عاونوني سيارتي تعطلت - الصفحة 2

رَكان · 2016-07-04, 13:07

اقتباس:

المشاركة الأصلية كتبت بواسطة االحر

الاخ ركان انا عندما ذكرت انه من الاحسن ان تكون سيارة الديزل جديدة وليست قديمة الاسباب هي
-1 غلاء قطع غياره وندرتها احيانا
2- قلة وجود ميكانيكيين مختصين ومتمكنين في اصلاح محركات الديزل في بلادنا
3- كثيرا ما نسمع من ناس كسبوا سيارات ديزل ان فتح محرك ديزل يستهلك الزيت لاصلاحه نادرا ما يعود كما كان عكس محركات البنزين
4- يبدو لي ان حتى في السياقة هناك فرق البنزين اسهل واقل خطورة من مركبات الديزل الذي يتطلب عناية وتمرس السائق خاصة في نظام الفرامل كما انه اذا ضعفت البطارية وتوقف المحرك مثلا سيارة البنزين سهل على سائق اعادة تشغيله بدفع السيارة قليلا عكس الديزل ما رأيك؟

أتفق معك في اغلب النقاط المذكورة ..مع قليل من التحفظ يعني اقصد الأمر نسبي نوعا ما وصحيح أنه قليل من الميكانيكيون من يكونون محترفين اصلاح محركات الديزل صح..وكذلك غلاء قطع الغيار طبعا اذا كان المحرم بعد أخصنة كبير ..وأيضا التعب والإرهاق في الحصول على بعض من مكونات المحرك سوف تجد باعة la casse في انتظارك بكل جشع وطمع ..
أردت القول سابقا أنه اذا اشتريت سيارة ديزل وكانت المسافة المقطوعة ما بين 100 و 200 ألف كلمتر ولاسيارة كان يملكها شخص غي متهور ويسوق باتزان ..فإن كسبت هذه السيارة وراعيت صيانتها بصفه دورية فأني أضمن لك سنوات لن ترى منها مايسيئك ناحية الميكانيك ..
بخصوص الفكرة الأخيرة التي ذكرتها حين توقف استعمال البطارية في عملية اقلاع المحرك من خلال دفع المركبة ..فلتعلم أنه العكس تماما عما ذكرت فالديزل سهل جدا تدوير محركه مقارنة بالبنزين ..

االحر · 2016-07-04, 17:42

اقتباس:

المشاركة الأصلية كتبت بواسطة رَكان

بخصوص الفكرة الأخيرة التي ذكرتها حين توقف استعمال البطارية في عملية اقلاع المحرك من خلال دفع المركبة ..فلتعلم أنه العكس تماما عما ذكرت فالديزل سهل جدا تدوير محركه مقارنة بالبنزين ..

كنت اظن عكس ذلك المهم شكرا على المعلومة

hicham43002 · 2016-07-04, 20:25

ممكن تكون لاشان ديكلات هذي اول حاجة نبداو بيها
ونروحو للكيلاص اذا تعوجت فالسيارة ماتنوضش وتقدر تفريفيها بلا ما تنحيها
وثالث حاجة الاجزاء الداخلية للمحرك الفيربروكا ولي شوميز هذا اذا كنت تمشي بلا زيت

safani · 2016-07-04, 20:58

نصيحة
اديها لسكانير

عبد العزيز 05 · 2016-07-05, 12:22

اريد سيارة 9 مقاعد وشكرا

sam2016 · 2016-07-20, 17:22

السلام عليكم
يعطيكم. الصحة خاوتي
انا من هاداك النهار و انا نستنى فيه يخدمها قالي مور العيد و مبعد قالي كنا مشغولين مع العيد المهم رحت ليه نهار الحد قالي مش مشكل تتاع الما قالي السوباب تكسر و التورنار و الكوروا تقطعت علاهاديك. لاشان ديكالات و لا مش عارف قالي انا كملتها اعطيني 2 ملاين ة نص بصح لازم يشوفها الاليكتريسيان علاخطرش ماهيش تنوض نورمال
سنيت غدوا من داك كي رحت ليه قالي شافها الاليكتريسيان و قالك ليزانجيكتور في 4 يتعاودو بوحد 8 ملايين بلا خدمة يدو
قتلو صح جيتلها الديباناج ة حطيتها عند الدار
قولولي كيفاه ندير

hicham43002 · 2016-07-20, 21:14

محرك سيارتك dci يعني ليزانجكتور لازم يتبرمجوا يا اخي نصيحة جيب سكانار بمعرفتك ويشوف ليزانجكتور ممكن كي نحاهم ماردهمش لبلاصتهم مثلا 1 في 1 و 2 في 2 و 3 في 3 و4 في 4 اذا كان عكسهم والا خلطهم السيارة ماتنوضش على الكالكيلاتور او الميمور ما قدرتش تتعرف عليهم وبالتالي راحة تكوبي عليهم الترسيتي
وكاش اسئلة والا اخبار رانا هنا

