واش رايكم لبنات

[ام حمزة22]

المشاركة الأصلية كتبت بواسطة •سعيدة•

الف مبروووك لاولاد اخوك ام حمزة
ماشا الله كلش تحفة
بالصح شدني الفضول علاه دارت قاطو للنسا زي والرجال زي؟؟
قاطواتك روعة الوصفة لم تظهر جيدااا من فضلك اختي الغالية وقت ماسمحلك الوقت حطيلي الوصفة
وربي يدوم افراحكم ويبارك في ذرياتكم

الف شكر اختي عقبال لفرح عندك
اما عن استفسارك هو انها دارت سهرة لنساء بعد العشاء والسهرة تحب الشاي والحلويات المعسلة
اما حلوة الرجال دارتها في باطة ولي يتعشا يدي باطتو ويسهل

تفضلي الوصفتين اختي

سابلي باللوز المورق

125غ مارغارين + نصف كاس سكر ناعم + 125غ مايزينة + 1بيض كاملة +صفار بيضة واحدة +نصف كيس خميرة كيميائية انا استعملب الربع فقط +لافاني +فرينة حتى تتلم العجينة هنا ننتبه مليح ما نيبسهاش نخليها طرية باش جي الحلوة مبسسة
نشكل الحلوى على شكل صابلي عادي ثم ننقش الجيهة لي فيها تقب فالوسط نحطهم يطيبو مارايحينش ياخدو وقت كبير تمتم يطيبو نلسقهم متنى مثنى بالمعجون ونضيف شكلاطة دائبة فالوسط ثم نزينها بالوز المورق


وصفة الخوخ

175غ مارغارين + 2بيض +كاس سكر ناعم +نصف ملعقة صغيرة خميرة كيميائية + لافاني +عطر الخوخ

نخلط المارغارين مع البيض والسكر الناعم حتى تطرا ثم نضيف عطر الخوخ والفانيلية والخميرة الكيميلئية ثم الفرينة حتى تتلم العجينة وما ننساش نخليها طرية ما نيبسهاش

نكون كويرات ونضغط عليهم شوية وندخلهم للفرن بعد ما يطيب نلسقهم مثنى مثنى بالمعجون وندخلهم في خليط متكون من ماء زهر وملون غدائي احمر ثم نرمدهم فالسكر العادي تحبي تخليهم على حالهم او تخدمي ورقة بعجينة الديكور وتتحصلي على احلى خوخة

تحياتي اختي

سلاااام