كل واحد يشاركنا بخطأ قام بيه في عام الباك و ندم عليه-عبرة لطلاب 2017-

[rafif.ra]

المشاركة الأصلية كتبت بواسطة قلمُ مبدعة

السّـــــــهر
مع أني كنت آخذ وأثبت فيه كل المعلومات الصعبة
وقتي المفضل ، لكنه انعكس على مزاجي في النهار ،

انا ايضا أحبذ السهر على النهوض باكرا...لكن للاسف ينعكس على المزاج في النهار ههه خاصة في الصباح
شكرا لك اخية

المشاركة الأصلية كتبت بواسطة Youba09

في الفيزياء في تمرين القديفة (معاد)
في سوال اوجد الزمن
استخرجت العبارة الزمنية و عرفت ان السرعة سالبة و درت التساوي و جبت الزمن التلاقي و الارتفاع و هدا هو الصحيح
لكن عند تأكدي من فاضلة التقاطع مخرجتش متساوية بدلت الورقة و خليتو فراغ مدرتوش
للاسف ضاعت 1.5 و اخدت 18.5 و الحمد لله
العبرة : ثق في نفسك
2) لا تترك سوال والا و كتبت الاجابة حتى وان كنت ظانا انها خاطئة فلاتدري ربما انت على صواب و لكن الشيطان يوسوس لك

الحمد لله نقطتك جيدة جدا
عندنا مثل يقول الاول ما يتحول ههههه اؤمن به لدرجة كبيرة
لاني كي نبدل اجابتي دائما تظهر الاولى هي الاصح و نندم كي بدلتها
بارك الله فيك نصيحة جيدة

[abiadbrb]

ضيعت الوقت كي بدلت السيجي
مالتيتش بالفرنسي لي ديت فيها 405 و لونقلي 6.5
ماحفظتتش الفلسفة 7
ماعرفتش نخير لي سيجي ديما نروح للواعر
كي خرجت للمرحاض ضيعت الوقت
ما نظمتش
ما تحكمتش في الوقت

[raouftheking]

من اكبر الاخطاء التي قمت بها و التي حرمتني من 18 المعدل . هو انني مند بداية العام و انا انهض على 4 صباحا حتى احضر الدروس لان المنافسة قد اشتدت (المهم قتلت روحي مديت طاقة كبيرة في الاول . و بالتلي نهار الباك عندما حبيت انهض باكرا . لم استطيع + نغفا بزاف .. لم استطيع التركيز . لكن الحمد لله تحصلت على 16.90

2/ عدم حل الباكالوريات بزاف لان بفضلها تكتشف بزا بزاف اشياء . المهم تقدر تقيم نفسك من قبل .

3/ العربية مادخلتش بكري فيها . (في فيفري) و هدا عائق . لانك لابغيت تحلي النثر او ماش سؤال و جواب من النص لازم تحليل دقيق للنص حتى تفهميه و تسنطيعي الاجابة .

4/ ما تكثريش لي بروف تاع ليكور . و الله انا كنت مهبول فعلا ههه حتى كانو يقولون لي زملائي اينشطاين هبل ههه . لانني كنت ندير عند 3/3/3 في المواد الاساسية لكن طرو طار كي وصل افريل بديت نمد المخزون لي خبيتو في سبتكبر و بالتالي عدت عند 1/1/1 .

5/ هدا ماش خطا لكن . نصيحة // حاولي تحكمي الطاولة الاولى او الثانية لانك ادا حكمت الوراء تلقا تلاميد يحبو ديرو الفوضى و قولو الباك او مازال في مارس نبداو و هدا خطا فادح البك من الاول لكن ديري كيما سباق100 متر // ابداي نورمال اقراي ما تلعبيش و المسللات نحيهم عليك ههههه + الامتحانات ابدلي مجهودات لانها شاملة و كي يبدا يقرب الباك زيدي السرعة و عودي فكري غير في هدفك فقط + الصحبة اقطعيها عند الاخير باه تركز مليح

[rafif.ra]

