبــــة*

حبيبات ألبي جوزو تتغداو
موالفة ام جوجو غداها ديما الاول

اللهم بارك لنا فيما أعطيتنا

يا مامي على الكريمة بنت الكرام فطور خفوفي كيما يحب خاطري و يا عيني على الخبز شهيتيني فيه انا كنت ناوية هذ ليام نجرب تع ام وليد و انتي اش من وصفة درتي باه نشوف لي جاتني ساهلة نديرها