رَكان · 2016-07-20, 21:19

السلام عليكم
غيّر وجهتك الى ميكانيكي آخر
أنا اعرف شخص يمر عند الطبيب رقم 1 وبعد الفحص يمر عند الطبيب 2 ويحتفظ بالوصفة 1 في جيبه دون أن يطلع الطبيب 2 عليها ويكرر الأمر مع الطبيب 3 بعد ذلك يقوم بحوصلة وقرار لأختيار الوصفة المناسبة ..وذلك مثل فقط .

sam2016 · 2016-07-21, 12:20

بارك الله فيكم ساطلعكم بالجديد

sam2016 · 2016-07-21, 13:16

خاوتي زيدو فهموني ماني فاهم والو قتلكم الطوموبيل كانت عند خويا و كي قتلو الميكانيسيان قالي المشكل في ليزانجيكتور قالي ايه كانت من قبل تسنيالي في تابلودبور بروبلام انجيكتور حاجة كيما هاك و قالي قلت عادي المهم درتلو حالة
فهموني برك دون وين راه المشكل ربي يحفظكم

sam2016 · 2016-07-27, 11:07

و لا مساعدة

ahmed_com · 2016-07-27, 14:00

ليزنجيكتور هما لي يغذو المحرك بالوقود لكي يخلط مع الهواء ويحترق في المحرك وزيد انت غندك dci ديازال كومبريسور انجكسيو ... حقن الديزال تحت الضغط ان صح التعبير .
مدام سينيالات ليزانجكتور كنت تتوقف عن السياقة فورا وتديها تخدمهم ولاتبدلهم .

لما يكون مشكل فليزانجكتور اكيد راح يصرى ديكالاج فدوران المحرك نتيجة عدم توازن القوى للاربع اصطوانات وراح يصرالك مشكل علجلا ام اجلا .

المهم و المفيد كيما قالك الاخ شوف الكتريسيا وحد اخر يكون معرفتك باش يساعدك شوية وتمشيش بيها هكذا على خاطر تزيد توقع في نفس المشكل

ربي يسهلهالك ان شاء الله

madjid-16 · 2016-08-01, 10:56

ما رأيك في سيارات golf 2 و golf 3 = لماذا هي غالية الثمن رغم انها قديمة
يعني تجد سشيارة قولف 3 سنة 1992 بسعر 55 مليون
هل تنصحني بشراء هدا النوع من السيارة ؟ هل اصلاح أعطالها غالية الثمن أو عادية؟؟

هل قولف 3 أو قولف 2 أحسن من سيارة BYD F0 أو JAC J2 أو Haima 1 بالنسبة لواحد زوالي ولا يهمه شكل السيارة أو جمالها أو تكون مريحة المهم هو لا يكون فيها اعطال لي تسرف عليهم النقود

sam2016 · 2016-08-01, 21:21

اقتباس:

المشاركة الأصلية كتبت بواسطة ahmed_com

ليزنجيكتور هما لي يغذو المحرك بالوقود لكي يخلط مع الهواء ويحترق في المحرك وزيد انت غندك dci ديازال كومبريسور انجكسيو ... حقن الديزال تحت الضغط ان صح التعبير .
مدام سينيالات ليزانجكتور كنت تتوقف عن السياقة فورا وتديها تخدمهم ولاتبدلهم .

لما يكون مشكل فليزانجكتور اكيد راح يصرى ديكالاج فدوران المحرك نتيجة عدم توازن القوى للاربع اصطوانات وراح يصرالك مشكل علجلا ام اجلا .

المهم و المفيد كيما قالك الاخ شوف الكتريسيا وحد اخر يكون معرفتك باش يساعدك شوية وتمشيش بيها هكذا على خاطر تزيد توقع في نفس المشكل

ربي يسهلهالك ان شاء الله

بارك الله فيك اخي هاد السمانة عطيتها لصاحبي داها عند واحد ثقة علاخطرش عندي ظروف مانيش ﻻهي و دوك نشوف واش قالو

sam2016 · 2016-08-01, 21:22

الاخ مجيد للاسف معندي حتى معلومة او خبرة نفيدك بيها