المشاركة الأصلية كتبت بواسطة abiadbrb

ضيعت الوقت كي بدلت السيجي
مالتيتش بالفرنسي لي ديت فيها 405 و لونقلي 6.5
ماحفظتتش الفلسفة 7
ماعرفتش نخير لي سيجي ديما نروح للواعر
كي خرجت للمرحاض ضيعت الوقت
ما نظمتش
ما تحكمتش في الوقت

معليش اختي الاخطاء دروس ان شاء الله تكوني وصلتي لمعدل مقبول
الوقت الوقت الوقت...أزمة

المشاركة الأصلية كتبت بواسطة raouftheking

من اكبر الاخطاء التي قمت بها و التي حرمتني من 18 المعدل . هو انني مند بداية العام و انا انهض على 4 صباحا حتى احضر الدروس لان المنافسة قد اشتدت (المهم قتلت روحي مديت طاقة كبيرة في الاول . و بالتلي نهار الباك عندما حبيت انهض باكرا . لم استطيع + نغفا بزاف .. لم استطيع التركيز . لكن الحمد لله تحصلت على 16.90
لكن الحماس هاذاك تاع الدراسة يجي في الاول كثر من لخر ههههه انا ثاني في بداية العام ديما نقتل روحي ..لازم douga douga كيما نقولو حنا

2/ عدم حل الباكالوريات بزاف لان بفضلها تكتشف بزا بزاف اشياء . المهم تقدر تقيم نفسك من قبل .
نعم هذه خطوة مهمة جدددددددددا ان شاء الله نعملوا بيها مليييح في 2017
3/ العربية مادخلتش بكري فيها . (في فيفري) و هدا عائق . لانك لابغيت تحلي النثر او ماش سؤال و جواب من النص لازم تحليل دقيق للنص حتى تفهميه و تسنطيعي الاجابة .
المشكل انها تبان ساهلة و ما فيها والو ..مباعد كي تشوف الحل النموذجي و التنقيط تتشوكا

4/ ما تكثريش لي بروف تاع ليكور . و الله انا كنت مهبول فعلا ههه حتى كانو يقولون لي زملائي اينشطاين هبل ههه . لانني كنت ندير عند 3/3/3 في المواد الاساسية لكن طرو طار كي وصل افريل بديت نمد المخزون لي خبيتو في سبتكبر و بالتالي عدت عند 1/1/1 .
يا حفيظ 3/3/3 كثرة ليكور عادة تأثر بطريقة سلبية و ما تخليش للتلميذ الوقت باه يمارس التمارين وحدو..جيد انك رجعت 1/1/1 هههه

5/ هدا ماش خطا لكن . نصيحة // حاولي تحكمي الطاولة الاولى او الثانية لانك ادا حكمت الوراء تلقا تلاميد يحبو ديرو الفوضى و قولو الباك او مازال في مارس نبداو و هدا خطا فادح البك من الاول لكن ديري كيما سباق100 متر // ابداي نورمال اقراي ما تلعبيش و المسللات نحيهم عليك ههههه + الامتحانات ابدلي مجهودات لانها شاملة و كي يبدا يقرب الباك زيدي السرعة و عودي فكري غير في هدفك فقط + الصحبة اقطعيها عند الاخير باه تركز مليح
نعم المكان يلعب دور كبير في التركيز راح نعاود حرة لكني راح نركز على النقطة هاذي في ليكور...انا و التلفاز لا علاقة الحمد لله تهنيت منو..
المهم بشوية بشوية مباعد ننطلق مليار في الساعة هههه اوك

بارك الله فيك اخي كفيت و وفيت شكرا جزييييييييييييييييلا اخي

[Fillali omar]

انا تحصلت على 17,99 ارتكبت خطء فادح لكن لم يتم اقصائى حيث قمت في امتحان الادب بالاجابة في الورقة الاولى و اضافة ورقة اخرى لكن الغلطة كانت عندما ملءت البيانات الموضوعة في الورقة من الداخل والتي تؤكد ان التلميذ قدم ورقة الاجابة بيضاء وهذا خطء فادح هههههههههههه لكن من حسن حضي تم تصحيح ورقتي وتحصلت على 18 في الادب الحمد لالله

[ai*cha]

