ياطبيبي ورواح داويني

[فاطمة شلف]

المشاركة الأصلية كتبت بواسطة بوبكر بن علي

قلبي ذا حال الجارة قســـــمو........حتى من كبدي طارو ضلفات
بوبكر من خبرك شوك لحمو..........ومن عينيه طاحو هدة دمعات
من هم المبلية نسى هــــــــمو.........في وسط الجوف تسمع اهات
واه الواحد يسمح فيه دمـــــو........حتى من الوالدين ضميرهم مات
غير احباب ربي فيها رحـمو.........ملمومة في فـــراش عام وفات
تتمنى من ريحة اهلها تشمو.........تفرح بيه وتحيا فـــيها البسمات
تعلط لبدان من شورها دهمو........وتقول سهلا بريـــحتي ليا جات
كتشوف لناس منين هم يتلمو........تتقيض ويخرج من فمــها تنهات
ذا فارح ببيو ولاخر زاهي بمو.....وواحد متولع يجمل فـي الوليدات
جميع لهموم فيها راهم تلـــــمو.....تــدي قع الليل بلدمعة تبــــــــات
حال ذي المشومة لاحد علمو......من غير فاطـــــمة فيها واســـات
خدها راه ظفر الدمعة لطمو.......قيثرها حال الجارة حذاها بـــكات
المحروم ياربي وين هو سهمو.....لا والدين حنو ولا رحمو وخيــات
هذا قاطع قال ابيـــــــو ردمو.......وهذا امو دارها تحت المقاطـــات
ولي والديه قبالة وينهو ظلمو......واش السبة ذو موتـــــــة فالحـــياة
نطلب لك ربي جراحك يتلمو..... وتولي لك الصحة كسابق وفــــــات
ويرزقك المولى بفضلو ونعمو.....وتعيشي يا اختي مكايــــــن نكبات
بجاه لي هم صامــــــو وقامو......وبجاه طه الامين اشرف المخلوقات

مع كامل شكري للاستاذة فاطمة
تحياتي

قصيدة ولا اروع
بارك الله فيك وربي يجازيك ان شاء الله