اشاعات ام زوجي 2

[مشكلتي]

السلام عليكم
شكرا لكل من نصحني
لكن موضوعي هذا عبارة عن متنفس يعني فاجيت على قلبي شوي لاني احس بالضغط من نهار تزوجت ومن نهار بديت نحتك بعائلة زوجي وخصوصا امه يا جماعة مخلاتش شي ومدارتهوليش ودرك عادت تحكي عليا بالكدب والبهتان

للاحت اللي قالت مداخليش فيه يمد لامه النقود ربي يهديك برك انا نتكلم على شي وانت تتهمي فيا باللي نتدخل ؟ كون جيت نتدخل ونردلها واش تعمل فيا اكان هذا حالي نجي تشكي ونبرد قلبي ؟ راه نطربق من الظلم المستمر واخرتها وليت الساحرة الشريرة اللي حابسة راجلها على امه وتسرق في نقوده ؟
لعلمك في اول زواجي قالتلي انت علاش متخدميش راكي ثقلتي على ولدي وقرايتك بلا فايدة وقاعدة في الدار بلا فايدة

نزيدك حاجة مع الاسف امه مادية جدا ولا يهمها الا المادة انا يا عزيزتي الحمد لله تربيت في الخير ومن نهار تزوجت خيري مغرق اللي دايرين بيا وعييت معاها نتقرب ونودها تكرهني يا ودي كره معندوش مبرر
كيفاش ولادها كل يوم عندها وهي تفتري ؟
في عوض تحمد ربي طاحت في عرايس بنات ناس واصل ميداخلو بينها وبين ولادها ميحرشوهم عليها ذنبي الوحيد ساكنة بداري وحدي

علاش كي تشتكي العروسة تحبوا تكدبوها وتقولوا رانا نسمعوا من طرف واحد وتحطوا فيها اللي مفيهاش بصح العجوز دايما ملاك ؟
وهاد الشي اكل مقلتوش لزوجي ومش رح نقول ونشكر الاخ اللي قالي متقوليش خاطر تقلب كلش لمصلحتها وهاد الشي واضح لانها حتى قدام ولادها تبوس وتسلم وكي يخرجوا تولي تعيط عليا وتهيني كيفاش ندير معاها هاذي ؟

راني جابدة روحي والمشاكل مخطاتنيش علاش انا مش بنادم منحسش تزوجت باش تمسح هي بيا الارض ؟
حابة نفهم علاش يكرهوا عرايسهم العاقلين ؟ متقولوليش تعبت عليه وولدتوا والخ من الكلام التافه تعبت عله وولدتوا هذا مش بمزيتها هذا واجبها وهو واجبه تجاهها مدايره وانا مادخلي ؟ السم والطعن اكل فيا انا مررتلي حياتي انتم متعرفوش واش مقاسية راهي تخدم في الفتن والكذب 24 ساعة نخرج من فخ تحفرلي اخر يا ربي كون جات امي مدايرة في مرت خويا خكد نقول بالاك ربي خرجها فيا لكن لا


لمادا كل هدا الشر

[KARIO]

يا اختي راني حاسة بيك, تقول راكي تهدري على حماتي السابقة كان كل همها كيفاش ابنها استقل بسكن لوحده مع انه كان يروحلها مرتين فاليوم و هو يصرف عليهم بصح مكانش عاجبها الحال و هذي هي الصورة النمطية للحماة الجزائرية متحكي لزوجك ما والو لانو مراحش يصدق بان امه الملاك هي بالاساس "شيطان" مع الكنة اسفة على التعبير و لكنها الحقيقة و حتى و لو شاف امه ظالمة راح يوقف في طرفها, حلها اصبري و متعمريش راسك بيها و لا بهدرة الناس ولا رايهم فيك ولا واحد فيهم راح يبعثك للجنة ولا النار راهم غي يمحولك في ذنوبك
ربي يفرج عليك

[خالد عنابي]

اذا لم تكف عن اشاعاتها عودي وش تخرج عليك اشاعة طبقيها فعليا (على الاقل ماتكونيش تضلمتي هه)

[الطباخة الصغيرة]

يا اختي ربي معاك تقول راكي تهدري عليا.. انا ماشي مشكلة النقود وشنو نفس الموضوع اشاعات اشاعات كرهت حياتي حاسة روحي رايحة نهبل.. وراني نخمم في الطلاق لاني هملت روحي حكمتني الكأبة

[دنيا الامل 18]

ربي يكون معاك الحل الوحيد هو انك تتجنبيها قدر الامكان خاصة وانك الحمد لله ساكنة وحدك خلي تقول واش رايحة تربح المهم الهنى انت وزوجك وتكونوا متفاهمين

[آسيا 25]

السلام عليكم
أختي هذا واقع الكنة و الحماة في الجزائر خاصة للأسف الشديد!!!!! لكن ما العمل لازم نصبرو في سبيل إنجاح زواجنا أختي و اعلمي أننا نؤجر على ذلك, و احمدي الله أنك مستقلة عنها في المسكن واش رايك فاللي عايشة معاها و كل يوم تديرلها ف le mauvais sens !,المهم أنت كوني صافية مع ربي سبحانو و ما توصليهاش بالعيب و ديري الملاحة و عيشي هانية ما تمرضيش روحك و نصيحة أختي ما تسمعيش لكلام الناس لأنهم يحبو يفسدو و يغيرو كي يشوفو واحدة هانية ولا خيرمنهم donc كي يحبو يقولولها حاجة يقولولها(آم قالو فيك) بمعنى شوفي واش نعرفو عليك?!!!ربي يهدي سرك أختي الكريمة.

[الفاتحة]

اختي سمحيلي تباني من هدرتك واعرة بزاف... المهم اجبدي روحك ومتروحيش عندها إلا في المناسبات يعني على الاكثر خمس مرات في العام ومتحطيش وذنيك للناس كاين لي يفزد ويبدل الهدرة وكاين لي يحب يشعل النار احكمي دارك وولادك وزوري عائلتك وعوضي بيهم النقث لي من طرف اهل زوجك الحل في يديك وانت تحوسي عليه ما كانس اسهل من هك.

[sarl02]

على حسب كلامك انت في ظلم شديد ...اول شيء وكلي رب العباد على من ظلمك...ثاني شيء انا ضد من قال لك ما تحكيش واصبري ..للصبر حدود ..ولازم اتخرجي واش كاين في قلبك سواء لزوجك او غيره...لانه لو بقيتي كاتمة اتجيبيها غير في صحتك وساعتها لن ينفعك احد حتى زوجك...حاولي تتكيفي مع الوضع القائم والخروج من المشكلات اليومية باخف الاضرار ...لكن احكي وفرغي قلبك وربي كريم .

[أم همام 2015]

ربي يفتح علينا وعليك عاجلا غير آجل