السلام عليكم ♥ أختي كان الباك الأول لكي 2014 و قررت أن تعيدي العام القادم ؟ أنا أيضا دفعة 2014 هههه
هل لم يعجبك التخصص ؟

[rafif.ra]

المشاركة الأصلية كتبت بواسطة fillali omar

انا تحصلت على 17,99 ارتكبت خطء فادح لكن لم يتم اقصائى حيث قمت في امتحان الادب بالاجابة في الورقة الاولى و اضافة ورقة اخرى لكن الغلطة كانت عندما ملءت البيانات الموضوعة في الورقة من الداخل والتي تؤكد ان التلميذ قدم ورقة الاجابة بيضاء وهذا خطء فادح هههههههههههه لكن من حسن حضي تم تصحيح ورقتي وتحصلت على 18 في الادب الحمد لالله

هههههههههه الحمد لله و الله خطأ فادح يا اختي ههههه الف مبروك المعدل الممتاز...اختي معليش تعطيني نصائح كيفاش تحصلتي على 18 في العربية ؟ كيفاش قريتيها ؟ و اي المراجع اعتمدتي ؟ و بارك الله فيك

[rafif.ra]

المشاركة الأصلية كتبت بواسطة ai*cha

السلام عليكم ♥ أختي كان الباك الأول لكي 2014 و قررت أن تعيدي العام القادم ؟ أنا أيضا دفعة 2014 هههه
هل لم يعجبك التخصص ؟

و عليكم السلام
نعم كان في 2014 و ما عاودتش منذ ذلك الحين و راح نعاود في 2017 ان شاء الله
و الله يا اختي كيفاش راح نقلك هههه هو التخصص في حد ذاتو مليح..لكن انا بقات في بالي حرقة الباك و المعدل لي ما قدرتش ندير بيه وش كنت حابة ...ما قدرتش نتخطى الامر و قلت لازمني نعاود و نبرد قلبي و لي فيه الخير يقدمو ربي ان شاء الله
ماذا عنك اختي ؟

[sosobibicha]

سلام عليكم
اكبر خطأ ارتكبته هو حل بعض التمارن شفويا دون الكتابة و الاستعمال الكثير للنت في الدراسة
ان تذكرت امورا اخرى ستكون لي عودة ان شاء الله

[ai*cha]

المشاركة الأصلية كتبت بواسطة rafif.ra

و عليكم السلام
نعم كان في 2014 و ما عاودتش منذ ذلك الحين و راح نعاود في 2017 ان شاء الله
و الله يا اختي كيفاش راح نقلك هههه هو التخصص في حد ذاتو مليح..لكن انا بقات في بالي حرقة الباك و المعدل لي ما قدرتش ندير بيه وش كنت حابة ...ما قدرتش نتخطى الامر و قلت لازمني نعاود و نبرد قلبي و لي فيه الخير يقدمو ربي ان شاء الله
ماذا عنك اختي ؟

و الله يا أختي نفس حالتك ههههه فرحت كثيرا كي وجدت وحدة من نفس دفعتي رايحة تعاود الباك أنا نقرا مدرسة عليا للأساتذة لكن حقيقة لا أحبها و ليست ميولي أعتقد أننا نشترك في الكثير من الأمور ههه

[rafif.ra]

المشاركة الأصلية كتبت بواسطة sosobibicha

سلام عليكم
اكبر خطأ ارتكبته هو حل بعض التمارن شفويا دون الكتابة و الاستعمال الكثير للنت في الدراسة
ان تذكرت امورا اخرى ستكون لي عودة ان شاء الله

و عليكم السلام اهلا اختي..
الحل الشفوي دائما نظن انه كالكتابي لكن شتاااان
و النت و الله سلاح ذو حدين كيما يقولو حتى في الدراسة
بارك الله فيك اختي مسرورة بعودتك مرة اخرى

المشاركة الأصلية كتبت بواسطة ai*cha

و الله يا أختي نفس حالتك ههههه فرحت كثيرا كي وجدت وحدة من نفس دفعتي رايحة تعاود الباك أنا نقرا مدرسة عليا للأساتذة لكن حقيقة لا أحبها و ليست ميولي أعتقد أننا نشترك في الكثير من الأمور ههه

