الجزء **168* من واش طيبتي اليوم.. كوزينة تحضيراتنا لعيد الأضحى و رجوع الغايبات - الصفحة 8

آسيا 27 · 2016-08-25, 14:00

روضة البركوكس امممممممممممممممممم الله يعطيها الصحة جداتك
زيكا هلوووووووووو لي سوفلي و الفطيرة المضفورة يهبلو بصحتك
ام جوجو الروز تاعك
ام البنين حياتي بصحتكم الخفيف الضريف
ام سدرا ما شاء الله عليك وعلا طيابك
ام ايمان يا مستخبي البقلاوة بزااااااااااف 44444444
توبة الله يسلم ذوك اليدين على السفنج والكسوة و اللوبيا و ارشيفك رااااائع
كهينة حلوياتك فييييييلم خاصة صينية البقلاوة هبلتني
اريج عشيتي بسكرة كلها بالبيتزا و لي فولوفون ههههههه شطورة
ميليسا الحلوة حلوياتك تحف
ام تاج عجبتني الكنافة الي بالقشطة اعطيني الوصفة من فضلك
حياااااااااااااتووووو توحشناااااك بزااااااااف طلي علينا
من بعد نولي

*توبــــة* · 2016-08-25, 14:36

مريوووومتي بالشفا عليك حبيبتي..... مدامك رايحة للعرضة مانخممش عليك ههههههههههه
خلاص خليك مريحة معايا هنا ف الكوزينة خخخخخخخخ
على بالي بيك فحلة مام مريضة شغلك تخدميه
ويلا رحتي للعرضة...... صوريلنا شوي :d:d

زيكا حبيبتي ماتعرفيش مريووووووومة مكراشة داتهم في زوج وزيد راهي مريضة راهي غير تدلل علينا خخخخخخخخ
والله اصيلة يا الحبيبة مالقيت مانقولك....... ربي يعينك مع شغلك ... امممممممممممح ليك
شوفي حبيبتي باذن الله نجربها كي مايبانش ذوق الخضر

ام البنين يا الحبيبة ولوووووووووو حتى اطايبك راااااائعة ... بركاي ماتبعدي العين هههههههه

اسوووووووس كنت رايحة نجيك بالبشماق مزية سبقتيني ههههههههههه
يا طفلة نتي اللي وين راكي غاطصة..... تحسابي انا نزاكر من ورك؟؟؟ خخخخخخ ماتخافيش كنت برك مع
الاعراس والبحر وضرك راني مع الدار
عشاااااك هااااااااااايل حبيبتي البرانية والدلاع خبيهولي نبرد قلبي :d

رووووضة بنت خالتي يعطيها الصحة جداتك بركوكس بالشان والهمة هههههه والله هااااااااااايل
ربي يحفظهالكم ياااااااااااااارب
السلطة تاعك شهية اممممممممممم .... بانتظار حلوياتك يا حلوة

ام سدرة التليتلي هاااااااااايل اممممممممممم ماشاء الله والله شهيتيني فيه عندي بزاااف مادرتوش
بصحتكم حنوووونة

*توبــــة* · 2016-08-25, 14:37

حبووووباتي عندنا ضيفة

مع تروح ان شاء الله نرجع ليكم

بيلسان91 · 2016-08-25, 15:21

ماكانش اللي تجاوبني على كريمة الزبدة
ام تاجو راني جبدتها من الكونجيلاتار بعد منقدرش نرجعها دوماج
لازم نخدم بيها اليوم ولا غدوى

melissat · 2016-08-25, 15:25

السلام عليكم ورحمة الله وبركاته
راهي الأجواء زاهية بالخيرات ماشاء الله تبارك الرحمن
دخلت ديراكت لقيت توبة الحبوبة خارجة عندها ضيفة ..معلش حبيبتي قعدي معاها و تهلاي فيها وقومي بالواجب راني نعرفك بنت أصول. . بعد ارجعي قرعجيلنا ههههه
ولله يعطيك الصحة على السفنج شهيتيني فيه والكسرة واللوبيا مع السخانة وععععتولي تبانلك موراها غي غطسة فالبحر هههههه. ..البلاطو تع القاطو هداك اداته أما لوحدة فاميلتنا كان عندها عرس
يااااي على عمري مريووومتي راهي مريضة تتوجع ..خفي روحي ديري لبرة. .وألف لباس عليك حنونة ..وتالمون ماتراطي والو راكي مريضة وعينك على السهرة بصحتك مسبقاً
زقزوقة الحلوة تسلم ايديك كل أصبع بصنعة وشكرا على فكرة الخضر المرابية بما فيها الكورجات والله مرات قاع تبحرلنا شا نديرو حشو
أم ياسو كيراكي غاية راني في شحال مالقيتكش ..بصحتك السباقيتي انت وأم تاجووووو
أم جوجو بصحتك الروز فالكوكوت اممممم
آسيا يا الغالية طياباتك تشهي امممممم وألف امممممم
روضة بصحتك البركوكس راهو يشهي وزيد من عند جداتك امالا راهو روووووووووعة
أم البنين. أم سدرة ..سما...كيهينة مساءكم سعيد حباباتي
إللي نسيتها تسمحلي

melissat · 2016-08-25, 15:27

اقتباس:

المشاركة الأصلية كتبت بواسطة بيلسان91

ماكانش اللي تجاوبني على كريمة الزبدة
ام تاجو راني جبدتها من الكونجيلاتار بعد منقدرش نرجعها دوماج
لازم نخدم بيها اليوم ولا غدوى

منقدرش نفديك حبيبة درك الاخوات يساعدوك انشاء الله

melissat · 2016-08-25, 15:37

فطورنا تع اليوم. ..اتفضلوا

اييييه قبل ماننسى أم ياسووووووو حلوة الكادر إلي درتيها فحفلة ولدك هي وصفة أم أماني ولا لا وكاش نصائح ولا تحريفات درتيهم قوليلي ..رآني نقول نديرها فعيد ميلاد ولد أختي ومنعرف

sama83 · 2016-08-25, 16:16

السلام عليكم حبايب قلبي ركام عمر أو الكازينو بزيارتكم شهيتوني مر يوما مش خسارة فيكم قصعة ش خشوخة

sama83 · 2016-08-25, 16:17

ورولي كيفاش نحمل الصور

omjoujou · 2016-08-25, 16:17

سلام لبنات
وعععععععع جيست حطيت غدايا هنا والتابلات مزالت في يديا صونا الباب جاوني ضياف الغفلة جاب ربي لغدا كان واجد مع انو مانحبش يجيوني ضياف على الغفلة نحب نكون على علم باه نوجدلهم حاااجة تليق بالمقام
المهم حطيتلهم الروز والسلطة والديسار والقازوز
وامبعد شرا زوجي قاطو من عند الباتيسي حطيتو مع القهوة
تقهواو برك وراحو
توبة حنونة راني كنت نقسر برك اكيد مش راح نزعف وكيما قالت حليفتي مريومة راح نعسوك غير تغيبي بلا ماتبرري غيابك راح نتمردا ونديرولك انقلاب خخخخخخ بصحتك اللوبيا راكي قتلتيني بيها هي والكسرة خميرة اممممممم
ام تاجوووو جارتي لعزيزة كلشي حطيتيه4444444444444 ربي يبارك في هذوك اليدين
ام ياسو اكيد مش راح نخليكم لشر ولو خخخخخخخ اما سؤالك الصراحة ماكنتش نعرف الاجابة تاعو انا عندي بلاطو صغير قياساتو 35 على 30 ندير فيه كيلو مكسرات وكيلو فرينة وكيلو عسل بصح يبقالي بزاااف من لي شيت تاع ا لعجينة
زقزوقتي الله يبارك على هذيك البقلاوة تاغ لحراير سلمينا على ام ايمان واعرضيها تنضم للمنتدى وبصحتك العرس
اسيا خليلي شوي من هذاك الدلاع يبرد القلب
ميليسات بصحتكم خليلي شوي من السردين
ام البنين بصحتك الخفيف الظريف
مريومتي ربي يشفيك حنونتي
ام سدرة بصحتكم التليتلي اممممممم
روضة امممم على هذاك العيش عندي مدة ماكليتوش يا يما ريوقي راهم يسيلوا
حياتي كلها امل كهينة ام هبوبة وشكون تاني المهم لي نسيتها تسمحلي مرحبا بيكم معانا ويعطيكم الصحة على كل حاااجة حطيتوها

sama83 · 2016-08-25, 16:18

أختي زيكا اطباقك 4444444444

انا هي رزيقة · 2016-08-25, 16:28

اختي روضة كنت نراجع اوقفتني هذه التحفة الفنية ...و الله سخفتني سخفة محصلتش يا لهوي متقدريش تسلفيلي جداتك يومين قوليلها راهي زيكا مرضت ملي شافت بركوكس تاعك .....خخخ ربي يخليهالكم حبيبتي و بوسيلي يديها لي يتلفو في حرير . حقا انتي ثاني مشاء الله عليك حنونة السلايط يا مامي

omjoujou · 2016-08-25, 16:34

بقاولي شوي حبيبات من قاطو باتيسري لي جابو زوجي وحطيتو لضياف مع القهوة
قلت نحطهولكم نتوما تاني تشربو بيه القهوة
تفضلوا حبيباتي

انا هي رزيقة · 2016-08-25, 16:34

اختي سما اضربي طلة على لمواضيع لي راهم تحت قسم الطبخ و الماكولات كاين بزاف خاصة بتحميل الصور و مشكورة على الاطراء اختي عينيك لي شابين حنونة
اختي مليسات يسلمو دوك اليدين لي دارو الكسرة الجميلة و الله تشهي مع السردين و الفريت و اللحم يامي يامي يا مي بصحتكم
اسيا اسوس عاش من شاف طيابك يا الفحلة البرانية واو و الله بانتلي فيلم ربي يديم عليكم نعمو حبيبتي
ام سدرة الجميلة يسلمو على داك التليتلي الزين كي مولاتو و الله باين تع الحراير حنونة
ام جوجو الفحلة فرحت كي مزعفتيش كنت نخمم واش يصبرني على ماكلتك ..... خخخخخ

انا هي رزيقة · 2016-08-25, 16:39

ياي ام جوجو مشكورة على الباتيسري جبتيها في وقتها بصح منردلكش الطبسي فارغ عندي حبيبات بقلاوة خلاتهملي اختي ام ايمان من هذيك لي داتها للعرس . الشابين درتهم في السنيوة بيانسور بصح هما بنان و يفيو بالغرض ...... خخخخخ