ههههههه اهلا بيك..و الله انا ثاني نفرح كي نلقا تاع دفعة تاعي نتشجع ^^
قررتي تعاودي اختي ؟

[ai*cha]

المشاركة الأصلية كتبت بواسطة rafif.ra

و عليكم السلام اهلا اختي..
الحل الشفوي دائما نظن انه كالكتابي لكن شتاااان
و النت و الله سلاح ذو حدين كيما يقولو حتى في الدراسة
بارك الله فيك اختي مسرورة بعودتك مرة اخرى



ههههههه اهلا بيك..و الله انا ثاني نفرح كي نلقا تاع دفعة تاعي نتشجع ^^
قررتي تعاودي اختي ؟

نعم سأعيد باذن الله بعد تفكير طويييل يجب أن ننظم وقتنا و نوفق بين الجامعة و الاقامة الجامعية ( الكارثة الكبرى هههه) و البكالوريا أتمنى أن نبقى على اتصال دااائم أختى سنساعد بعضنا كثيرا
مذا عنك كيف ستوفقي بين الدراستين ؟ كنت أفكر أن أجمد السنة لكن تراجعت قليلا لأن الأمر كله متوقف على تنظيم الوقت فقط
و متى ستبدأين الدراسة ؟ أنا أفكر أن أبدأ مع شهر أكتوبر و في العطلة سأحااول أن أطالع نصوص من حوليات البكالوريا فرنسية و انجليزية :d اذا حبست السبات لي راني فيه هههههه

[rafif.ra]

المشاركة الأصلية كتبت بواسطة ai*cha

نعم سأعيد باذن الله بعد تفكير طويييل يجب أن ننظم وقتنا و نوفق بين الجامعة و الاقامة الجامعية ( الكارثة الكبرى هههه) و البكالوريا أتمنى أن نبقى على اتصال دااائم أختى سنساعد بعضنا كثيرا
مذا عنك كيف ستوفقي بين الدراستين ؟ كنت أفكر أن أجمد السنة لكن تراجعت قليلا لأن الأمر كله متوقف على تنظيم الوقت فقط
و متى ستبدأين الدراسة ؟ أنا أفكر أن أبدأ مع شهر أكتوبر و في العطلة سأحااول أن أطالع نصوص من حوليات البكالوريا فرنسية و انجليزية :d اذا حبست السبات لي راني فيه هههههه

ههههه انا ساجمد السنة اعلم قرار شوية غير صائب لكن ليست مستعدة باه نزيد نعاود نفس السيناريو و ما نقراش مليح للباك و ما نجيبوش مليح + عامي تاع الجامعة هو عام ليسانس و مذكرة و حفظ كثير و اقامة بعيدة ووووو....خممت مليح و قلت هذا هو الحل الامثل
المراجعة بديت من الآن...مراجعة خفيفة برك لاني نسيت كلش
وش حابة ديري اختي ؟ قصدي طموحك

[Xtinct05]

باك 2015 ضيعت وقت كبير في الدراسة الجماعية مع الاصدقاء دون فائدة

[ai*cha]

المشاركة الأصلية كتبت بواسطة rafif.ra

ههههه انا ساجمد السنة اعلم قرار شوية غير صائب لكن ليست مستعدة باه نزيد نعاود نفس السيناريو و ما نقراش مليح للباك و ما نجيبوش مليح + عامي تاع الجامعة هو عام ليسانس و مذكرة و حفظ كثير و اقامة بعيدة ووووو....خممت مليح و قلت هذا هو الحل الامثل
المراجعة بديت من الآن...مراجعة خفيفة برك لاني نسيت كلش
وش حابة ديري اختي ؟ قصدي طموحك

الشيء المضحك أنني طول حياتي لا أحب التعليم أبداااا و عندي مشكل في صوتي اذا طولت نهدر يروح ههههههه و مع هذا وجهت مدرسة -أنا أحب الطب لأن الطب يشمل كل المواد المحببة لي علوم كيمياء ..... كما أنني أحب أن أدرس مدى الحياة و هذا متوفر في الطب ههههه
لم أفكر كثيرا في تجميد السنة لا أعلم أين الصواب في تجميده أم دراستهما معا قرار صعب